hósdagur 8. mars 2007síða 52

52 Nr. 48 - 8. mars 2007 tíðindi Mótasýningin av ser­lig­ um sniðum hjá Bein­tu Vilhelmsen í List­a­ skálanum gjørd­ist ein væleydnað og væl vitjað heil­­d­ar­­upp­­liv­­ing. Móti Orð: Niels Uni Dam nielsuni@sosialurin.fo Myndir Jens Kr. Vang jensk@sosialurin.fo Listaskálin var hóskvøldið karm­ ur um eina øðrvísi og spen­nan­di mótasýning. Móta­sýn­ing­in var sermerkt við, at klæðini vóru seymaði og skapt til persónin, ið vís­ti tey fram, av skraddaranum Bein­tu Vilhelmsen. Beinta hevði sjálv valt kvinnurnar, og her legði Beinta dent á, at vísa ymiskar kvinnutypir. Al­durs­mun­ urin á yngsta og els­ta modellinum var 20 ár. Beinta var sera væl nøgd við tiltakið. - Hetta var super, super, sup­er, ordiliga gott. Tað var dun­dran­di útselt, og vit kun­du uttan trupulleikar skipað fy­ri einum kvøldið afturat. Res­pon­sur­in var góður, og nógv hava víst áhuga í at fáa klæðir sniðgivin til sín, greið­ir vælnøgdi skraddarin frá. At skipa fyri mótasýninga við sergjørdum klæðum er held­ur serligt í føroyskum hø­pi, men fyri Beintu ken­n­ist hetta heilt natúrligt. - Sum skraddari er grund­hug­ sjón­in, at eg sniðgevi og seymi uppá einstaka per­són­in, tí er hetta heilt na­túr­ligt stig fyri meg. Eg standi ik­ki fyri massaframleiðslu, men fyri júst hesum, sigur Bein­ta. Nakrir av kjólunum vóru kjólar, ið Beinta hevði gjørt fram­ man­und­an til hesar kvinn­ur, men meirilutin varð gjørdur til júst hesa fram­sýn­ing­ina. Men fram­ sýn­ing­in var meira enn bert móti, við sær hevði Beinta Sig­ rið Rasmussen, ið sang og Sólrun Michelsen, ið læs upp brot úr eini stuttsøgu. Har­um­ framt var listin í Lis­ta­­skál­anum karmur um til­tak­ið, sostatt gjørdist talan um eina sansa stimulering av teimum viðfevnandi. - Ja, ætlanin var at skipa fy­ri einum hugnaligum til­ta­ki fyri kvinnur, har teirra san­sir vóru stimuleraðir á ym­is­kar háttir. Klæði snikkað til Beinta Vilhelmsen var skraddarin og kvinnan handan stórfingnu sansaupplivingina Ragnhild Ellingsgaard er í einum setti, ið er úr tí toyið, ið eg sjálv havi seyma úr toyprøvum frá Dormeuil(heimsins fínastu meturvøru). Helt tað vera synd at koyra tað burtur. Niðurdeilurin er í banum og fóraður við lilla silki. Vesturin við halterneck, kraga og revers er opin í rygginum og hevur lilla snøri. Marna í Grund er í einum meira casual setti. Korsagan er seymað úr nálastríputari ull og hevur ein reyðan tittekant framman og reyðar knappar í rygginum. Ullintur svart/hvítur puntutur pencilniðurdeilur. Svartir femininir leðurstivlar við tweedknappum. Karin Sólsker er í hvít/svørtum mynstrutum jerseykjóla við puffermum og svørtum, áseymaðum ermum og revers. Ein meira avslappaður kjóli, ið eisini riggar til gerandisbrúk. Katrin er í reyðum brúðarkjóla. Hesin bleiv gjørdur til Katrin, tá hon giftist seinasta summar. Niðurdeilurin er langur við einum lítlum sleipi. Korsagu toppur við langum ermum og høgum kraga. Hálsútskeringin ger kjólan minni tildekkaðan. Akkuleyga stendur fyri bukkettini.