týsdagur 20. mars 2007síða 10

10 Nr. 56 - 20. mars 2007 Mundi tað vera lagnunnar speisemi, at nærum sama dag sum mótsetningarnir Høgni Hoydal og Bjørn Kal­ sø vunnu spurnarkappingina í Útvarpinum, fingu vit tveir nýggjar kandidatar til næstformanssessirnar í Tjóð­­veldis/Sambandsflokkinum, nevniliga “mótsetn­ ing­arnar” Tórbjørn Jacobsen og Johan Dahl. Tað er eingin loyna, at júst hesir báðir eitt nú í búskapar­ politikkinum eru sera samdir og ynskja Fólkaflokkin, har piparið grør. Kanska samanssetingin av vinnara­lið­ num í spurnarkappingini tí er ein ábending um eina møgu­liga komandi samgongu. Undan seinasta formansvali í Sambandsflokkinum kom tíðuliga til sjóndar, at Johan Dahl vongurin í mong­ um er sera ónøgdur við samstarvið við Fólkaflokkin og lutvíst við Javnaðarflokkin við Jóannesi Eidesgaard á odda. Tá var nevniliga róð framaundir eina heilt nýggja samgongu eftir komandi val millum Sambandsflokkin og Tjóðveldisflokkin. Onkur vil kanska halda, at tað ber ikki til at sameina so stórar mótsetningar heldur enn eld og vatn. Men hetta er jú roynt áður. Vit høvdu eina samgongu millum Tjóð­ veldisflokkin og Sambandsflokkin frá 1989 til 90. Einki er forgjørt í politikki, og hví skuldi tað ikki kunn­ að hent aftur. Ikki minst nú flokkarnir báðir fáa tveir næstformenn, sum helst “draga somu línu” . Vit loyva okkum at gita, at hesir báðir verða valdir at standa sínum formonnum við lið uppundir komandi val. Vit hava áður á hesum stað gitt og mett um henda møgu­ leika, nettupp tí kreftir eru í flokkunum báðum, sum síggja slíka samgongu sum besta boð eftir valið. At hesar kreftir nú bráddliga kunnu fáa enn størri ávirkan í flokkunum sum næstformenn kann vera ein ábending um, hvat vit kunnu vænta eftir eitt komandi val. Vit kunnu í hvussu er staðfesta hetta: Tjóðveldisflokkurin vil fyri alt í verðini sleppa burtur úr oyðimarkargongdini, og tað er væl skiljandi. Og tá lítið røkist fyri, at Fólka­ flokkurin fer í samgongu við Tjóðveldisflokkin aftur í bræði, og kemiin millum Javnaðarflokkin og Tjóðveldis­ flokkin neyvan er hin besta, so er ikki óhugsandi, at Tjóðveldisflokkurin fyri at koma innaftur í hitan, sær Sambandsflokkin sum kanska tann einasta møgu­leik­ an. Vilja Tjóðveldismenn veruliga sleppa í eina ella aðra samgongu, so verður tað tó ikki uttan trupulleikar við verandi formanni. sum slættis ikki altíð hevur víst líka gott handalag, tá tað ræður um samstarv. Um tað verður lættari við einum Tórbjørn Jacobsen við hansara lið fer tíðin at vísa. Áhugavert verður undir øllum umstøðum at fylgja næstformansvalunum komandi vikuskifti, tí tey fáa ávirkan á, hvussu framtíðar samgongur fara at síggja út. Sosialurin Mótsetningar hittast Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. SAMBAND eirikur lindenskov eirikur@sosialurin.fo tlf 341800 viðmerkingar Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónsleiðari: Kári Mikkelsen karim@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Henrietta Hammer henrietta@sosialurin.fo Birgir Waag Høgnesen birgir@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Rólant Waag Dam rolant@sosialurin.fo Niels Uni Dam nielsuni@sosialurin.fo Eyðhild Jacobsen eydhild@sosialurin.fo Ítróttur: Jákup Mørk jakup@sosialurin.fo Teitur Joensen teitur@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Kykmyndir: Alvin Ellebye Andersen alvin@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00-13.