mánadagur 26. februar 2007síða 32

32 Nr. 40 - 26. februar 2007 tíðindi Ein maður slapp ómeta­liga væl frá einum hóhappið leygarmorgunin Ein bilførari slapp ómetaliga væl frá einum óhappi leygar­ morgunin. Ein maður var farin einsamallur í bili norð­ur eftir Oyggj. Men í Mjórkadali fór hann oman av vegnum. Bilurin bóltaði runt nakrar ferðir og bilførarin kom at liggja fastur undir bilinum. Alt apparatið varð sett í sving og tey fingu bjarga manninum undan bil­in­um. Hann varð førdur á Lands­ sjúkrahúsið til kann­ingar, men er sloppin uttan mein, sigur løgreglan. Vakthavandi á politistøðini í morgun kendi ikki smá­ lutirnar í málinum. Men um vikuskiftið greiddi løgreglan Útvarpinum frá óhappinum og tað er eitt dømi um, hvussu væl tað ber til at sleppa, tá ið hepni er við í viðførinum. Politisturin greiddi frá, at maðurin kom at liggja við arminum í klemmu undir einum hjóli og slapp ongan veg. Men tívetur hevði hann knív uppi á sær. Við honum fekk hann sprett jakkan upp, so at hann fekk gatur á fartelefonini og fekk sent boð eftir hjálp. Hevði hann ikki havt knígv uppi á sær, kundi ver­ið illa vorðið, tí tað var rættiliga kalt og onki sást til óhappi frá vegnum. Onkrir bilar høvdu koyrt framvið uttan at óra ilt. Ein bilførari var tikin við ríkiligari ferð í Kollafirði í gjár Tað hendir seg meiri enn so, at bilførarar sleppa væl frá at koyra skjótari enn loyvt er. Men tað hendir seg sanniliga eisini meiri enn so, at teir ikki sleppa væl frá tí. Og kann tað koma at hanga sum eitt svørð yvir teirra høvdi í fleiri ár Í gjár gjørdi løgreglan ferð­kanningar í Kollafirði og har varð ein bilførari tikin fyri at koyra alt ov skjótt. Hann koyrdi 117 kilo­ metrar um tíman á einum strekki, har tað einans er loyvt at koyra 80. Tað merkir at hann fær bót. Men harafturat missur hann koyrikortið treytað í trý ár. Sostatt hevur hann fing­ið gult kort Men tað merk­ir so eisini, at frem­ ur hann líknandi brot á ferðslulógina einaferð afur­at tey næstu trý árini er ongin vegur uttanum: So verður kortið tikið. Tað merkir, at verður hann eina ferð afturat tey næstu trý árini tikin fyri at koyra meiri enn 110 kilo­ metrar um tíman, har tað er loyvt at koyra 80 missur hann koyrikortið. Sama sama ger seg galdandi, verð­ur hann aftur tikin fyri at koyra meiri enn 80, har tað er loyvt at koyra 50, ella vissi hann koyrir ávirkaður, ikki heldur treytaleysa víki­ skyldu. Men eisini onnur brot á ferðslulógina hava somu avleiðingar við sær. Helt ikki víkiskyldu Ein annar maður skal eis­ ini ansa sær serliga væl í ferðsluni tey næstu árini. Í gjákrvøldið helt hann ikki treytaleysa víkiskyldu í ein­ um krossvegi í Havn og tað førdi til, at hann rendi á ein annan vil. Skaðin var ikki stórur, men av tí at hann ikki helt treytaleysa víkiskyldu, eru eisini útlit fyri, at hann missur koyrikortið treytað í trý ár. -áki- Koyrikortið hongur í klønum tráði Knívurin og fartelefonin bjargaði honum Tað var her við bygningarnar í Mjórkadali, at ein bilur fór útav. Ongin sá óhappið og ongin sá bilin. Ein knívur og ein fartelefon bjargaði manninum -áki- Í summar verður farið undir mest umfatandi hvala­telj­ ingina higartil Hvalur og kópur Áki Bertholdsen aki@sosialurin.fo Í hesi vikuni verður ársfundur hjá NAMMCO hildin í Tromsø í Noregi. NAMMCO er Norðuratlantiska nevnd­ in fyri havsúgdýr, og lima­ londini eru Føroyar, Ís­land, Noreg og Grønland. Har­ umframt luttaka Kanada, Japan, Danmark og Russ­ land sum eygleiðarar og fund­urin verður í morgin, miku­dagin og hósdagin, sigur Fiskimálaráðið í tíðinda­skrivi. Á fundinum fer vísinda­ nevndin hjá NAMMCO at leggja fram niðurstøður og tilmæli um ymsar hvala- og kópastovnar. Hetta eru niðurstøður og tilmæli, sum NAMMCO, hevur biðið um. Kann føra til nýggja stovnsmeting Annars skal ein umfatandi hvalateljing gerast í summar. Tað er vísindanevndin hjá NAMMCO, sum sam­ skip­að teljingina og hetta verð­ur mest umfatandi hvala­teljingin higartil, tí um­framt øll NAMMCO lima­ londini, fara eisini Kanada og Russland at vera við í teljingunum hesaferð. Úrslitini av teljingunum kunnu føra til, at stovns­met­ ingin av grindahvali á okkara leiðum skal endurskoðast. NAMMCO hevur eis­ini stovnað eina nýggja um­sit­ ing­arnevnd fyri kóp og hon fer at halda sín fyrsta fund næstu viku. Kanada hevur eisini víst áhuga fyri at hava ein virknan leiklut í hesi nevndini, sum er einasta milllumlanda sam­ starv sum er um umsiting av kópastovnum. Samstarva við onnur Í NAMMCO er eisini eitt virkið tekniskt samstarv ímill­um veiðimenn og djóra­ lækna­serfrøðingar um at avlíva hval og kóp. Har hava Føroyar havt gott høvi at kunna onnur um at drepa grindahval og eisini hava vit havt gott høvi læra av øðrum. Seinastu úrslitini frá hes­ um arbeiði verður eisini viðgjørt á ársfundinum í Tromsø NAMMCO hevur eisini eina eygleiðaraskipan, sum gev­ur limalondum høvi at halda eyga við, hvussu væl eftir­litið við hvala- og kópa­ veiða í hinum londunum virkar. Í ár er ætlanin at ein NAMMCO eygleiðari fer at fylgja við í íslendsku stór­ hval­a­veiðini. Føroyar hava havt for­mans­ skapin í NAMMCO síðan 2004, tað er Kate Sanderson, serfrøðingur í Fiskimálaráðnum, sum er forkvinna. Í føroysku sendinevndini, sum fer á NAMMCO ársfund verða: Ulla Svarrer Wang, ráðgevari í Fiskimálaráðnum, Bjarni Mikkelsen og Gene­ viève Desportes á Náttúru­ gripasavninum, Jústi­nes Olsen, djóralækni og Ólav­ur Sjúrðarberg í Grinda­manna­ felagið. Úrslitið av stórari hvalateljing í summar, kann føra til, at stovnurin av grindahvali um okkara leiðir, verður endurskoðaður Kann føra til nýggja stovnsmeting av grindhvali