týsdagur 13. mars 2007síða 7

7 tíðindi Nr. 51 - 13. mars 2007 KFUM skótarnir við Løkin úr Runavík flyta í næstum av Glyvrum út á Mýrarnar. Her verður eitt stásiligt og rúmligt skótahús bygt, ið kann húsa alskyns skóta­virk­ semi. Skótarnir settu sjálvir spakan í á grækarismessu Skótavirksemi Eyðhild Jacobsen eydhild@sosialurin.fo Ein riðil av KFUM skótum marsjeraðu ígjøgnum Runa­ víkar bý á grækarismessu. Við sær í hondunum høvdu teir spakar. Veðrið skikkaði sær illa; tað var stormur og heglingur, men treystur gekk stóri riðilin serliga mann­aður við lítlum skót­ um út á Mýrarnar. Har varð á stórum skelti eitt stástiligt svart hús við flagtaki av­dúkað. Hetta verður tað nýggja skótahúsið í Runa­ vík, og skal tað takast í nýtslu longu næsta ár. -Vit hava hildið til á ung­ dóms- og missións­hús­inum á Glyvrum. Og hóast har eru góð høli, so er húsið so nógv umbiði, at vit hava trupult at koma til. Eisini eru vit so nógv í tali nú, at hølini eru við at gerast ov lítil, so vit gleða okkum til at fara inn í hesi stásiligu hølini, sigur Hallur Hansen, ið er bólkráðsleiðari hjá KFUM skótunum við Løkin. Øll settu spakan í Nú komu teir mongu spak­ arnar, ið skótarnir høvdu hildið fast í hóast kava og regn, til verka. Tí nú kundu øll, sum vildu verða við til at seta spakan í til nýggja og stásiliga húsið, grava ein bøkk upp úr jørðini. Og tað vórðu tað nógv, ið nýttu høvi til. Dúgliga vórðu moldbøkkarnir skumpaðir burtur, og lættir vórðu teir at fáa upp úr vátu jørðini, tí hevði tað ikki kavað henda dagin, so hevði tað regnað. Ein lítil úlvaskóti helt hetta verða sera stuttligt, og hann gleddi seg sera nógv at koma inn í nýggja húsið. - Hetta hevði eg væl tím­ að at gjørt hvønn dag. Eg gleði meg ordiliga nógv at sleppa at ganga til skótar her inn, segði drongurin og gravaði dúgliga víðari. Nærum alt húsið fíggjað Grundstykkið, ið skótarnir sjálvir hava fíggjað, er 1867 fermetrar og verður húsið 500 fermetrar. Húsið fer at kosta seks milliónir, og er nærum øll verkætlanin longu fíggjað. - Vit hava fingið sera stórar peningargávur til húsi. So hava vit eisini sjálvi savnað pening inn, so vit hava sum nú er longu fíggjað nærum alt húsið, sigur Hallur Hansen, bólka­ ráðsleiðari hjá KFUM skót­ unum við løkin. Ì húsinum verður millum annað ein stór høll, ið skót­ arnar gleða seg at taka í nýtslu. - Her fara vit allarhelst at halda til, tá ið vit skulu hava stór tiltøk. Og vit ætla eis­ ini at lova øðrum framat her, sigur Hallur Hansen. Størsti skótabólkur í landinum KFUM skótarnir við Løkin eru størsti skótabólkur í land­inum, og hava tey 130 limir. Umframt limir úr Runavík koma limir frá øllum Skálafjørðinum. Skóta­bólkurin er frá 1983, og eru tey enn í dag sera aktiv. - Vit hittast einaferð um vik­una. Har fáast við ymiskt skótatiltøk. Eisini eru vit uttan­lands hvørt ár, og luttaka í sokallaðum jam­bo­ rees. Í ár fara fimm limir hjá okkum til jamboree í Ong­landi, sigur Hallur Han­ sen. Grundøkið til nýggja skóta­húsið liggur tætt við nýggja barnagarðin og Vistar­heimið í Runavík, og gongst eftir ætlan, verð­ur húsið tikið í nýstlu um eitt ár. KFUM skótarnir úr Runavík sett spakan í til nýtt skótahús Demokratia fegnast Javnstøðubólkurin Demokratia fegnast um, at Sambands­ flokkurin og Tjóðveldisflokkurin hava tikið stig til at fáa eina nógvar kvinnur og menn á listarnar hjá flokkunum til næsta løgtingsval. Demokratia vísir á, at formaður Sam­ bands­floksins hevur sagt, at javnstøða skal verða í flokk­ inum í seinasta lagi í 2012, og at Eysturoyar Tjóðveldis­fel­ ag hev­ur samtykt at stilla líka nógvar kvinnur og menn upp til løgtingsvalið næsta ár. Úr útjaðaranum Tað er ikki bara í Føroyum, at fólk leita sær úr útjaðaran­ um. Ein kanning hjá danska blaðnum JydskeVestkysten vís­ir, at 80 prosent av studentaskúlanæmingunum í Suður­ jyllandi ætla sær aðrastaðni, tá tey eru liðug í studenta­skúl­ an­um, hóast fleiri hægri útbúgvingartilboð eru í økinum. Tann stóri spurningurin er so, hvussu mong venda heim­aft­ ur aftan á lokna útbúgving, og sambært kanningini er tað nógv tann minni parturin. So stásiligt verður nýggja húsið hjá KFUM skótunum við Løkin í Runavík Mynd: Lasse Klein Skótarnir settu sjálvir spakan í til nýggja húsið, og hesir báðir hugnaðu sær óført, hóast tað oysregnaði Mynd: Lasse Klein