mikudagur 28. februar 2007síða 19

Nr. 42 - 28. februar 2007 19 SAMBAND jákup mørk jakup@sosialurin.fo – Vanliga verður roknað við, at ein fullsettur Tórsvøllur gevur um eina millión í kassan ítróttur FSF hevur eitt mun­ andi hall í rokn­skap­in­ um, sum verður lagdur fyri aðalfundin leygardagin. Lítið er tó at ivast í, at heima­ dystir móti Skotlandi, Italia og Fraklandi skulu bjarga inntøkunum í 2007 Fótbóltur Jákup Mørk jakup@sosialurin.fo Eitt hall upp á 509.164 kr. Tað er botnlinjan í roknskapinum, sum nevndin í FSF fer at leggja fyri aðalfundin. leygardagin. Talan er um eitt hall av teimum størru, og hó­ast eginpeningurin enn táttar ímóti teimum 18 milli­ón­ un­um, so er hesin í stóran mun bundin í bygningin við Tórsvøll, sum við UEFA- og landskassastuðli gav egin­ognini eitt ordans lyft í síni tíð. Heimdystirnir á muni Størsta orsøkin til hallið skal helst finnast í vantandi inntøkum fyri atgongumerki. Skráin fyri heimadystirnar hjá A-landsliðnum í 2006 var á ongan hátt tann mest áhugaverda í føroyskari fótbólts­søgu. Dystirnir móti Georgia og Litava góvu saman við finaluni um løgmanssteypið einans 772 tkr. í kassan, og tað er væl undir tað, sum eitt miðal ár vanliga gevur. Og hóast áhugin fyri A- landsliðnum onkra tíð hevur verið størri, enn hann tykist vera í dag, so er lítið at ivast í, at dystirnir komandi árið fara at fylla væl meira í pengakassan. Soleiðis verður vanliga roknað við, at ein fullsettur Tórsvøllur gevur um eina millión í kassan. Og við heimadystum móti trimum av teimum átta sterkastu tjóð­ unum í heiminum, umframt Skotlandi, sum vanliga hevur tað trupult í Føroyum, skulu útlitini fyri øktum inntøkum verið heilt góð. Og verður talan um tvey lið við nógvum áskoðarum í steypafinaluni, er als ikki ósannlíkt, at áskoð­arainntøkurnar í 2007 fara at tátta í tær tríggjar milliónirnar. Eitt tal, sum FSF tó neyvan torir at seta í fíggjarætlanina. Fleiri útidystir Hinvegin fylgja útreiðslur eisini við teimum fýra úti­dyst­unum, sum eru á skránni í 2007. Men hóast tað fyrisitingarliga neyvan er tað mest áhugaverda við trimum ferðum eystur um gamla jarntjaldið, so plaga hesar ferðir í krónum og oyrum ikki at teljast millum tær dýrastu. Eitt spjaldur, sum tó neyvan kann setast á seinastu ferðina á árinum, tá farið verður til Italia. Gott gjaldføri Á fíggjarsíðuni er tað bygn­ingurin við Tórsvøll, sum vigar mest, men eis­ ini gjaldførið hjá felags­ skapinum tykist gott. Soleiðis eru stuttfreistaðu skyldurnar 7.844 tkr., og hesar verða væl og virðiliga uppvigaðar av skjótt umsetiligari ogn, sum er 12.741 tkr. Av hes­ um eru 5.701 tkr. tøkur pen­ingur, og tí hevur FSF ongar trupulleikar í at røkja gjaldsskyldur sínar. Ein stórur spurningur til fíggjarætlanina fyri 2007 verður helst, hvussu FSF ætlar at fíggja arbeiðið við U-21 landsliðnum. Her hev­ur verið ført fram, at útreiðslurnar vera um eina millión – umframt UEFA- stuðulin – og tær inntøkurnar finnast neyvan innan verandi fíggjarkarmar hjá FSF. Hálva millión skeiva vegin Fremsta vónin hjá FSF er helst, at talan aftur verður um fullsettan Tórsvøll, tá Frakland og Italia koma á vitjan í summar Dystarskrá Tað er eyðsæð, at býtið av heima- og útidystum er av alstórum týdningi fyri FSF-roknskapin. Niðan fyri sæst, hvørjar landsdystir A-landsliðið hevur spælt seinastu tvey árini, og hvørjir dystir standa fyri framman í 2007. 2005 Heimadystir Føroyar-Sveis Føroyar-Írland Føroyar-Cypros Føroyar-Ísrael Útidystir Frakland-Føroyar Ísrael-Føroyar 2006 Heimadystir Føroyar-Georgia Føroyar-Litava Útidystir Póland-Føroyar Skotland-Føroyar Frakland-Føroyar 2007 Heimadystir Føroyar-Ukraina Føroyar-Italia Føroyar-Skotland Føroyar-Frakland Útidystir Georgia-Føroyar Litava-Føroyar Ukraina-Føroyar Italia-Føroyar Aðalfundurin hjá FSF verður tann seinasti við Jens Erik Magnussen við nevndarborðið. Jens Erik hevur verið partur av FSF-nevndini, síðani felagsskapurin varð settur á stovn í 1979, men hann hevur boðað frá, at hann nú fer at takka fyri seg í hesum høpi. Jens Erik er tann sein­ asti av upprunaligu nevnd­ ar­limunum, sum leggur frá sær, og eftir trúgvu og dyggu tænastuna hevur FSF boðað frá, at móttøka verður skipað eftir aðal­ fundin. Hendan verður eisini í FSF-húsinum, og verður roknað við, at hend­ an byrjar umleið kl. 13. Móttøka fyri Jens Eriki