mikudagur 28. februar 2007síða 9

9 tíðindi Nr. 42 - 28. februar 2007 Kristin sendistova vitjar kring oyggjarnar Hesar komandi dagarnar koma tvey umboð fyri Altjóða Kristnu Sendistovuna í Jerúsalem til Føroyar at vitja. Talan er um samskiparan, Jørgen Leenders og formannin í donsku deildini av hesi kristnu sendistovuni, Stig Christensen. Á ferðini vitja teir kirkjur og samkomur kring landið, og fara at greiða frá arbeiðinum hjá sendistovuni í Jerúsalem. Fyrsti fundurin verður hóskvøldið í missiónshúsinum í Vestmanna og kvøldið eftir verður møti í samkomuni Oasuni í Hoyvík. Leygardagin verða tvey møtir hildin í missiónshúsinum í Skopun, og sunnudagin verður serstøk hátíðargudstænasta í Tjørnuvíkar kirkju. Við hesa gudstænastuna fer Kingo-kórið at syngja og Stig Christensen at prædika. Um kvøldið verður møti í Lívsins Orði í Runavík og mánadagin fara teir báðir donsku gestirnir avstað aftur. Endamálið hjá Altjóða Kristnu Sendistovuna í Jerúsalem er m.a. at fáa kristin fólk kring allan heimin at biðja fyri Ísrael, og at kunna um landið og fara undir verkætlanir her. Arbeitt verður eisini við at skapa forsóning millum arabarar og jødar. sb. ABC barnahjálp er í løtuni í ferð við at skipa arbeiðið sítt í Føroyum. Hesin hjálparfelags­ skapurin vil stuðla børnum í tilafturs­ komnum londum. Fyrsta verkætlanin verður í afrikanska landinum Liberia Barnahjálp Snorri Brend snorri@sosialurin.fo Havn: Hóast felagið enn ikki er farið av álvara til verka, hevur nevndin í felagnum kortini sett sær nøkur mál fyri. Gjøgnum felagið verður møguligt at stuðla einum ella fleiri børnum við per­ sónligum gjaldi til skúla­ gongd og lækna. - Hesin stuðulin fer óskerd­ ur til tað einstaka barnið. Eisini kunnu einstaklingar, virkir og fyritøkur tekna fast gjald til raksturin, sigur Rúna Sivertsen, forkvinna í føroysku deildini. Hóast hetta er longu klárt at fara undir fyrstu verkætlanina í Liberia. 19 mars fær felagið haraftrat vitjan úr hesum landinum. Forvitnislig vitjan 19. mars fær ABC barnahjálp nevniliga vitjan av Matthew Sakeuh úr Liberia, sum felagið kemur at samstarva við í sambandi við arbeiðið í landinum. Matthew steðgar her nakrar dagar og er ætlanin at skipa fyri fundum, har hann fer at greiða frá arbeiðinum og viðurskiftunum í heim­ landinum. Men tað er kortini ikki bert í útlondum at ABC ætlar at arbeiða. Við slagorði sínum “Gud er faðir teirra móður- og faðirleysu – og vit mugu sýna tað í verki” fer felagið eisini at arbeiða her á landi. Fyrsta serstaka føroyska verkætlanin verður “Børn hjálpa børnum”. Hetta er eitt árligt afturvendandi tiltak, sum tey hava góðar royndir av í Íslandi. Her er arbeiðið skipað á tann hátt, at næmingar í fólkaskúlanum hjálpa til við innsavning av peningi til keyp av grundøki og bygging av skúlum og barnaheimum. – Vit miða eftir at hava fyrstu innsavningina longu í hesum skúlaárinum, sigur Rúna Sivertsen. Enn vantar at fáa tey seinastu formligu viður­skift­ ini í rættlag, áðrenn arbeiðið veruliga kann fara í gongd. Hinvegin ber longu til at stuðla rakstrinum av ABC barnahjálp, sum hevur konto í øllum peningastovnunum 6000 børn Virksemið hjá ABC barna­ hjálp byrjaði í 1988 og hev­ur sín hevur uppruna í Ís­landi. Higartil hevur felags­ skapurin bert virkað har á landi. Umframt at stuðla børnum við persónligum gjaldi til skúlagongd og lækna, byggir ABC barnahjálp eisini skúlar og skúlaheim. Higartil hevur felags­ skapurin bygt skúlar og heim í India, Uganda, Filips­oyggj­ unum, Pakistan og Kenya. Í løtuni verða meira enn 6000 børn undirvíst í skúlunum í skipanini hjá ABC barnahjálp í Íslandi. Nú hava føroyingar eisini fingið møguleika