mikudagur 21. februar 2007síða 7

Nr. 37 - 21. februar 2007 7 tíðindi Heimasíðan hjá Bill Justinussen hevur seinasta árið virkað, sum inngongd til pornografiskar síðir. Bill visti av ongum, men hevur nú tikið stig til, at strika síðuna. Alnet Niels Uni Dam nielsuni@sosialurin.fo Síðan juli mánað í fjør hevur heimasíðan hjá Bill Justinussen, løgtingsmanni Miðfloksins verið inngongd til útlendskar heimasíður, ið liggja sera fjart frá tí politisku linju, ið hesin flokkur leggur seg eftir. Bróðurparturin er heima­ síður av pornografiskum slag, við heitum sum Old Grannys Pissing Movies, Dad and little boy sex, Lesbian Porn, Male genital spanking og annað tílíkt, umframt link til Viagra sølu og gambling. Talan er um útvið 14.000 leinkir, av ivasomum uppruna. Bill Justinussen sjálvur sigur við Sosialin, at hann einki visti um skilið fyrr enn í gjár, og at hann beinanvegin setti seg í samband við veitaran av heimasíðuni Teletech, og bað um at síðan varð latin aftur. Beint áðrenn evsta­ mark okkara varð heima­ síðan strikað av netbú­ staðnum bill.teletech.fo – Teletech sigur, at virkið einans leggur servara pláss til síðuna, men annars onga avtalu hevur við Bill, um at reka síðuna, tí hava tey heldur ikki hildið eyga við, hvat hendur á síðuni. – Eg fekk hasa heima­ síðuna í sambandi við seinasta val, og hon hevur ikki verið virkin síðan tá. Eg havi ikki verið inni á heimasíðuni síðan tá, greið­ ur Miðflokka ting­maðurin frá. Bill sjálvur dugur als ikki at umsita heimasíðir, og hevði tí ein vevstjóra í sambandi við síðsta val, sum tók sær av síðuni. Bill sjálvur lat bert tilfarið til síðuna, so legði vevstjórin tað út fyri hann. – Eg dugi ikki at gera heimasíðir, og havi ikki orku at seta meg inn í tað, eg veit enntá ikki sjálvur hvussu man tekur heima­ síðuna burtur, sigur Bill. Men er tað ikki óheppi, hjá einum tingmanni hjá Miðflokkinum, at hava porno­grafiskt tilfar á heimasíðu síni í eitt hálvt ár? – Jú, tað er ómetaliga keðiligt, men heimasíðan er sum sagt ikki aktvi, so eg rokni ikki við, at nakar vitjar hana. Men tað er greitt, at man følir seg ikki væl, tá tílíkt hendur. Eg veit ikki hvør stendur aftan fyri tí, men tað er keðiligt, at fólk misbrúka heima­ síðuna hjá einum, sum tekur frástøðu frá tílíkum, sigur Bill Justinussen. Hann heldur fram: – Tað er bara forsømilsi, at eg ikki havi biðið Tele­ tech um, at tikið síðuna burtur, men nú havi eg lært, at tað ikki er gott, bara at leggja heimasíðu sína deyða millum tvey val, tí onkur kann misbrúka hetta. Bill Justinussen sigur seg ivast í, at hann fer at hava heimasíðu til komandi løg­ tingsval. Ein av teimum fúlu leinkjunum á heimasíðuni bill.teletech.fo Bill Justinussen brúktur til útbreiðslu av porno Bill Justinussen kann ikki lastast Hóast tað kann tykjast merkisvert, at Bill Justinussen ikki vitjar heimasíðu sína í nógvar mán­aðir, so kann Bill ikki lastast fyri innihaldið á síðuni, sigur løg­reglu­ maður, ið dag­liga fæst við KT-kriminalitet. Alnet Niels Uni Dam nielsuni@sosialurin.fo Hans Henrik Jensen, vara­ politikommiserur á donsku KT-kriminalløgregluni starv­ast til dagligt við KT- Kriminaliteti. Hann sigur við Sosialin, at hann sjálv­ andi ikki kann úttala seg í konkreta málinum, men at tann, ið eigur eina heima­ síðu vanliga hevur ábyrgd­ ina av heimasíðuni. Tað er sostatt Bill Justinussen, ið hevur ábyrgd av heima­ síðuni bill.teletech.fo. Men tá tað snýr seg um tilfar, ið onnur hava lagt út, uttan at eigarin veit av tí, so kann eigarin ikki lastast fyri hetta. – Hetta kann samanber­ ast við, at onkur blakar okkurt inn gjøgnum bræv­ sprekkuna hjá tær, og tú ber hetta inn saman við tilboðsbløðunum, um tú ikki veitst av tí, so kanst tú heldur ikki lastast fyri tað. Men í tí løtu, tú gerst varur við málið, er støðan ein onnur, og tú eigur, at taka stig til at fáa tað strikað, sigur Hans Henrik Jensen. Hann viðgongur, at tað er heldur sjáldsamt, at fólk ikki vitja sína heimasíðu í tíðarskeið, ið eru yvir eitt hálvt ár, men heldur ikki, at hetta er nakað, ið nøkur søk kundi komið burtur úr. Bill Justinussen gjørdist ikki varur við, at heimasíða hansara var inngongd til út við 14.000 heimasíður við pornografiskum tilfari fyrr enn í gjár. Hann tók bein­ anvegin stig til at fáa síðuna strikaða, sostatt kann Bill ikki lastast í hesum óhepna máli, um tað skuldi víst seg, at onkur av heima­ síðunum hevur tilfar, ið er av ólógligum karakteri. Aftur í morgun vóru fleiri pornografiskar heimasíðuleinkir lagdar inn á politiska kjakið á heimasíðuni hjá Bill Justinussen.