fríggjadagur 2. mars 2007síða 3

4 Nr. 44 - 2. mars 2007 tíðindi Tvey størv lýst leys Strandferðslan søkir eftir tveimum starvsfólkum í blaðnum í dag. Talan er um tey bæði størvini, sum vit umrøddu í blaðnum í gjár, lønarumsitari og skipsinspektørur. Í lýsingini verður sagt, at av tí, at hesi hava sagt seg úr starvi, verður lýst eftir fólki at byrja sum skjótast. rd. Thomas Arabo hevði ikki valt at flutt umsitingina av Strandferðluni til Tvøroyrar. – Hatta er lokal­ pol­itikkur, sum ikki hoyrir heima í lands­ politikki, sigur hann, sum heldur hevði rationalisera stovnin Strandferðslan Rigmor Dam Rigmor@sosialurin.fo Thomas Arabo, fyrrverandi stjóri á Strandferðsluni og fyrrverandi landsstýrismaður í samferðslumálum sigur við Sosialin, at flytingin av SSL er ein reint politisk avgerð, og at hatta er slíkt sum hendir, tá landsstýrismenn føra lokalpolitikk í staðin fyri landspolitikk. – Eg eri harðliga ímóti at landsstýrismenn føra lokal­politikk, tí tað er ikki uppgávan hjá landsstýrinum, sigur fyrrverandi lands­stýris­ maðurin í samferðslumálum. Tó sigur hann seg skilja og eisini taka undir við ynsk­ inum um at leggja almenn arbeiðspláss út um landið. Eisini skilur hann væl, at suðuroyingar vilja hava fleiri almenn arbeiðspláss suður. - Tað er næstan ógjørligt at flyta ein tílíkan stovn uttan at hann smildrast, eitt nú tí tað ávirkar lagnurnar hjá so nógvum familjum. Heldur áttu myndugleikarnir at stungið út í kortið, at nýggir stovnar, so vítt gjørligt, skulu leggjast uttan fyri Havnina, sigur hann. Umsiting umborð Um Thomas Arabo ráddi, hevði hann fyrst av øllum rationalisera driftina av Strandferðsluni. Hann sigur seg undrast um, at so nógv fólk enn starvast í umsitingini, tí virksemið á stovninum er minkað niður í ein triðing síðstu tíðina. – Hatta virkar sum ein turrgeld flyting, sum ongin rationalisering er í, og tá er lítið høpi í henni, sigur Thomas Arabo, sum heldur hevði lagt umsitingina umborð á skipini, tí, sum hann tekur til, so er tøknin og tólini so framkomin í dag, at tað hevði væl borið til. – Tey duga so nógv umborð, yvirmenn og starvsfólk, og harafturat er umstøðurnar framúr góðar í dag. Alt sum eitur innkeyp og bókhald kundi verið umsitið umborð, sigur Thomas Arabo. Lá tað til hansara, vóru bert leiðsla, inspektørur og ein skrivari á landi. – Og ein inspektørur hevði ikki virkað væl á Tvøroyri, tí hann skal til eina og hvørja tí skjótt og ómakaleyst sleppa umboð á allar eindirnar, og tað ber illa til av Tvøroyri, sigur Thomas Arabo. Lekur í Tinganesi Viðvíkjandi handfaringina av málinum, sum starvsfólkini hava verið sera ónøgd við, sigur Thomas Arabo, at her er talan um eina reint politiska avgerð, sum snýr seg um at flyta ein stovn. – Her klandri eg ikki lands­stýrismanninum, tí hann ræður suverént. Nú er upp til komandi leiðsluna á stovninum at føra politiska viljan út í lívið, og at síggja til, at alt verður avgreitt so virði­ligt sum til ber. Politik­ arar blanda seg alt ov ofta uppí rakstraruppgávur hjá stovnsleiðslunum, og tað er ikki rætt. Tí var tað eis­ini natúrligt, at Jacob Vester­ gaard boðaði frá politisku avgerðini og onki annað, sigur Thomas Arabo. Viðvíkjandi tí, at starvs­ fólkini frættu boðini gjøgn­ um Portalin, sigur Thomas Arabo, at tað sjálvsagt er óheppið. – Men tað er ikki nakað nýtt at tað lekur í Tinganesi, staðfestir Thomas Arabo. Panikkloysn at flyta Strandferðsluna – Hatta er ein turrgeld flyting, sum ongin rationalisering er í, sigur Thomas Arabo, fyrrverandi stjóri á Strandferðsluni og fyrrverandi landsstýrismaður í samferðslumálum. Hann hevði heldur lagt umsitingina umborð á skipini, tí førleikar, tøkni og tól eru so framkomin í dag Smyril: Knúnskipið í flotanum Rutunetið hjá Strandferðsluni Giktafelagið aðalfund Giktafelagið boðar frá aðalfundi sunnudagin klokkan 16. Umfram aðalfundin verður eisini fyrilestur við Leif Olsen serfrøðingi á Almannastovuni, undir heitinum Kronisk sjúka, og hvat so? Fundurin verður í MBF-húsinum, Íslandsvegi 10 A.