mánadagur 26. februar 2007síða 9

9 tíðindi Nr. 40 - 26. februar 2007 Føroya Banki hevði eitt sera gott ár í fjør. Men tað forðar kortini ikki banka­ num í at hava stórar ætlanir fyri hetta árið. - Vit vænta, at útlán­ ini fara at økjast við 1 mia krónum. Og vit vænta haraftrat øktar inntøkur av vaksandi íløguvirkseminum hjá okkara kundum, sigur Janus Petersen, forstjóri í bankanum Banki Orð & mynd: Snorri Brend snorri@sosialurin.fo Havn: Avlopið hjá Føroya Banka var heilar 193 mió krónur í fjør. - Úrslitið er munandi betri enn í 2005, tá tað var uppá 158 mió krónur. Og tað skal gerast enn betri í ár. - Vit vænta eitt úrslit í ár uppá millum 120 og 140 mió krónur áðrenn skatt, upp­lýsti forstjórin, Janus Peter­sen á tíðindafundi fyrra­partin. Á fundinum var greitt frá úrslitinum hjá bankanum í fjør, eins og víst varð á nakrar av ætlanunum sum skulu fremjast í verki í ár. Til staðar við tíðinda­fund­ in var stórur partur av før­ oysku tíðindatænastuni. Men at Føroya Banki ætlar sær víðari út í heim, sást eisini av luttøkuni hjá út­lendskum fjølmiðlum. Tíðindafólk úr Danmark og Íslandi vóru somuleiðis til staðar, og fara tey nú at greiða sínum lesarum frá um føroyska bankan. Hetta hóskar eisini sera væl við ætlanir bankans um at vera ein leiðandi banki í Føroyum og altjóða at veita kundunum útvaldar fíggjar­ tænastur. Minkaður váði Samanumtikið kann leiðsl­ an í Føroya Banka líta aftur á eitt virkið og gott ár í fjør. Aðrastaðni á síðuni er víst til nakrar av hesum posi­tivu hendingum fyri bank­an. Ein orsøk til hesa positivu gongdina í bank­ anum eru tey øktu útlánini. Onnur viðurskifti á sama borði eru tær hækkaðu netto­rentu- og tænastu­inn­ tøkurnar og at tænastu- og provisjónsinntøkurnar somu­leiðis eru hækkaðar í fjør. Bankin endurskipaði í fjør fleiri feløg innan ali­ vinn­una. Her var talan um feløg, sum bankin yvirtók í samband við kreppuna í ali­ vinnuni í 2003. Hesi feløg­ ini vórðu skipað í eitt ein­ stakt felag á sumri í fjør – Bakkafrost Holding – og førdi hetta við sær, at kreditt­ váðin hjá bankanum mink­ aði. - Bankin hevur tí afturført burturleggingar fyri 66 mió krónur í fjør, upplýsti for­ stjórin. Øktur útlánspartur Eitt miðvíst arbeiði frá bank­ans síðu hevur verið – og er altíð – at vinna sær part av marknaðinum í Før­ oy­um. Hetta arbeiðið eydn­ aðist somuleiðis væl í fjør. Útlánini til vinnulívið øktust við 44 upp í 48 % um samanborið verður við hinar peningastovnarnar í landinum. Og útlánini til privatkundar øktust úr 39 upp í 41 %. - Samanlagt øktist útláns­ parturin úr 42 upp í 44 %, segði ein ikki sørt fegin Janus Petersen. Í fjør hevur bankin har­ aftrat framt tvey stór mál í verki – at stovnseta mekl­ ara­fyritøkuna Skyn og ráð­ gevingardeildina Corporate Finance, eins og fram­taks­ felagið Løkir varð stovnað. Menna samskiftið Nógva virksemið í landinum hevur eisini sína ávirkan á vónir bankans fyri hesum ári­num. Bankin væntar, at netto­ rentu- og tænastuinn­tøkur­ nar verða um 300 mió kr. Økingin í nettoinntøkunum stavar í høvuðsheitum frá eini væntaðari nettoøking í útlánunum uppá einar góða milliard. Hinvegin staðfestir bank­ in, at roknast kann ikki við eini øking í rentumarginali­ num, tí kappingin á føroyska fíggjarmarknaðinum er so hørð. Til tess at nøkta tørvin á tí vaksandi virkseminum í bankanum eru fleiri starvs­ fólk sett í starv í fjør. - Men, legði Janus Peter­ sen dent á: - Her er talan um eina íløgu, sum er neyð­ ug fyri at kunna fremja ætlan okkara um enn størri vøkstur og fyri at menna sam­skiftið við kundarnar. Gott úrslit skal gerast enn betri Fuglur gav motor-trupulleikar Føroyaflogfarið hjá Atlantic Airways noyddist at setast í Noreg, tá ein fuglur eftir øllum at døma hevði gjørt skaða á ein av motorunum Frá ferðafólki umborð skilst, at onkur hvakk eitt sindur við, tá tað var sjónligt, at ein av motorunum ikki skikkaði sær heilt, sum hesir vanliga gera. - Málið varð alt fyri eitt kannað, og líkt er til, at ein fuglur er komin inn í motorin, tá flogfarið er farið úr Kastrup. Tað er slíkt, sum tíverri kann henda, men fyri at vera heilt vísir, kanna vit sjálvandi málið til botns, sigur Magni Arge, stjóri í Atlantic Airways. - Tað vildi so væl til í óhappinum, at vit høvdu bæði flogfar og teknisk starvsfólk á vøllinum í Noreg, so seinkingin hjá teimum ferðandi varð tíbetur sum minst av hesum, sigur Magni Arge. Úrslit hjá Føroya Banka í 2006 Avlop fyri skatt er 193 mió. Útlánini eru økt við 33% - úr 4,1 mia upp í 5,4 mia Innlánini eru økt við 3,1 % - úr 4,5 mia upp í 4,6 mia Nettorentu- og tænastuinntøkurnar eru hækkaðar við 7,7 % - úr 255 mió. upp í 275 mió. Tænastu- og provisjónsinntøkurnar eru hækkaðar við 68 %- úr 21 mió upp í 35 mió. Eginpeningurin er 1.246 mió og solvensurin er 38% Fíggjarjavni bankans er øktur við 13,2 % - úr 6,4 mia upp í 7,2 mia. 66 % ein­ skild í vár Arbeiðið við at einskilja Føroya Banka er kom so mikið væl áleiðis, at upp til 66% kunnu verða seld longu í 2. ársfjórðingi í ár. Tey seinastu 34 % verða seld tey komandi ár­ini. Hetta tiltakið fer har­ aftrat at føra við sær, at bankin verður skrá­settur á ikki færri enn trimum virðisbrævamarknaðum – tí føroyska, á ICEX og á Københavns Fonds­ børs. Á henda hátt kunnu ognirnar í bankanum verða spjadd yvir hesi trý londini, og helst enn longur út í Europa. Í løtuni eigur fíggingar­ grunnurin frá 1992 nær­ um øll partabrøvini í Før­ oya Banka – 99,4 %. Handilsbankin, Capital Markets er høvuðsráð­ gevi í tilgongdini við at ein­skilja bankan. - Úrslitið hjá Føroya Banka var sera gott í fjør. Mál okkara er at verða besta arbeiðsplássið í landinum, sigur Janus Petersen, forstjóri