fríggjadagur 16. mars 2007síða 17

18 Nr. 54 - 16. mars 2007 Í dag, fríggjadagin 16. mars, verður Hanus Lóm­ stein á Toftum 60 ár. Føð­ ingardagin er hann staddur í Glostrup, har hann og kon­ an, Sólrun, hava búð sein­ astu mánaðirnar. Hanus er ættaður úr Syðru­gøtu. Foreldrini vóru Erikka fødd Gregersen og Høgni Lervig, sum seinni fekk sær Lómstein til eftir­ navn. Hon var úr Syðrugøtu, og hann var ættaður úr Norðagøtu, men flutti longu sum níggju ára gamal til Syðrugøta. Tey fingu tíggju børn: Arnbjørn á Fyn, Jón­ hild í Aas sunnanfyri Oslo, Sjúrður í Havn, Friðgerð í Fuglafirði, Odvør í Keyp­ mannahavn, Magni á Sjæl­ landi, Finnur í Havn, Óluva í Havn, Hanus á Toftum og Fríða á Toftum. Hanus misti mammuna í 1962, tá ið hann var 15 ára gamal, og Høgni doyði í 1987. Odvør doymði í 1990 og Finnur í 2003. Hanus royndi sjólívið, áðrenn hann fór til Havnar, har hann lærdi í Skips­handl­ inum og gekk í handilsskúla. Eftir at hann í 1967 var fluttur til Toftir at búgva, arbeiddi hann í alingini, sum Júst í Túni var farin undir í Skálafirði, var til skips og gjørdi annað fyri­ fallandi arbeiði. Tað er ikki so langt síðani, at Hanus á Rás 2 greiddi frá, og tá lýsti hann sera væl barnaárini í Gøtu og unglingaárini sum skipsmaður og handils­lær­ lingur í Havnini. Beinanvegin, tá ið hann var komin til Toftir, veitti Hanus ofta verfaðirinum, Pidda Skaale, eina hjálpandi hond í handlinum, sum Piddi hevði havt so at siga alla sína tíð. Í 1971 yvirtók Hanus handilin og postin og strandferðsluna, sum Piddi hevði havt um hendi. Hanus var handilsmaður inntil fyri einum stórum ári síðani. Tá seldu hann og konan handilin hjá Pidda, sum tó framvegis er í somu hølum, sum hann hevur verið í mong ár. Í 35 ár var Hanus ein av fryntligu lyklapersónunum í bygdini, sum flestu tofta­ fólk heilsaðu upp á so at siga hvønn dag. Hanus var eldhugaður og arbeiðs­ samur, og handilin hjá Pidda vaks nógv í vavi og útboði tey árini, meðan Hanus var handilsmaður. Í 1967 giftist Hanus Sól­ run fødd Skaale og ættað av Toftum. Tey bygdu uppi á Hamri, og tey eru mong, sum hava sitið væl inni hjá teimum. Sólrun og Hanus eiga fýra børn, sum øll eru gift og eiga børn: Betty býr í Keypmannahavn, har hon er farmaseutur, Erla er trú­ boðari í Venezuela, Gurðun er trúboðari í Russlandi, og Andrass er lærari í Keyp­ manna­havn. Hanus eigur tólv abbabørn – tríggjar gentur og níggju dreingir. Eftir at Sólrun og Hanus vórðu leys av ábyrgdini fyri handlinum, fluttu tey niður at búgva og vera saman við børnum og barnabørnum. Tey halda seg kortini ikki at vera flutt av Toftum. Hús­ ini á Hamri eiga tey fram­ vegis, og um tað gongst, sum tey ætla, so vera tey aftur á Toftum um ikki so langa tíð. Ikki minst í samkomuni Nebo verða tey bæði sakn­ að. Eftir at Hanus var kom­ in til Toftir at búgva, fór hann skjótt saman við kon­ uni at hjálpa til í sunnu­dags­ skúlanum, og síðani tá hev­ ur hann sýnt stóra ábyrgd fyri samkomuarbeiðnum. J Hósdagin 8. mars varð Niklas Foldbo á Toftum 70 ár. Føðingardagurin verður hildin leygarkvøldið 17. mars á Svangaskarði, har øll eru hjartaliga væl­ komin. Niklas er toftamaður. For­ eldrini vóru Inga fødd Jo­hannesen og Óli Foldbo. Mamman var ættað av Líðarenda á Nesi, og pápin var ættaður við Rætt á Toft­ um. Inga var gift tvær ferð­ ir. Fyrri maðurin, Sofus, var beiggi seinna mannin. Sofus fórst við Annu í 1924. Inga og Sofus áttu Jóhanna Hansen á Glyvrum, Kathrina Klein í Vestmanna og Sofía Højgaard á Toftum. Børnini hjá Ingu og Óla eru Sofus í Leirvík, Jovina Høj­ gaard á Toftum, Jóhan Christ­ian í Leirvík og Niklas. Eftir á lívi av systk­ inaflokkinum eru Sofus, Jóhan Christian og føð­ing­ ardagsbarnið. Niklas lærdi til snikkara á Glyvrum hjá Jacob Peter­ sen ella Jakku á Verk­stað­ num, sum hann varð nevnd­ ur. Niklas var avlærdur í 1957, og í 1960 fór hann