týsdagur 13. februar 2007síða 18

18 tíðindi Nr. 31 - 13. februar 2007 Stjørna í Manhattan Gunnar Mikkelsen spælir í fríggja­ kvøldið og leygar­ kvøldið á Manhattan. Hetta verður eitt høvi at uppliva Stjerne For En Aften vinnarin á palli í Føroyum. Tónleikur Niels Uni Dam nielsuni@sosialurin.fo Hálvi føroyingurin Gunnar Mikkelsen gjørdist av álvara kendur, tá hann gjørdi Guðruni Sólju Jacobsen eftir og vann kappingina Stjerne For en Aften á Danmarks Radio. Við egnum tolkingum av løgunum Why Does It Always Rain On Me hjá Travis og The Scientist hjá Coldplay vann dámligi ljóshærdi drongurin nógv hjørtu. Meðan siðbundin popprokkur, soul og rein­ dyrkaður poppur vóru dominerandi í kappingini, var Gunnar sum eitt frískt lot. Hansara fyrsta fløga The Best Piece Of Advice Always Comes A Little Too Late, varð eisini væl móttikin, ummælini vóru sum heild góð, og lagið Haunted Honeymoon var nógv at hoyra í donskum miðlum, umframt, at tað eisini varð spælt nakað í USA. Danskir miðlar vóru skjótir at spáa Gunnari eina stóra framtíð og vístu á, at her kundi talan vera um okkurt annað enn vanligu døgnflug­ur­ nar, ið Stjerne For En Aften hópframleiddi. Men hvussu er og ikki, so hevur lítið og einki verið at hoyrt til Gunnar sein­astu árini, vitjar tú heima­síðu hansara, sært tú at seinastu tíðindi eru løgd út í mai 2005. Men fyri føroyingar er Gunnar aktuellur við jøvnum mill­umbilum, tá hann vitj­ar sum barrsangari, hetta ger hann m.a. í kom­andi vikuskifti. Hann spælir fríggja­ kvøldið og leygarkvøldið á Manhattan. Asfalt verður í juni Í juni í fjør var Asfalt á fyrsta sinni hildið í Tórsgøtu í Havn. Nú er greitt at aftur í ár fer føroyskur tón­ leikur at ljóma í Tórsgøtu Asfalt Niels Uni Dam nielsuni@sosialurin.fo - Vit halda fast í sama kon­ septi, sum gongur uppá at gera føroyskan tónleik sjón­ ligan og at fáa nýggjar bólk­ ar fram, sigur Bogi Andreas­ sen høvðuðsfyriskipari av tónleikatiltakinum Asfalt, ið verður hildið á øðrum sinni í døgunum 4.-9. juni. Konseptið óbroytt Í fjør gekk sambært Boga bet­ur enn væntað og tí verð­ ur grundhugsjónin sum so ikki broytt, men tiltakið verð­ur víðkað til eisini at umfata aðra list, umframt at tað í ár verður frá mánadegi til leygardag. Bogi greiðir frá, at nøkur ivamál vóru, tá tey fóru und­ ir tiltakið eitt nú var spurn­ ingur, um tað bar til at hava so nógvar konsertir innan fyri eitt so stutt tíðarskeið og um nóg nógvir góðir før­ oyskir bólkar vóru, men báð­­ir hesir spurningar kundu tey eftir tiltakið svara játtandi. Tað var eisini sera gleði­ ligt at uppliva hvussu væl fólk tók ímóti tiltakinum, sigur Bogi, ið hevur fingið góðar afturmeldingar frá bæði áskoðarum og frá lut­ tak­arum. Bogi sigur, at nú tiltakið verður víðka í dagatali, verð­ur eisini høvi at taka aðr­ar partar av miðbýnum við í verkætlanina, her kunnu t.d. vera framførslur og framsýningar í eitt nú sam­komuhølum og á bóka­ savn­inum. Einki tal sett á Í fjør varð skjótt meldað út, at Asfalt ætlaði at húsa 70 føroyskum bólkum, og hóast endaliga talið gjørdist 64 m.a. orsakað av nøkrum avboðum og fyri at tíðarætl­ anin skuldi ganga upp, so metir Bogi at hetta málið var rokkið nøkurlundað. Hann vil tó ikki leggja seg