hósdagur 8. mars 2007síða 18

18 Nr. 48 - 8. mars 2007 tíðindi Stjórin á Tilbúgvingar­ stovni Føroya, Anni á Hædd, sigur, at í dag hava vit høvi sjálvi at velja, hvat vit ynskja at arbeiða við. So hví ikki fara eftir spenninginum og avbjóðingunum? Javnstøða Dorit Hansen Dorit@sosialurin.fo Heilt frá barnsbeini av hevur stjórin á Tilbúgvingarstovni Føroya, Anni á Hædd, fylgt huganum. Hon hevur gjørt tað, sum hon heldur er spennandi, uttan at stúra ov nógv fyri, hvat onnur halda. Tað kemst ikki uttan um, at hon hevur sjálvsálit, henda blíða og vinarliga, men eisini viljasterka kvinnan. Anni heldur ikki, at tað krevur eina serliga per­sóns­ mennsku at vera leið­ari. Men hon dylur ikki fyri, at hon trívist í starv­in­um. At vera við til at saman­ sjóða tveir ymiskar stovnar til ein nýggjan, seta orð á ein føroyskan tilbúgv­ing­ar­ politikk, skapa eina opna virkis­mentan, stuðla og eggja góðum starvsfólki at gera sítt besta, samstarva við nógvar ymiskar stovnar, og tryggja borgarunum tað bestu tænastuna. Hetta eru alt spennandi uppgávur, sum Anni hevur tann frammí­ hjárætt at sleppa at arbeiða við hvønn dag. At fylgja huganum. Sum smágenta í Klaksvík spældi Anni bæði við dukkur og bilar, henni dámdi væl at fylgja pápanum í hansara arbeiði, og hon slapp eisini at fylgja sínum hugi. - Eg var ofta á flot við pápa mínum, og í Svínoy sluppu vit børn at vera við til at hoyggja og fara eftir torvið. Eg elskaði at rokast og fekk ongantíð at vita, at tað ikki var í ordan. Hon minnist onki til, at tað vóru avmarkingar fyri, hvat hon kundi gera, av tí, at hon var genta. Og hon legði ikki í, um onkur helt hana vera drongjaliga. Hon fortelur flennandi frá einari hending. - Eg var umleið níggju ára gomul og hevði hetta stutta hársniðið, sum flestu gentur høvdu í 70unum. Eg var á veg heim til gongu, tá ein Føroya Bjór bilur stegðar, og førarin rópar: “Tú, hann sjálvur, vilt tú hava nøkur klistrimerki.” Eg minnist onki til, at eg var kedd um, at hann helt meg vera drong. Eg hugsaði bara, at tað var eitt rimmar kupp at fáa klistrimerkini. Lætta sinnalagið hevur hon framvegis. Og tá starvið sum leiðari á saman­ lagda stovninum Tilbúgv­ ingarstovni Føroya varð lýst leyst, helt hon, at hon kundi klára starvið líka væl sum onkur annar og søkti. Hon hevur altíð verið áhugað í umhvørvi og almennari umsiting. Hon hevur eisini drúgvar royndir á økinum frá oljumálaráðnum og inn­lendismálaráðnum, og umframt útbúgvingina sum løg­frøðingur, hevur hon eina Masterútbúgving í Manage­ment frá Robert Gordon universitetinum í Aberdeen. Disiplin Tað er ikki soleiðis, at hon altíð hevur droymt um at verða stjóri. Heldur hevur tað verið so, at hon hevur sett sær eitt mál, og tá hon hevur rokkið tí, hevur hon sett sær eitt nýtt. Sum ung var hon virkin í ítrótti, serliga í svimjifelagnum Ægir. Og har lærdi hon gleðina við at seta sær mál og náa teimum. Svimjingin kravdi eisini disipl­in. Henda venjing í disip­l­in og málsøkni kom væl við í lesnaðinum, og hev­ur eisini hjálpt henni seinni. Anni hevur eitt positivt lyndi, og hon heldur ikki, at stjórastarvið hevur kravt nøkur frával. Hon setur sær tey mál, sum hon hevur hug til, og so ger hon tey val, sum føra hana á mál. Kyn ongin forðing. Anni minnist seg ongantíð hava møtt kynsdiskriminatión í arbeiðnum. Tað verður hugt eftir dygdum og veik­­leikum, og tað hevur onki við kyn at gera. Hon arbeiðir annars í einari rættiliga mannstungari verð. Á Tilbúgvingarstovninum hevur hon 19 mans og eina kvinnu undir sær. Kanska hevur kynið verið ein fyrimunur onkuntíð. Tá man til dømis sum umboð fyri oljumálaráði var á oljumessu, har 3 út av 100 luttakarum vóru kvinnur, so var man so eyðsýndur, at man ikki varð gloymdur beinanvegin. Anni leggur eisini dent á, at stuðulin bæði úr barna­ heiminum og frá makanum hevur týdning. Hon hevur altíð verið eggjað til at gera sítt besta og vera nøgd við tað, og makin sær onga hótt­ an í at búgva saman við ein­ um stjóra. Hon hevur heldur ikki møtt nógvum for­dómum millum vinir og kenningar, tí hon er kvinna. Fólk hava nógv fleiri for­ dómar um akademikarar – fyri ikki at snakka um aka­demikarar í almennu fyristingini – enn tey hava um kvinnuligar leiðarar, held­ur hon. Stjórin á Tilbúgvingarstovnið Føroya: Hon søkir hæddirnar