fríggjadagur 16. februar 2007síða 21

Nr. 34 - 16. februar 2007 21 tíðindi 21 Nr. 228 - 24. november 2006 Í hesum døgum rundar eitt gamalt virkið í Vági tey 75 árini og 3. ættarlið hevur tikið við. Tangavirkið fyllir 75 ár og virksemi hevur verið øll árini, síðani Palli Mortensen, Argja Palli, legði lunnar undir virkið Vinna Dagfinn Olsen dagfinn@sosialurin.fo Myndir; Finn Johannesen/ Dagfinn Olsen Tangavirkið í Vági rundar tey 75 árini í hesum døgum og í hesum sambandi hevur virkið móttøku tann 23. februar. Tað var Palli Mortensen, nevndur Argja Palli, ið legði lunnar undir virkið. Hann flutti til Vágs í 1932, men longu í 1928 varð heitt á hann um at koma suður at hyggja at einum motori, ið skuldi setast í stand. Hetta arbeiði megn­ aði hann til fulnar, og tí spurdi Magnus Dahl, um hann vildi koma í Garða­ smiðjuna at arbeiða. Eftir tríggjar vetrar byrjaði hann so sítt egna virksemi, sum hevur hildið á til í dag. Virksemið hevur verið støð­ugt, men av skiftandi slag. Virksemið byrjaði við umvæling av súklum og øðrum smiðjuarbeiði. Krígsárini høvdu hópin av umvælingum av motor­ um við sær og eftir kríggið, umleið 1946, bleiv ein korvett umbygd til trolara. Arbeiðið var liðugt á summri 1947 og nevndist skipið Rodni. Í 1950 var kreppa, og bleiv tá farið undir at leggja sentralhita í hús. Í 1961 varð farið undir at framleiða føroyskar ketlar og hetta helt fram til 1978, tá farið varð undir at gera oljutangar og er hetta ein av stóru framleiðslunum ídag, og hesir eru sjálvandi góðkendir.   Ættarskifti Eftir fleiri ár, bleiv so fyrsta ættarliðskiftið í Smiðj­uni hjá Argja Palla, tá ið son­ur­ in Bent tók yvir arbeið­ið, og bleiv smiðjan kallað Smiðjan hjá Bent. Nú vit skriva 2007, hevur triðja ættarlið tikið við og stjórnast fyritøkan nú av Mortan Mortensen. Um aldarmótið byrjaði Tanga­virkið eisini handil, har útsøla er av baði­rúms­ tilhoyri, rørum, fittings, og annað, ið hoyrir til virk­sem­ ið.  Hóast virksemið hjá Tangavirkinum mest er í Suð­­uroynni, so eru sera nógv specialarbeiðir um­ biðin norðanfjørs. Eitt nú s t á l­ k o n s t r u k t i ó­ n ­ ir, flutingstangar og be­sløg til alivinnuna, um­ framt teir góðkendu olju­ tangarnir, ið verða seldir kring allar Føroyar.  Hóast nógv ár eru liðin síðani virksemið byrjaði, og hóast svárar krepputíðir, so hevur smiðjan altíð hórað undan, og hevur í dag staðfest sítt virksemi.  Á Tangavirkinum starv­ ast 13 fólk, herav eru 4 lærling­ar. Eisini er eitt fólk á skrivstovuni og eitt í handl­inum.  Mortan Mortensen, stjóri, heldur, at útlitini eru sera bjørt, tá ein hugsar um flutningssambandið um Suðuroyarfjørð er munandi betrað, og at í næstum skulu byggjast bæði skúli og ellisheim í oynni. Við hesum sær framtíðini ljós út. – Men tað, ið eisini er sera gott fyri eina fyritøku sum okkara er, at kund­ar norð­anfjørðs umbiðja alt fleiri og fleiri arbeiðir, tí teir vita, at vit kunnu veita eina góða vøru til ein góðan prís, sigur Mortan Mor­ten­ sen. Tangavirkið 75 ár á baki Tangavirkið (Smiðjan hjá Argja Palla, Smiðjan hjá Bent). Palli Mortensen flutti til Vágs í 1932 og byrjaði smiðju. Smiðjuarbeiðið í høvðusheitum:     stálarbeiði     góðkendir oljutangar     alminum, rustfrítt arbeiði     umvælingar     vanligt smiðju arbeiði     hita og sanitet     hydraulik     besløg til alivinnuna     serligir flutningstangar til alivinnuna     ymisk hús til el, spøl oa. FAKTA Mortan og Bent Mortensen, tvey ættarlið á Tangavirkinum Tangavirkið rundar tey 75 árini í hesum døgum Gomul mynd úr Vági, ið vísir Smiðjuna hjá Argja Palla Eittnú serligir flutningstangar til alivinnuna eru partur av framleiðsluni á Tangavirkinum Fyri fyrstu ferð í Føroyum letur ein banki upp eina ungdómsdeild, ið bert er fyri tey, sum eru millum 18 og 25 ár. Tænastur, ráðgeving, tiltøk, kundaráðgevar og høli eru skræddara­ seymað til ung í Føroyum. Deildin hjá Eik letur upp í dag, og opið hús verður frá kl. 15 – 17 BANKI Eirikur Lindenksov eirkur@sosialurin.fo Nú verður øðrvísi at fara í bankan! Í dag letur Eik upp eina ungdómsdeild, ið tekur sær av bankaørindum og ráðgeving til teirra, sum eru millum 18 og 25 ár. Hetta er fyrsta banka­ deildin av sínum slag í Føroyum, og hon er skrædd­araseymað til ung. Ungdómsdeildin er á Tinghúsvegi 49, beint yvir av SMS. - Ráðgevararnir á ung­ dómsdeildini eru ungir og duga væl at seta seg inn í støðuna hjá teimum ungu. Ert tú millum 18 og 25, og hevur tú brúk fyri at gera álvara av avbjóðing og dreymum, er hetta deildin fyri teg. Eik-deildin fyri ung hjálpir tær at fáa gongd á tínar ætlanir og hevur eisini eina røð av tæn­ astum, t. d. ungdómslán og lestrarkreditt, eins og góða ráðgeving um upp­ sparing og íløgur, sigur Eik í tíðindaskrivi. Deildin er innrættað av nýggjum og líkist í grundini ikki einum banka. Í Eik vóna tey, at tey ungu skulu kenna seg meira heima á nýggju deildini enn á øðrum bankadeildum og í øðrum bankum. Eingin avgreiðslukassi er, men í staðin er ein sjálvtøka og tvær teldur, har tú sjálv/ur fært avgreitt tíni bankaørindi. Spennandi tiltøk verða á nýggju ungdómsdeildini í vár. Fyrstu tiltøkini eru hesi: »Ung & upp­spar­ ing«, »Lærlingar & peng­ ar« og »Ung & íløgur«. - Á móttøkuni í dag hevur tú kjansin at síggja deildina, heilsa upp á ráð­ gevarnar, hoyra tónleik, fáa okkurt lekkurt at eta og annars hitta fólk. Tey fyrstu 160, sum eru í aldrinum 18-25 ár, fáa hvør sítt atgongu­ merki til frumsýningina av filminum »Ghost Rider« í Havnar Bio, sigur Eik. Eik letur upp ungdóms­ banka í Havn