fastan á nakað ávíst tal enn. Men viðgongur, at fleiri nøvn longu eru komin upp á pláss, og fleiri onnur hava víst tiltakinum áhuga. - Vit fara í næstum at kunn­gera fyrstu nøvnini, sigur Bogi. Hann vísir á, at enn er nógv pláss eftir á skránni, so tí ber til hjá bólkum at seta seg í samband við As­falt. - Vit vilja gjarna bjóða okkurt nýtt fram eisini, so nýggir bólkar eru væl­kom­ nir at senda okkum demoir og tílíkt, sigur Bogi 16 skeinkiloyvir Í mun til øll hini tón­leika­ tiltøkini og festivalarnar valdi Asfalt ikki at skeinkja sterkt inni á økinum í fjør. Henda politikk ætla tey at halda fast í. - Í grannalagnum kring Asfalt eru 16 skeinkiloyvir, og vit eru sannførd um, at tey, ið umsita hesi loyvi, duga nógv betur at taka sær av hesum enn vit, so tí fara vit ikki at leggja okkum út í kapping við tey. Spæla fyri spælistað Umframt at sjónliggera før­ oyskan tónleik er Asfalt eitt stuðulstiltak. Í fjør var av­gjørt at yvirskotið skuldi fara í ein grunn, ið skuldi virka føroyskan tónleiki at frama. Í ár verður enn eitt stig tikið fyri at tryggja, at partur av inntøkuni verður settur av til vælgerandi enda­mál innan tónleikin. Í staðin fyri at teir bólkar, ið luttaka á Asfalt fáa sam­sýn­ ing fyri sína luttøku, verður ein ávís upphædd fyri hvønn bólkin sett á eina konto, ið skal brúkast før­ oysk­um tónleiki at frama. M.a. til áhaldandi arbeiðið at skapa eitt spælistað í høv­ uðsstaðnum. Bogi greiðir frá, at tá arbeitt verður við einum tiltakið sum Asfalt, so verður arbeitt við hjart­an­ um og ikki orsakað av fíggj­ arligum áhuga­málum, men á henda hátt verður peningur í øllum førum til føroyskan tónleik. Somu høvuðsstuðlar Aftur í ár eru Føroya Banki og Tórshavnar kommuna høv­uðsstuðlar, bankin skriv­ aði í fjør trý ára avtalu við Asfalt. Fyri kommununa er Asfalt í trá við áhaldandi ætl­anirnar um at gera Tórs­ gøtu til mentanargøtu. Bogi Andreassen er aftur í ár høvuðsfyriskipari av Asfalt mynd: Jens Kr. Vang Juliannu Boys spæla til føstulávintsdans á Strondum Leygarkvøldið verður føstulávintsdansur í Bygdahúsinum á Strond­um, har Juliannu Boys saman við øðrum spæla. Juliannu Boys eru Árni og Marnar, teir eru kendir fyri sínar frálíka góðu sangir. Teir hava givið fleiri fløgur út, undir egnum navnið og sum Black Birds. Tað er Strálan, ið skipar fyri tiltakinum og hetta verður gjørt fyri at savna pening inn til at byggja Neyst til bátarnar upp til komandi kappingarár. Felagið eigur tríggjar bátar Stráluna, Stjørnuna og Stríp­una. Jamm-kvøldini flutt í Kaggan Havnar Jazzfelag hevur seinastu árini skipað fyri jamm kvøldum, har føroyskir tónleikarar mikukvøld hittast. Tiltøkini hava verið væl umtókt, men hava ferðast kring býin. Seinastu tíðina er tað Cleopatra, ið hevur lagt høli til jammini, men nú tekur Kaggin yvir. Heðin Ziska Davidsen frá Havnar Jazzfelag sigur, at felagið hevur valt at broytt mannagongdina eitt sindur. – Ofta vóru tað tey somu fólkini, ið jammaðu, fyri at skapa eitt sindur av útskifting, hava vit nú valt, at ein ábyrgdarpersónur tekur sær av tónleikinum í ein mánað, síðan tekur ein annar yvir, hesin skaffar so bólk hvørt kvøldið og tílíkt, greiðir Heðin frá. Fyrsta mánaðin hevur hann ábyrgdina.