niður til Danmakar at læra til verkfrøðing. Niklas leyk prógv sum bygnings­verk­ frøðingur frá verkfrøð­ ingaskúlanum í Horsens í 1964. Eftir lokna útbúgving arbeiddi Niklas eitt skifti í Danmark. Í 1965 flutti hann til Havnar og fór í starv hjá Landsbyggifelagnum. Nik­ las var hjá hesum felagnum í fimm ár, og millum upp­ gávurnar, sum hann fekst við, vóru skervverkið í Hunds­arabotni og uppmát­ ingar eitt nú í Kirkjubø og við Streymin. Tá ið Sand­ vík­artunnilin varð fyri­ reikaður og bygdur, var Niklas við til at máta upp og hava eftirlit. Í 1970 flutti Niklas heim á Toftir at búgva, og um somu tíð fór hann í starv hjá Phil & Søn. Niklas var um sama mundið uppi í havnagerðini í Runavík og við útdýpingini og við Streym­in og við at gera brúnna um Streymin. Phil & Søn gjørdi nógvar tunlar kring landið, og Niklas var byggileiðari, tá ið Norð­ skálatunnilin og Leyna­ tunnilin vórðu gjørdir. Á heysti í 1976 fór Niklas í starv hjá Lands­verk­frøð­ inginum, har hann gjørdist deildarleiðari á Lambar­ eiði. Landsverkfrøðingurin stóð sjálvur fyri fleiri tunn­ ilsarbeiðum. Tað var so upp­ lagt, at royndirnar hjá Niklasi á hesum økinum komu stovninum til góða, og Niklas var 1978-81 byggi­leiðari, tá ið tunlarnir vórðu gjørdir í Kalsoy, og síðani í Leirvíkstunlinum, sum var liðugur í 1985. Niklas arbeiddi hjá tí almenna inntil ár 2000. Tá gjørdist hann byggileiðari í Vágatunnlinum, og hann var eisini uppií, tá ið Norð­ oyatunnilin var gjørdur. Boð hava verið eftir Niklasi í almennum nevnd­ ar­arbeiði. Eitt nú var hann formaður í nevndini fyri Menningargrunnin í eini 20 ár. Í 1976 varð Niklas vald­ ur í bygdarráðið fyri Nes kommunu. Har sat hann inn­til hann ikki stillaði uppaftur í 1984. Niklas hevur verið sera arbeiðssamur, nágreiniligur, miðvísur og tilvitaður um, hvat málið hevur verið. Tað er komið so mongum til góða. Tað hevur ofta verið tikið til, hvussu hendinga væl tað hepnaðist, tá ið Eyst­ uroyar Ellis- og Røktarheim varð bygt. Niklas var for­ maður í bygginevndini, sum í 1984 handaði komm­ ununum í oynni stak væl úr hendi greitt arbeiði. Í 1980 varð Niklas valdur í kirkjuráðið fyri Nes prestagjald. Síðani 1990 hevur Niklas verið formað­ ur. Tá ið Fríðrikskirkjan varð bygd fyrrapartin av nítiárunum, var kirkjuráðið sjálvt byggiharri, og Niklas var undangongumaður fyri at fáa kirkjuna bygda. Tað eydnaðist stak væl, hóast tíðirnar vóru trongar. Niklas var ein av stigtakarunum fyri at seta felagið fyri kirkju­ráðslimir á stovn, og har var hann fyrsti formaður 1994-2000. Niklas var ein av teimum, sum legði stóra orku í at fáa leguhúsið í Nesvík liðugt. Niklas hevur í nógv ár verið limur í Lions, har hann eisini hevur tikið sítt formanstørn. Hann hevur altíð verið áhugaður í ítrótti og tí, sum hevur við Tofta Ítróttarfelag og Svangaskarð at gera. Frammanundan at ítróttarfelagið á Toftum varð stovnað í 1962, var Niklas í 1957 við til at stovna NSÍ, sum hann var fyrsti formaður í. Niklas spældi í síni tíð hondbólt og róði kapp. Á Svangaskarði hevur hann tikið fleiri tørn sum nevnd­ arlimur. Tað síðsta var lokið, tá ið hann á aðalfundi síðsta sunnudag boðaði frá, at hann ikki tók við aftur nevndarvali. Í sambandi við byggingina av húsum og vallum á Svangaskarði hevur Niklas verið størsti stuðulin hjá navnanum og vinmanninum, Niclasi David­sen, sum sunnudagin legði frá sær eftir 25 ár í formanssessinum í Tofta Ítróttarfelag. Niklas Foldbo giftist í 1963 við Rakul fødd Jo­hannesen og ættað av Hell­unum. Hon er sjúkra­ systir, og tey eiga snotuligt og hugnaligt heim omanfyri við Rætt. Rakul og Niklas eiga tríggjar døtrar: Inga er akademiøkonomur, Helga er studentaskúlalærari og Óluva sjúkrasystir. Inga og Óluva búgva í Havn, og Helga býr við Norðskála. Niklas eigur tvey abbabørn – ein drong og eina gentu. J Hanus Lómstein 60 ár Niklas Foldbo 70 ár nøvn