týsdagur 13. mars 2007síða 18

18 Nr. 51 - 13. mars 2007 ÍSLAND Óli Jacobsen oli@sosialurin.fo Seinasta vikuskiftið skipaði føroyska sjómansheimið í Reykjavík, Ørkin, fyri ein­ um áhugaverdum og fjøl­ broyttum tiltaki, sum skuldi seta fokus á viðurskiftini millum Føroyar og Ísland og teir møguleikar, sum liggja í Hoyvíkssátt­málan­ um. Tiltakið byrjaði fríggja­ dag­in Kl 17, tá myndlista­ framsýning lat upp við listar­verkum hjá Kartin Olgar Lamhauge, Sigrun Gunn­arsdóttir og Jógvan Purkhus. Jógvan er klaks­ víkingur, sum býr í Íslandi. Hann er tí ikki so kendur í Føroyun. Men sum skyld­ maður hjá Hans Hansen úr Mikladali og beiggi Páll Purkhús skuldi ligið væl fyri! Danski sendiharrin í Íslandi opnaði framsýn­ ingina. Sjálv ráðstevnan byrjar leygar­morgunin við fiski­ vinn­uni. Olaf Olsen vísti á sínar royndir Íslandi og við íslendingum og Óli Jacob­ sen greiddi frá lagnu­felags­ skapinum millum Føroyar og Ísland. Halldór Pálsson, ís­ lendskur handilsmaður, samanbar føroyingar og íslendingar, og Águst Steintórsson greiddi frá byggivinnuni í Íslandi. Seinnapartin greiddu Atlantic Airways og Dánjal Poulsen frá Faroe Travel frá ferðamøguleikum millum Føroyar og Ísland, og Mai­ gun Solmunde greiddi frá íslendsku ferðavinnuni og møguleikar fyri at útbúgva seg har. Almenna skráin fyri ráð­ stevnuna endaði leygardagin við vitjan á Smyril-Line og Rumfatalagerinn í Kópa­ vogi. Onnur tiltøk Leygarkvøldið var føroysk gospelkonsert í Filadelfia, har tað var samsending við Lindina í Íslandi og Føroy­ um. Bólkarnir vóru SALT og Terji og Lisa. Hesir bólk­ ar vóru eisini við øðrum tiltøkum. Sosialurin var við í hesum tiltaki, og fara vit í blaðnum í dag og komandi bløðum at greiða frá ráðstevnuni, eins og vit fara at hava ann­ að áhugavert tilfar úr Ís­landi. Marknaðarrák Farna vika var betri hjá partabræva­ íleggjarum. Partabrøv um allan heim komu fyri seg í farnu viku, eftir lækkingar á 6%-8% vikuna áðrenn. Soleiðis hækkaðu alheims parta­brøv í miðal um 2% í vikuni. Norðurlendsk partabrøv hækkaðu 3,5%. Av tí at norðurlendski markn­ aðurin er væl minni enn til dømis tann evropiski, flytir hann seg oftast meir enn størru marknaðirnir, bæði tá tað gongur upp og tá tað gongur niður. Kaupthing metir, at langtíðar rákið við hægri partabrævakursum er óbroytt. Tó kunnu kursirnir lækka nakað aftrat, áðrenn vit av álvara halda á við langtíðar hækkingini. Dollarin nærkast vegamóti Hesa farnu vikuna viknaði dollarin eitt vet, úr 5,69 í 5,66 kr. Hetta var áhugavert, eftirsum bæði amerikonsk partabrøv og rentur hækkaðu í vikuni. Tá renturnar hækka, stuðlar hetta sum oftast undir gjaldoyranum, eftirsum íleggjarar ofta fegnir vilja flyta pening til lond við høgari rentu. Dollarin er fyri tað mesta vikn­aður síðan 2001, og hann nærk­ ast tí veikasta, hann hevur verið síðan 1995. Tá var hann beint undir 5,40 og vendi. Tá nú hvørki parta­ brøv ella rentur fingu dollaran at styrkna, eru útlit fyri, at hann kann vikna enn meira. Áhugavert verður at vita, um hann í fyrstu atløgu vikn­ ar niður á 5,50. Lánsbrævarentur hækkaðar eitt sindur Lánsbrævarentur eru hækkaðar nak­ að aftur hesa farnu vikuna. Serliga var tað betraða amerikanska arbeiðs­ marknaðarfrágreiðingin, ið elvdi til hækkandi rentur. 10-ára rentan er nú 3,95%. 1-árs rentan er 4,28%.   Hesa vikuna Hesa vikuna fer framhaldandi at verða dúgliga gitt, um partabrøv longu skulu uppaftur, ella um vit mugu brynja okkum við toli. Hetta fer at hanga saman við metingum um serliga amerikanska búskapin. Tí eru amerikonsku prísvakstrar­ tølini, sum koma fríggjadagin, av stórum týdningi fyri allar markn­ aðir. SAMBAND jan müller jan@sosialurin.fo tlf. 341800 vinnusíðurnar Møguleikarnir í Hoyvíkssáttmálanum Partabrøv komu fyri seg                                  SEK      Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar.              Hendan myndin er tikin frá samkomuhúsinum Akurinn, har Brøðrasamkoman heldur til. Tann stóri bygningurin er tann hjá Rúmfatalagerinn. Ein stórur partur verður brúktur til handil hjá teimum sjálvum, men leigað verður eisini út til onnur endamál. Til vinstru í myndimi sæst eini hús í gerð. Hetta er ”Føroyatornið”, sum tað verður kallað. Tað skal hava einar 20 hæddir og verða eitt tað hægsta hús í Íslandi. Tað skal leigast út til skrivstovur. Ætlanin er at gera ein brúgv millum bæði húsini.