týsdagur 13. februar 2007síða 25

25 [ Nr. 31 - 13. februar 2007 ] Mandaric aftur í Onglandi Serbiski ríkmaðurin, Milan Mandaric, seldi í fjør Portsmouth, men nú er hann aftur at síggja í enskum fótbólti. Eftir øllum at døma er Mandaric nevnliga maðurin, sum skal bjarga Leicester. Enskir miðlar skriva, at hann hevur keypt felagið fyri 275 mió kr., og ætlandi verður tíðindafundur í dag, har tíðindini verða váttað. Owen skjótt klárur Michael sigur seg skjótt vera til reiðar at spæla fótbólt aftur, eftir at hann hevur verið úti við skaða, síðani Ongland í HM-kappingini spældi móti Svøríki. Ein dystur, har Owen bert fekk fáar minuttir á vøllinum, áðrenn hann small í svørðin við slitnum krossbandi. Seinastu vikuna er Owen byrjaður at renna, og bæði hann og Newcastle-venjarin, Glenn Roeder, vóna, at spælarin kann verða tøkur, áðrenn enska kappingin fer í summarfrí. 14 ára gamli Magnus Andreassen skeyt seg um vikuskiftið til silvur í sterkari boga­ skjótikapping í Dan­mark Bogaskjóting Jákup Mørk Bogaskjótideildin hevði sent tvey føroysk umboð til kappingina í Hillerød, sum eisini virkar sum upp­ hiting hjá bestu donsku skjútt­unum undan HM- kapp­ingini. Til samans vóru 130 lut­ takarar, og skutu vaksin her yvir 18 metrar, meðan yngru skjúttarnir skutu yvir 12 metrar. Teir báðir føroyingarnir vóru Magnus Andreasen úr Ørvi, sum skeyt compound, og Bogi Andreasen úr Vága­ skot, ið skeyt recurve. Har­ til tók føroyski Kristian Niclasen eisini lut í kappingini. Kristian er bú­sitandi í Danmark, og skeyt hann fyri eitt felag í Glostrup. Silvur til Magnus Bogi Andreasen var mill­ um teir 16 skjúttarnir, sum vunnu seg víðari til finalu­ umførini, men her hitti hann í fyrsta umfarinum ein sterkan dana, sum við 110-90 sendi Boga úr kapp­ ingini. Betri gekst hjá Magnus. Í innleiðandi bólkunum setti hann persónligt met við 572 stigum, og rakk hetta til næst besta úrslitið í bólkinum. Í 1/4-finaluni gjørdist talan um tryggan sigur, men í hálvfinaluni var greitt, talan var um sterka mótstøðu. Her hitti Magnus skjúttin, sum gjørdist nummar trý í inn­ leiðandi bólkinum, men í besta Robin Hood stíli varð hesin sendir úr kapp­ ingini. Yvir fýra umfør er hægsta stigatalið, sum kann vinnast, 120 stig, og av hesum fekk Magnus 116, soleiðis at hann vann dystin klárt. Og fram til fjórða og sein­ asta umfarið í finaluni, var Magnus eisini á odda. Hann hevði tá skotið 86 stig móti 85 hjá mótstøðumanninum, men í seinasta umfari vann danin seg kortini eitt stig framum. Men hóast hetta, so var talan um eitt framúr úrslit hjá 14 ára gamla Magnus. Steyp fekk hann eisini heim við sær – hetta fyri avrikið í innleiðandi umfarinum. Kristian Niclasen, Glostrup, skeyt innleiðandi 480 stig. Hann bleiv nr. 4 í sínum bólki, men megnaði ikki at koma víðari til finaluumførini. Magnus vann silvur í sterkari kapping Magnus Andreassen, Ørvur, við steypinum úr Hillerød11. februar 2007 Longu nú eru fyri­ reikingar farnar ígongd, so Ongland kann gerast vertur fyri HM-endaspæl­in­ um í 2018 Fótbóltur Jákup Mørk jakup@sosialurin.fo Eftir at Týskland var vertur fyri HM-endaspælinum í fjør, noyðist Europa helst at bíða í 12 ár, áðrenn størsta fótbóltskappingin av øllum aftur verður í okkara heimsparti. í 2008 verður HM fyri fyrstu ferð hildið á afrik­ anska meginlandinum, tá Suðurafrika er vertur, og síðani verður tað í Suður­ am­erika, at kappingin skal ganga fyri seg. Tó at avgerðin um heims­ partin ikki verður tikin fyrr enn um tvey ár, so verður roknað fyri vist, at Europa tá aftur stendur fyri tørni, og tá ætla bretar sær at vera tilreiðar. Stuðlaðu Týsklandi Tá atkvøðast skuldi um enda­spælið í 2006 á sinni, gjørdi Ongland í evstu løtu av, at teir vildu stuðla týsku umsóknini. Hetta varð gjørt, tí bretar við hesum mettu seg hava betri kort, um bíðað varð við umsóknini, og tí eru ætlanirnar um 2018 eisini í tráð við løgdu ætlanirnar. Sæð í bakspeglinum, so er tað kanska heldur ikki so býtt, at Ongland bíðaði. Umbyggingin av Wembley hevur tikið nógv longri tíð, enn upprunaliga ætlað, men nú røkist loksins fyri eini endaligari loysn, so enski tjóðvøllurin aftur verður tøkur at hýsa landsdystum, FA-Cup finalum og øðrum stórum tiltøkum. Ongland vil hýsa HM Ætlandi skal nýggi Wembley leikvøllurin verða karmur um HM-finaluna í 2018 Wayne Rooney fekk ikki færri enn 34% av atkvøð­un­ um, ta 4.000 enskar kvinn­ ur herfyri greiddu atkøvðu um, hvør var tann ljótasta ítróttarstjørnan í heiminum. Fáur man vera í iva um, at Rooney er ein av evnaríkastu ensku spælarunum í nýggjari tíð, men eftir øllum at døma er vakurleikin ikki eins stór­ur, sum fótbóltsevnini. Millum manna verður Rooney ofta róptur Shrek, og hetta navnið livdi hann væl og virðiliga upp til á at­kvøðugreiðslun Tað er fyritøkan One­Poll, sum hevur gjørt spurnar­ kann­ing­ina, og har segði ein tals­maður, at hóast Rooney varð mettur sum tann ljót­asta ítróttarstjørnan yvir­høvur, so kann hann ugga seg við, at unnustan, Coleen McLoughlin, telist millum vakrastu sprundini í Onglandi. 20 teir fremstu í atkvøðu­ greiðsluni vóru annars hesir: 1 Wayne Rooney (Fótbóltur) 2 Peter Beardsley (Fótbóltur) 3 Ronaldinho (Fótbóltur) 4 Peter Crouch (Fótbóltur) 5 Ricky Hatton (Nevaleikur) 6 Boris Becker (Tennis) 7 Paul Gascoigne (Fótbóltur) 8 Luke Chadwick (Fótbóltur) 9 Prince Naseem (Nevaleikur) 10 Martin Keown (Fótbóltur) 11 Dwight Yorke (Fótbóltur) 12 Ian Rush (Fótbóltur) 13 Stephen Hendry (Snooker) 14 Ian Bootham (Cricket) 15 Steve Davis (Snooker) 16 Colin Montgomerie (Golf) 17 Nigel Mansell (Formel 1) 18 Roger Federer (Tennis) 19 Andrew Murray (Tennis) 20 Ray Parlour (Fótbóltur) Rooney er tann ljótasti Wayne Rooney