mánadagur 19. mars 2007síða 24

25 [ Nr. 55 - 19. mars 2007 ] Málleyst hjá Frem Frem við tveimum føroyskum spælarum í hópinum spældi leygardagin venjingardyst ímóti B93. Nógvur vindur var á Keypmannahavnarleiðini leygadagin, og tað ávirkaði dystin. Einki mál kom í dystinum, men stutt fyri leiklok var Atli Danielsen um reppið at senda eitt fríspark í málið. Atli spældi allan dystin á miðvøllinum. Gunnar Nielsen var eykamálmaður, men hann kom ikki á vøllin hesaferð. Málmaður skoraði frá egnari hálvu Alt kann henda, bert bólturin er rundur og 11 menn eru á hvørjum liðið, hevur ofta verið tikið til, men at málmaðurin fær mál frá egnari hálvu, hoyrir til tað meira sjáldsama. Hetta hendi tó í 3-1 sigrinum hjá Tottenham móti Watford. Stutt inni í annan hálvleiki varnaðist Tottenham málmaðurin Paul Robinson, at Ben Foster í Watford málinum var farin dekan ov langt út á vøllin. Robinson, ið júst tá skuldi taka eitt fríspark, tók møguleikan og buldraði til bóltin, ið fleyg uppi yvir høvdinum á neyðars Foster og beint í málið. Dysturin endaði 3-1 til Tottenham. Maskotturin er til reiðar Eingir Oyggjaleikir uttan ein maskott, og nú er hesin eisini til reiðar at taka ímóti ítróttar­ fólkunum, sum leita sær til Rhodos í summar. Hesa ferð er maskott­ urin eitt reinsdjór, og hóast vit ofta seta hesi í samband við norðara partin av Finnmørkini, so finnast slík eisini í skóginum á Rhodos. Navnið er ein saman­ renning av Rhodos, har leikirnir jú skulu haldast, og Helios, so merkir sól. Sólin er vanliga bú­merk­ ið hjá griksku oynni, og ivaleyst fer hennara styrki eisini at seta sín dám á, tá kappingarnar fara fram í bakandi hita. KÍF streyk avstað við bronsuni eftir ein uppibornan sigur á StÍF. Kollfirðingar vóru betri allan dystin, og teir sýndu størri vilja enn strand­ ingar. Ein uppiborin bronsa gjørdist so­statt endin á einum flott­um kappingarári hjá KÍF HONDBÓLTUR Heini S. Kristiansen heinik@sosialurin.fo KÍF og StÍF hittust í gjár til ein sannan bronsudyst. Vinn­ andi liðið fekk bronsuna, og tað gjørdist KÍF, sum dróg longra stráið. Kollfirðingar byrjaðu betri, og teir høvdu ein mun á 2 – 4 mál meginpartin av fyrra hálvleiki. Daniel Rapa var sera góður í fyrra hálvleiki. Hann smekkaði bóltarnar in eftir vild, og Marian fekk einki gjørt við teir. Damir Oros var mans­ vardur allatíðina, og hetta gav gott pláss til Daniel, sum ikki smæddist at skjóta útifrá. Bárður Danielsen mans­ vardi Damir Oros, og tað megn­aði hann bara væl. Dam­ir skoraði nøkur mál uppá uppstilling til fríkast, men annars fekk hann ikki so nógv burturúr. Hóast hann var mansvardur, gjørdist Damir toppskjútti við 13 málum. Hjá KÍF vóru málini fordeild yvir einans 5 leikarar, meðan 10 leikarar hjá StÍF skoraðu. Lág leikferð Dysturin í gjár var ikki tann mest áskoðaravinarligi. Tað var sera lítil ferð á álopinum hjá báðum pørtum. Hjá kollfirðingum var Damir Oros mansvardur, og tí fingu ter ongantíð spæli at glíða frá einum vongi til hin. Tað var einmansavrik frá serliga Daniel og Damir, sum gjørdu útslagið fyri KÍF. Hjá StÍF riggaði heldur ikki væl í álopinum. Finn­ ur, Leivur og Sveinur spældu í bakkketuni, og teir tókt­ust ikki at vera heilt samanspældir. StÍF megnaði í øllum førum ikki at finna tað skjóta spælið fram, sum einaferð var eyðkenni hjá liðnum. StÍF spældi ein yvirgang við tveimum strikuspælarum, og tí gjørdist heldur ongantíð talan um flótandi spæl. Kollfirðingar nýttu eisini møguleikan til at mansverja antin Sveinur ella Finn, tá ið strandingar høvdu eina útvísing. Sigurin ongantíð í vanda StÍF fekk strítt seg upp beint áðrenn hálvleik. Eftir hálvleikin hingu strandingar í eina løtu, men kollfirðingar høvdu tó allatíðina eina trygga leiðslu á í minsta lagi 2 mál. Ingi Johannesen á vinstra vongi hjá KÍF var tryggur, tá ið hann varð spældur í gjøgnum. Bárður Danielsen varð tikin út í seinna hálvleiki, og tað sást aftur á Damir. Hann byrjaði at skora eftir vild, beinanvegin tá ið Bárður var farin út. Óla Kristjan í málinum hjá KÍF yvirskuggaði Marian hendan dagin. Gert og Rógvi stríddust eisini væl. Í seinna hálvleiki sá út til, at strandingarnir longu vóru farnir í summarferiu. Teir gjørdu nógvar feilir og høvdu torført við at skora. Tað var tó stuttligt at síggja at tveir ungir leikarar, Rúni Niclassen og Sjúrður Djurhuus, sloppu at royna seg ein góða løtu. Teir skor­ aðu 2 mál hvør og spældu rættiliga væl. Hesir eru tveir av leikar­ unum, sum strandingar vænta sær nógv av í framtíðini. Tað verður spennandi at fylgja teimum framyvir. Krúnan á kappingarárinum Tá ið samanumkom tóktust øll í høllini væl nøgd við at KÍF vann bronsuna. Við­ haldsfólkini hjá StÍF untu kollfirðingum tað væl, og leikararnir hjá StÍF tóktust ikki so skuffaðir. Møguliga tí at teir hava vunnið steypa­ kappingina í ár. Viðhaldsfólkini hjá KÍF bakkaðu sum altíð væl upp um sítt lið. Tey vóru møtt fjølment og hoyrd­ ust nógv betri enn heima­ áskoðararnir. Samanumtikið kann sigast, at bæði leikarar og viðhaldfólk hjá KÍF vóru nógv grammari eftir brons­ uni, enn strandingar vóru. StÍF–KÍF: 25 - 32 Kollfirðingar vóru grammari eftir bronsuni Málskjúttar: StÍF: Leivur Justinussen 8, Finnur Hansson 6, Mortan Hansen 3, Sjúrður Djurhuus 2, Rúni Niclassen 2, Sveinur Justinussen 1, Andre Danielsen 1, Borgar Danielsen 1, Bárður Danielsen 1 KÍF: Damir Oros 13, Daniel Rapa 8, Gert Hansen 4, Rógvi Weihe 4, Ingi Johannesen 3 Útvísingar: StÍF 3, KÍF 4 Dómarar: Sámal Paulason og Kristian Johansen FAKTA KÍF vann bronsu í gjár, eftir at teir høvdu bast strandingum við 32 – 25 Mynd: Álvur Haraldsen