at stuðla slíkum verkætlanum. ABC fer undir fyrstu verkætlanina Fyrsta fríggjadag í mars mánaði verður altjóða kvinnubønar­ dagurin hildin. Soleiðis hevur verið í samfull 120 ár, og árið 2007 er einki undan­tak í so máta. Bønardagur Snorri Brend snorri@sosialurin.fo Hvørt ár verður eitt ávíst land útvalt til at verða biðið fyri. Í ár er suðuramerikanska landið Paraguay evnið. Ein bólkur av kvinnum frá ymsum kristnum samkomum í Paraguay hava í eina tíð arbeitt við at gera skránna til Altjóða kvinnubønardagin í ár. Í hesi skránni lýsa tær suð­uramerikansku kvinn­ur­­ nar tørvin og neyðina í land­ inum, og verður henda skráin síðani send til kvinnur í 180 londum. Hvørt land umsetir so skránna til teirra mál, og tað sigst, at hesa ferð verður skráin umsett til fleiri enn 1000 mál. Her hjá okkum verður al­tjóða kvinnubønardagurin hildin nú fríggjadagin á trimum støðum: Í KFUM í Havn, í kirkjukjallaranum í Christianskirkjuni í Klaksvík og í missiónshúsinum í Vági. Í øllum støðum verður byrjað kl. 19:30. Eingin veit við vissu, nær fyrsti Altjóða kvinnu­bønar­ dagurin var í Føroyum, men í 1964 varð lýst í bløðunum, at dagurin var í KFUK. Í dag eru kvinnur úr sjey samkomum í Føroyum við til at skipa fyri Altjóða kvinnu­ bønardegnum. Vegna tíðarmunin í heim­inum biðja ikki allar kvinnurnar um somu tíð. Dagurin byrjar við sólarrisi á Tongaoyggjunum í Kyrra­ havinum og heldur fram runt heimin til seinasta møt­ ið á Samoa-oynni í Kyrra­ havinum. Deila ótta og gleði Gjøgnum Altjóða kvinnu­ bøn­ardagin eru kvinnur um allan heimin við til í fyrstu syftu, at játta sína trúgv á Jesus Kristus og at deila vón og ótta, gleði og sorg, møgu­ leikar og tørvir hjá hvørji aðrari. Gjøgnum Altjóða kvinnu­ bønardagin verða kvinnurnar samstundis eggjaðar til at liva ikki bert í sínum nærumhvørvi, men at fylgja við runt í heiminum, og at ríka seg av royndunum hjá trúgvandi í øðrum londum og við aðrari mentan. Tær ynskja eisini, at deila byrðarnar hjá øðrum og at biðja við og fyri teimum og síggja møguleikarnar at tæna í samfelagnum. Kvinnurnar vátta somu­ leiðis, at bøn og handling hoyra saman og eru av sera stórum týdningi fyri heimin, út frá tí sum Jesus sjálvur bað: “At tey øll skulu verða eitt”. Júst hetta kann hesin fel­ ags­skapur vera tekin um. Stuðla peningaliga Peningainnsavnan er hvørt ár, tá altjóða kvinnu­ bønardagurin verður hildin. Í ár verður peningurin latin til tríggjar ymiskar verk­ætlanir: Eina bønardagsvekrætlan fyri Brasilia: Innbúgv til eitt mammuheim í Brasilia Dansk Missionsforbunds Kvinder: Stuðul til barna­ heim í Ghana og Verkstað til ung í Illulissat í Grønlandi Stuðul til okkara biði­ dags­samskiparar í Litava, Ukraina og Malawi. Evnisdagur um kristna felagsskapin Leygardagin 17. mars skipa felagið »Agape« og Kirkjuliga Heimamissiónin fyri evnisdegi í Missiónshúsinum í Hvalvík við evninum ”Kristni felagsskapurin”. Umrødd verða m.a. hvat ein meinigheit er, hvørjir dynamikkir eru til staðar, hvat byggir upp og hvat brýtur niður, og hvussu ein kann fáa øll at virka sum eitt toymi og hvussu ein loysir ósemjur. Undirvísari verður Steen Palmqvist, psyko- og familju­terapeutur Dagurin byrjar við morgundrekka kl. 9.30 og heldur fram til kl. 17.00. Kostnaðurin er 200 krónur, og tá er døgurði íroknaður. sb. Kvinnur kring allan heimin í bøn Nevndin í ABC Barnahjálp: Karsten Hansen peningarøkil Hilda Viderø, Margreth Olsen skriv­ari, Rúna Sivertsen forkvinna, Beinta Háberg Jacobsen, Maibritt Fredriksberg og Rúni Hentze næstformaður Mynd:Sámal Samuelsen Arbeiðið hjá ABC vendir sær millum annað til faðirloysingar og móðurloysingar í afrikanska landinum Liberia