mikudagur 14. mars 2007síða 8

8 tíðindi Nr. 52 - 14. mars 2007 Næmingarnir í 10. C í skúlanum á Ziskatrøð hava sínar hugsanir um, hvussu skúlarnir í Klaksvík skulu skipast. – Latið teir eldru næmingarnir verða saman í tí eina skúl­an­ um, siga teir Skúlin Snorri Brend snorri@sosialurin.fo Klaksvík: Tað er miku­morg­ un, og komið er nakað út á fyrrapartin. Ikki eitt menniskja, og ikki ein einasti skúlanæmingur, er at hoyra ella síggja her í garðinum við skúlan á Ziskatrøð. Nú ringir brádliga ein klokka sum boðar frá frí­kort­ eri. Og tað gongur ikki long løta, fyrrenn teir yngru næm­ ingarnir koma stór­leypandi út í frælsið eina løtu. Tað gongur hinvegin ein góð løta, áðrenn nakar av teimum eldru næmingunum kemur út í skúlagarðin. Tey ynskja heldur at halda seg eitt sindur fyri seg sjálvi - vilja líkasum ikki blanda seg uppí hinar smærru næmingarnar. – Noy. Okkum dámar best at vera saman við okkara javnaldrum her í skúlanum. – Og tað vóna vit eisini, at teir høgu harrarnir fara at hugsa um, tá teir nú skulu tosa alvorligt um, hvussu skúlarnir skulu skip­ast her í framtíðini, siga nakr­ir av næmingunum í fram­ haldsdeildini á Ziskatrøð. Tey smáu grellini Næmingarnir í 10. flokki á Ziskatrøð hava eisini fylgt væl við í orðaskiftinum, sum hevur verið um bygnaðin við skúl­arnar í Klaksvík í seinastuni. Ein av áhugaverdu spurn­ ing­unum er, um ein skal skipa skúlarnar við eini fel­ags leiðslu - ella um ein skal halda fram við tveimum leiðslum, eins og ein higartil hevur gjørt. Politikkarar, borgarstjórar, skúlafólk og onnur hava sagt sína hugsan, meðan mun­ andi minni hevur verið at hoyrt til tey, sum henda avgerðin veruliga snýr seg um - og rakar! Næmingarnir vilja kortini ikki gera nakrar politiskar viðmerkingar, men hava tó eitt ynski til tey, sum skulu taka avgerðina um skúla teirra. Tey eru væl vitandi um, at tey sjálvi ikki fáa gagn ella gleði av hugskoti teirra. Men tað kann so verða eitt hugskot til tey, ið koma aft­ aná teimum - kanska børn teirra! Eitt av teirra hugskotum er heilt einfalt tað, at ein skipar skúlarnar fullkomuliga øðr­ vísi enn í dag: At ein hevur teir yngru næmingarnir í eina skúlanum, og teir eldru í hinum. – Á henda hátt sluppu vit undan teimum smáu grell­ unum í okkara skúla, sum ein genta av bygd skemtandi tekur til. Bygdaflokkur Í dag er støðan hon, at báðir skúlarnir í Klaksvík hava næm­ingar úr 1. flokki og allan vegin upp í 10. flokk. Skipanin er hon, at ein miðar eftir at næmingarnir av Kósini og inneftir víkini fara á Ziskatrøð, meðan næm­ingarnir av Bumshamri og inneftir fara í skúlan við Ósánna. Í báðum skúlunum ganga eisini fleiri næmingar úr øðrum bygdum í Norð­oygg­ um - av Viðareiði, Kalsoynni og bygdunum norðanfyri berg­holini. Sum oftast verð­ ur roynt at savna hesar á Ziskatrøð. Men næmingarnir í 10. C - sum er ein reinur bygda­ flokkur - ynskja tó, at skúla­ myndugleikarnir hugsa um næmingarnar og teirra trivna, heldur enn lógir, pening, prinsippir og vanahugsan. Tí eru tey komin við einum hugskoti, sum tey fegin vilja hava fram: – Hví ikki skipa skúlarnar so, at næmingarnir í 1. til 5. flokk fara í Ósáskúlan, og at vit kunnu verða saman við teimum eldru næmingunum her á Ziskatrøð?! – Tað halda vit hevði