fríggjadagur 2. mars 2007síða 21

22 Nr. 44 - 2. mars 2007 tíðindi Í eina tíð hava fólk hjá Reyða Krossi bundið og seymað pløgg úr bummull í hópatali. Nú fer fyrsta sendingin av hesum putlara-klæðunum avstað. Ein partur fer til eitt av fátækastu londunum í Europa, Hvítarusland. Her er talan um pløgg úr bummull, sum annaðhvørt eru bundin ella seymað til húgvur, troyggjur, kjólar, undirklæði og annað. Fyrrapartin í dag var Suni Vinther farin undir at pakka øll hesi klæðini niður í eskjur, nú ætlanin er at fáa tey til røttu viðkomandi. Hetta tiltakið byrjaði á vári í fjør, og hava føroyskir putlarar tikið sera væl undir við tí. Samstundis við at putlara- klæðini verða send av landinum, fara somuleiðis 45 brúktar fartelefonir sama veg. Her er talan um fartelefonir, sum fólk lata inn til Reyða Kross og sum síðani sendir tær til Onglands. Her fær felagsskapurin millum 30 og 40 krónur fyri hvørja teirra. Suni Vinther pakkar putlara- klæðini niður Mynd: Jens Kr. Vang Framgongdin hjá Smyril Line í 2006 hevur verið stór, og tí kann reiðaríið í dag almannakunngera, at avlop er á roknskapinum. Úrslitið er betrað heilar 53 milliónir krónur eftir bert einum ári. Raksturin er komin í eina trygga legu, og útlitini fyri komandi árið eru góð UTTANLANDSSIGLING Eirikur Lindenskov eirikur@sosialurin.foi Seinasta árið hava starvsfólk og leiðsla í Smyril Line vent gongdini í reiðarínum. Avlop er á roknskapinum fyri 2006, og úrslitið er betrað heilar 53 mió.kr. Úrslitið er eitt avlop á 1,6 mió.kr. móti einum halli á 51 mió.kr. fyri einum ári síðani. - Vit fegnast um, at hallið er burtur, og at fyrsta stigið í endurreisingarætlan okkara hevur eydnast. Um felagið framhaldandi skal mennast, er tó ikki nøktandi við hes­ um staka úrslitinum. Enn eru stórar avbjóðingar fyri framm­an, og komandi úrslit skulu tryggja ein sunnan vøkstur eisini frameftir, sigur Thomas Magnussen, stjóri í Smyril Line. Vøksturin í 2006 hevur ver­ ið stórur orsakað av av­gerð­ um og broytingum fyri einum ári síðani. Starvsfólkini hava lagt nógv fyri, og úrslitið er positivt fyri fyritøkuna. Farna árið vísir serliga, at rakst­urin er komin í eina trygga legu. Nýskipaða sølu- og markn­ að­ar­ar­beiðið í Europa ber á­vøkst, og Smyril Line kann vísa á inntøkuvøkstur á øllum økjum. Vøksturin í søluni er 23 prosent ella 39 mió.kr., og samstundis eru nýggir inntøkumøguleikar skapt­ir. Ferðaseðlarnir eru vorðn­ir bíligari, og talið av ferðandi er økt 40 prosent. Seinasta árið eru inntøkurnar frá frakt øktar 17 prosent. Við ársenda var eg­in­pen­ ing­urin 177 mió.kr., og tað merkir, at Smyril Line er ein fíggjarliga sterk fyritøka. - Raksturin er effektivur. Tað sæst millum annað aftur í, at manningarútreiðslurnar eru óbroyttar, hóast 40 pro­ sent fleiri ferðafólk hava valt Smyril Line seinasta árið. Vit hava nógv at takka starvs­ fólkunum fyri, sigur Thomas Magnussen, stjóri. 2007 er eitt spennandi ár við nýggjum avbjóðingum, og útlitini fyri árið eru góð. Leiðslan í reiðarínum rokn­ ar við, at árið vignast væl við framhaldandi vøkstri inn­an ferðafólka- og farm­a­ flutning. Aðalfundurin í P/F Smyril Line verður væntandi í apríl 2007. Smyril Line betrar úrslitið við stívliga 50 milliónum krónum Ein Blanding í Tvøroyrar Klubba At fáa eina blanding í einum klubba er ikki løgið í sjálvum sær, men hesaferð er talan um bólkin Ein Blanding, sum fer á pall í Tvøroyrar Klubba leygarkvøldið. Ein Blanding er vælmannaður bólkur úr Suðuroynni, ið telur royndar tónleikarar. Leygarkvøldið fer bróðurparturin av manningini á pall í klubbanum á Tvøroyri. Jonhild, Knút, Hjalmar og Dagfinn borga fyri góðum nýggjum, yngri og eldri tónleiki, so okkurt er til mestsum øll oyru. Bólkurin Ein Blanding hevur verið sera umbiðin og virkin í vetur og leygarkvøldið eru tað klubbagestir á Tvøroyri, ið kunnu njóta blandaða tónleikin. Fyrsta sendingin av putlara-klæðum