hósdagur 22. februar 2007síða 8

8 Nr. 38 - 22. februar 2007 tíðindi Hvannasunds kommuna hevur nú fingið veganøvn og húsanummur. Av hesi orsøk er eisini staðfest, at í Múla eru fýra hús, sum í dag hava hvør sítt húsanummar Bygdir Snorri Brend snorri@sosialurin.fo Múli: Ikki óvæntað verður tann átta kilometrar langi vegurin úr Norðdepli og norður til Múla kallaður Múlavegur. Líka so vist er tað, at vegurin frá tunnils­munn­an­ um, tvørtur um brúnna um Hvanna­sund og inn móti bygdini Hvannasund eitur Hvanna­sundsvegur. Umframt hesi nøvnini eru fleiri onnur nøvn í teimum fimm bygdunum í kommununi, nevniliga Hvanna­sund, Norð­toftir, Depil, Norðdepil og Múli. Frammanundan góð­kenn­ ing­ini av nøvnunum hev­ur málið verið til viðgerð í kommununi. Mikudagin í farnu viku komu so boðini um, at tey vórðu góðkend og løgd út á heimasíðuna hjá Matrikul­ stovuni. Oyðsla við numrum Tað hevur gingið væl at fáa tær ymisku kommunurnar kring landið at fáa bæði gøtunøvn og nummur til tey einstøku húsini. Frá myndugleikanna síðu og frá Matrikulstovuni hev­ ur verið gjørt eitt miðvíst arbeiði at fáa hetta málið loyst kring alt landið. Høvuðsendamálið við at hava allar hesar adressurnar er, at tað skal vera bæði lætt og skjótt at finna vegin fram um hetta gjørdist bráðneyðugt. Her kann t.d. verða talan um sjúkrabil, brandbil og løgreglu, men eisini hjá lækna, hýruvognum og vanligum fólki. – Høvuðsendamálið hev­ ur sostatt ikki verið at varð­ veita gomul staðanøvn. Hetta kemur í aðru røð, sigur Matrikulstovan. Lagt verður tí aftrat, at ein eigur at vera sparin við veganøvnum, men at ein eigur heldur at vera meiri oyðslutur, tá talan er um húsanumrini. Vikuskiftið 9. til 12. mars skipar Hotel Ørkin í Reykjavík fyri fjølbroyttari ráðstevnu um vinnu og samstarv. Endamálið er at vísa á teir møguleikarnar, sum Íslands- sáttmálin gevur føroyingum Samvinna Snorri Brend snorri@sosialurin.fo Reykjavík: – Ber yvirhøv­ ur til hjá føroyingum at fara undir vinnuligt virksemi í Íslandi? Hetta er ein av mongum spurningum, sum uttan iva verður settur fleiri ferðir á ráðstevnuni á føroyska sjó­ mansheiminum í Reykja­ vík. Fólkini á Ørkini hava nevni­liga sett sær fyri at vísa m.a. føroyingum á teir møguleikarnar, sum finnast í Íslandi. Hetta verður gjørt við fyrilestrum og fram­sýn­ing­ um og við vitjanum á hesi ráðstevnuni, sum júst ber heit­ið »Møguleikar í Ís­landi«. Ætlanin er nevniliga at vitja fyritøkur sum føroy­ ingar eiga og reka í Reykja­ vík. Og í hesum sambandi slepst neyvan undan eini vitjan í onkrari av fyri­tøk­ unum, sum havnarmaðurin Jákupi á Dul eigur í Ís­landi. Stevnan byrjar fríggja­ kvøldið 9. mars og endar mánadagin 12. mars, tá farið verður heimaftur við Atlantsflogi. Royndir og møguleikar Lagt er upp til eina sera forvitnisliga skrá hesar dag­ arnar, við einum rættiliga stórum úrvali av evnum at lýsa og vísa á møguleikarn­ ar, sum hóast alt eru hjá føroyingum í Íslandi. Millum tey mongu áhugav­erdu evnini fer stórur dentur at verða lagdur á at vísa á tær royndirnar, sum føroyingar longu hava gjørt sær her á tí vinnuliga økinum. Ein av fyrilestrarar­hald­ arunum er vinnu­lívs­mað­ urin, Olaf Olsen, sum fer at vísa á gongdar leiðir innan íslendska fiskivinnu, eins og ein amerikanskur løg­ frøð­ingur fer at siga frá sínum royndum í Íslandi. Tað sama fara ein íslendskur byggifrøðingur, ein handverkari og ein trygg­ingarmaður at gera, áðrenn fleiri føroyingar, sum starvast í Íslandi fara at geva góð ráð um, hvussu ein ber seg at í hesum landinum. Oljan verður heldur ikki gloymd við eitt slíkt høvi. Ein íslendskur ráðgevi fer nevniliga at vísa á møgu­ leikarnar innan olju- og gass­vinnu. Ferðavinnan er ein sjálv­ sagdur partur av eini slíkari ráðstevnu, og fara umboð fyri Atlantsflog og Faroe Travel at greiða frá ferða­ møguleikum millum lond­ ini og til londini bæði. Leygarkvøldið verður skip­að fyri føroyskari gospel­­konsert og sunnu­dag­ in verður føroyskt møti á Ørkini, har kendir føroy­ing­ ar syngja og tala. Á ráðstevnuni verður eis­ ini ein listaframsýning, sum føroyski listamaðurin Oggi Lamhauge og onnur skipa fyri. Skótar hittast til guds­ tænastur 22. februar er dagurin, tá skótar í Føroyum og aðrastaðni kring allan heimin hittast til guds­ tænastur. Hesin serstaki dag­ urin hjá skótunum verð­ur eisini nevndur Hugsunardagurin. Á enskum máli verð­ ur hann nevndur Think­ ing Day ella World Friend­ship Day. Og tað kemur ikki av ongum. – Henda dagin hugsa vit um skótavinir okk­ ara kring allan heimin, sigur Føroya Skótaráð. Hesin felagsskapur­ in um­boðar skótarnar hjá Frelsunarherinum, skótarnar hjá KFUM, skótarnar hjá KFUM og Føroya Skóta­sam­ band. Ein slíkan dag hava skótarnir eisini møgu­ leika at senda øðrum skótum – og øðrum ikki-skótum – eitt Hugsunardagskort við eini skótaheilsan. Í Føroyum verða har­ aftrat skipaðar guds­ tæn­astur í kvøld kl. 19 í fimm kirkjum - í Havnar kirkju, Christi­ ans­kirkjuni, Leirvíkar kirkju, Kollfjarðar kirkju og í Skálavíkar kirkju. Hesar serstøku skóta­ gudstænasturnar verða hildnar til minnis um stovnararnar av skóta­ rørsluni, hjúnini Baden-Powell ið bæði høvdu føðingardag henda dagin. sb. Fýra húsanummur í Múla Fýra húsa­nummur eru á Múlavegnum í Múla - 1, 3 og 5 í høgru síðu, og nr. 2 í vinstru síðu Nógvir møguleikar eru í Íslandi Nógvir møguleikar eru fyri føroyingar Íslandi. Finna vit teir?!