verð­ ið tann besta loysnin fyri skúlarnar her í Klaksvík, siga næmingarnir við Sosialin. Luktar sum ein køstur Tá tey kortini hava tosað seg heit um skúlaviðurskiftini í kommununi, so hava tey nøk­ ur ynski aftrat fyri trivnaðin í skúlanum: Eitt stað, har tey sum enn roykja, kundu roykt. Tørvur er á nógv fleiri teldum av nýggjasta slagi og sum virka. Persónlig skáp, eins og sær í skúlum í t.d. USA, har ein kundi læst síni persónligu ting. Hinvegin, so átti eisini spurn­ingurin um at betra wc’ini verið eitt mál, sum ein skjótt átti at funnið eina loysn á. – Tað er ikki serliga stutt­ ligt at fara inn á eitt felags wc. Har luktar sum í ein­um køsti, siga hesir næm­ingarnir, sum helst munnu vita alt um, hvussu illa ein veruligur køstur á bygd luktar! Eitt annað stórmál er ein kant­ina, har ein kundi keypt sær okkurt til matna og okkurt at sløkkja sær tostan við. – Hava vit gloymt at tikið matpakkan við okkum um morgunin, er einki serligt. – Vit sleppa ikki oman í Heyga­búðina at keypa, og tí hevði verið gott við eini góð­ari kantinu, siga næmingarnir. – Vit vilja vera saman við javnaldrum okkara Mentamálaráðið hevur sett Signar á Brúnni í starv sum fyribilsstjóri í skúlanum á Ziskatrøð í Klaksvík. Tað sigur mentamálaráðið í tíðindaskrivi fyrrapartin. Víst verður á, at Klaksvíkar Býráð hevur søkt mentamálaráðið um at gera broytingar í skúlabygnaðinum við eini einstreingjaðari leiðslu. Býráðið hevur tikið avgerð um at gera hesar broytingar í sambandi við, at skúlastjórin í Skúlanum á Ziskatrøð, Asbjørn Lómaklett, er farin úr starvi. Eisini hevur varaskúlastjórin, Eigil Hentze, søkt um at fara úr starvi 23. mars 2007. Umsóknin hjá Býráðnum er í løtuni til viðgerðar í Menta­ málaráðnum, men fyri at tryggja leiðsluviðurskiftini í Skúl­anum á Ziskatrøð í tíðarskeiðinum, til støða er tikin til um­ sóknina hjá Klaksvíkar Býráð um broytingarnar í skúl­a­­bygnaðinum, hevur Mentamálaráðið fyribilssett Sign­ar á Brúnni, fyrrverandi lærara í Fuglafjarðar Skúla, sum skúlastjóra, og Ólav Sjúrðarberg, lærara í Skúlanum á Ziska­trøð, sum varaskúlastjóra, sigur mentamálaráðið. Leiðslan er fyribilssett í tíðarskeiðnum 19. mars til 1. juni 2007. (Portalurin 13. mars 2007) Signar á Brúnni verður skúlastjóri Málið dregur út í Menta­ málaráðnum – Bólturin liggur hjá Menta­málaráðnum, og vit fáa einki gjørt fyri at bøta um støðuna á skúlanum, sigur borgarstjórin í Klaks­ vík, eftir at tað er greitt, at skúlin á Ziskatrøð onga leiðslu fer at hava um tríggjar vikur. Fyri einum mánaði síð­ani fór skúlastjórin sein­astu mongu árini, As­bjørn Lómaklett, frá fyri aldur, og um tríggjar vikur fer Eigil Hentze, varaskúlastjóri, eisini frá. Starvsfólkini á Ziskatrøð hava enn einki fingið at vita um, hvat síðani fer at henda. Trupulleikin í málinum er, at tað verður arbeitt við bygnaðarbroytingum í skúlunum í Klaksvík. Hetta arbeiðið hevur drig­ið út, men sambært borgarstjóranum er tað altso ikki í býráðnum, at drálað hevur verið við arbeiðinum, men í Mentamálaráðnum. (Útvarpið 3. mars 2007) – Tað er so óinteressant at vera saman við teimum smærru næmingunum. Best hevði verið, um vit bert vóru saman við teimum eldru næmingunum, siga næmingar úr 10. flokki á Ziskatrøð Mynd: Høgni Thomsen