týsdagur 27. februar 2007síða 24

24 vinnusíðurnar Nr. 41 - 27. februar 2007 Snýttir í løn Ein kanning í Noregi vísir, at triði hvør póllendingur, sum er komin til Noregs at arbeiða, fær ikki ta løn, sum hann ella hon av røttum eigur at fáa. Í 14 prosentum av førunum vísti tað seg, at arbeiðsgevararnir brúktu falskar sáttmálar, og sjey prosent av teimum spurdu póllendingunum høvdu upplivað, at arbeiðsgevarin var farin á húsagang, og at teir sótu eftir á berum. Langir arbeiðsdagar og vánalig íbúðar­ viðurskifti eru eisini vanlig. Rýma undan flyting Fleiri týðandi starvsfólk í olju- og gassdeildini hjá Norsk Hydro hava so ilt við at góðtaka avgerðina at leggja deild­ ina saman við Statoil, at tey velja at fara í annað starv heldur enn at halda fram í nýggja felagnum. Oljuprofessarin Øystein Noreng sigur við Dagens Næringsliv, at starvs­ fólkini í Norsk Hydro vænta at verða sett til viks í nýggja felagnum, og tí rýma tey. Fleiri teirra vilja heldur hava ann­ að starv í tí, sum verður eftir av gamla felagnum. - Tað hevur ikki verið so nógv at gjørt á bedingini í seinastuni, og vit hava heldur ikki so nógv fólk at taka av í løtuni, nú nógvir maskinsmiðir arbeiða upp á nýbygn­ ingin í byggihøllini, sigur bedings­meist­ arin, Kristoffur Lützen Ídnaður Vilmund Jacobsen vilmund@sosialurin.fo Í løtuni standa trý skip á bed­ingini hjá Tórshavnar Skipasmiðju, sum skulu hava aksiltrekk. Skipini eru línubáturin Helena, garna­ skipið Thor og trolbáturin Búgvin. Bedingsmeistarin, Kri­ stoff­ur Lützen, sigur, at slík arbeiðir vanliga ikki taka so langa tíð. - Aksiltrekk tekur vanliga ikki langa tíð. Hetta eru skip, sum koma upp og fara síðan av aftur. Á bedingini stendur eisini ein annar bátur í løtuni. - Hetta er fóðurbáturin Nordic, sum vanliga liggur fyri teym á Funningsfirði. Báturin skal hava ymisk sýn; hann verður málaður, og haraftrat skulu vit gera fóðurtangar í lastini, sigur bedingsmeistarin. Nordic hevur staðið á bed­ ingini hjá Tórshavnar Skipa­ smiðju síðan miðjan jan­ uar. Nýbygging Kristoffur Lützen veit at siga, at nógv virksemi er í byggihøllini í løtuni, har nýbygningur av sama slagi, sum Hansa Maria og Skála­ fossur, verður smíðaður. Hetta eru snøggir trol­bát­ ar. - Skrokkarnir eru smíð­að­ ir í Pólandi fyri Tórshavnar Skipasmiðju, sum annars eigur alt konseptið. Bedingsmeistarin veit at siga, at nógvir maskinsmiðir eru í gongd í byggihøllini í løtuni, nú nýbygningurin skal verða liðugur 3. mai. - Einir 8-10 mans arbeiða soleiðis í tveimum vaktum. Haraftrat kemur eitt nú el- arbeiði og apeteringsarbeiði, sum Byggiservice tekur sær av. Seinkaður Kristoffur Lützen veit at siga, at skrokkurin til ný­bygningin ætlandi skuldi koma úr Pólandi í november í fjør, men kom ikki fyrr enn í februar í ár. - Hetta ger, at meira trýst er á hesi bygging, enn tað annars hevði verið, um skrokk­urin kom til tíðina, leggur hann aftrat. Bæði Hansa Maria og Skála­fossur eru longdir, síð­ an teir vóru bygdir, men ný­bygningurin, sum er til eitt felag í Havn, hevur upp­ runaligu mátini, sum er longdin, ið Hansa Maria og Skálafossur hava í dag. Á Tórshavnar Skipa­ smiðju arbeiði eini 140 fólk tilsamans, tá ið øll eru írokn­ að.. Havsbrún í Fugla­ firði tók ímóti væl størri ráfiskanøgdum í fjør enn nakað ann­ að virki av sínum slagi í Norð­ur -Evropa Fiskivinna Vilmund Jacobsen vilmund@sosialurin.fo Føroyska silda­verk­smiðj­ an, Havsbrún í Fuglafirði, er tann verksmiðjan í Norð­ ur-Evropa, sum tók ímóti størstu ráfiskanøgdunum í 2006. Hetta vísir eitt yvirlit, sum norska fiski­vinnu­blað­ ið Fiskaren hevur prentað. Í miðal tók hvør av teim­ um tilsamans 14 silda­verk­ smiðjunum í Íslandi 55.752 tons av ráfiski, með­an tær sjey norsku verk­smiðjurnar tóku ímóti 90.532 tonsum í miðal. Av verksmiðjunum í Ís­landi, Noregi og Føroy­ um, liggur Havsbrún ovast yvir innvigaða rávøru. Nógv størst Havsbrún tók nevniliga ímóti 305.000 tonsum í 2006, meðan verksmiðjan í Íslandi, sum tók ímóti størstu nøgdunum, tók ímóti 185.835 tonsum. Verksmiðan í Noregi, sum keypti mest, keypti til­ samans 134.325 tons av ráfiski í 2006. Soleiðis lá Havsbrún langt frammanfyri bæði ís­lendsk og norsk virki. Í yvirlitinum liggja tvær verksmiðjur í Danmark fremst í ráfiskanøgd, onnur í Skagen við 380.000 tons­ um og hin í Esbjerg/ Thy­ borøn og Hvide Sande við tilsamans 500.000 tons­ um. Í yvirlitinum verður Dan­ mark ikki roknað sum part­ ur av Norður-Evropu, og tí liggur Havsbrún fremst millum hesi lond. Trý skip fáa aksiltrekk á Tórshavnar Skipasmiðju Havsbrún størst í Norður-Evropa Í løtuni standa fýra skip á bedingini hjá Tórshavnar Skipasmiðju. Trý teirra skulu hava aksiltrekk 9Mynd: Vilmund Jacobsen Trolbáturin Búgvin og garnaskipið Thor. Í byggihøllini smíða teir nýbygning, sum skal verða liðugur 3. mai Mynd: Vilmund Jacobsen