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1330 Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað­leiðsl­an ikki er kunnað um bústað og telefonnummar, verða ikki settar í blaðið. Landsstýrismaðurin í kirkjumálum, Jógvan á Lakjuni, førdi fram á fundi hjá Felagnum fyri Kirkjuráðslimir, at tað er stór skom fyri føroyingar at útsetta yvirrtøkuna av Fólkakirkjuni. Hann hevur helst lovað meira enn gott er yvirfyri Bertel Haarder. Nei, Jógvan. Tað er eingin skom í tí. Danir kenna væl, hvussu seint lógarverkið í Føroyum gongur. Vit, sum standa á síðulinjuni fáa ikki nógv innlit í tað arbeiðið, sum er farið fram hesi nýggju árini. Eg má siga sum fyrrverandi formaður og nú kirkjuráðslimur, at vit hava fingið lítið at vita, inntil nú, tá ið bumban brast leygardagin 17/03/2007 á fundi hjá Felagnum fyri Kirkjuráðslimir. Har kom fram, at fylgibólkurin og annað ikki riggar, sum tað skal. Nú er so tíðin komin til at nýggjur bispur ella bispar skulu veljast. Tað kann skjótt standast stríð í Føroyum, hvar teir skulu plaserast í Føroyum. Hvussu við kirkjunum, prestagørðunum, og allari viðlíkahaldsskipanini? Har fáa vit lítið at vita. Um tú spyrt, so er svarið, at ”tað verður, sum tað verður”, men tað er einki svar. Nú eru kirkjur farnar at søkja eftir organisti í bløðunum. Organistur er ikki hvør sum helst, so tað eru nógv ógreið mál, sum skulu takast støðu til, nú kirkjan skal yvirtakast. Nú kirkjumál eru so ógreið, er best at sleppa yvirtøkunum nú og halda fram við at gera eina føroyska kirkjulóg. Miðvágur 19/03/07 Her er sum so einki nýtt í greinini, Dimma nr. 51 frá 13. mars. Her er bara aftur pástandur móti pástandi. Aftur verður trúttað, at Ric­ hard má boyggja seg fyri, at evangeliini eru ósamd. Men so er ikki. Richard er ikki samdur við Hans Andriasi í hasum. Tað, sum eg segði, sigi eg aftur, Lukas sigur tað upp á sín máta og Jó­hannes upp á sín máta, báð­ir eru rættir, her er eing­ in ósemja. Veruleikin er, at Jesus rópti fyrst, tað er fullgjørt og til seinast rópti hann: “Fað­ir í hendur tínar gevi eg anda mín.”Soleiðis er hatta. Men at tað so verður fingið til, at eg, tá eg sigi soleiðis, havi ásannað, at bíblian er ikki orð Guds, so er tað milt sagt stórliga mis­ skilt. Eg fari ongantíð, so­satt Gud hjálpir mær, at trúgva annað, enn at hon er orð Guds. Var bíblian manna­­orð, var hon ikki verd pappírið, hon er skriv­ að á. So her verið eg noydd­ ur at rætta teg Hans Andrias, fyri lesarans skuld, serliga fyri teir mongu lesararnar, sum bara lesa yvirskriftirnar, ella skippa skjótt ígjøgnum, teir kundu kanska trúð tær. Eg haldi ikki hatta var ser­ liga høviskt, erlig talt. Teir sum hava lisið gjølla, vita jú, at tað havi eg ikki sagt. Sum sagt fari eg aldri at venda mær frá trúnni á tær heilagu skriftirnar, allar­ minst fara Silberman og Finkelstein, sum eg nú eftir hondini kenni nakað til, at gera at so verður. Teir fara einaferð at noyðast at ásanna, at teir fóru stórliga skeivir í sínum niðurstøðum. Teir hava jú longu ásannað, ífylgi Sølvará, at teir hava kanska eina nýggja niður­ støðu í morgin. So er ikki við tí, sum eg trúgvi, Jesus Kristus er hin sami í gjár í dag og í allar ævir. Heb.13,8. Hann sigur ikki eitt í dag og annað í morgin. Til ævigar tíðir, Harri, stendur orð Títt fast í Himli, Sálmur 119,89. Skriftirnar eru álítandi. Jesus Kristus, sum er prógv­ aður at vera sonur Guds við uppreisn frá deyðum, trúði skriftunum. Hann hevur sagt: “Skriftin vikast ikki.” Jóh.10,35. Hann brúkti skrift­irnar, tá ið hann hevði orðadrátt við teir, sum í samtíð hansara ikki trúðu á uppreisnina, saddukear­ar­ nar. Hann segði við teir: ”Tit villast, tí tit kenna ikki skriftirnar.” Matt.22,29. Tá ið hann bardist ein andaligan bardaga við freistaran sjálv­ an í oyðimørkini, rak hann hann aftur tríggjar ferðir, hvørja ferð við einum skriftstaði, Matt.4,1-11. Og tá hann undirvísti tveir læri­ sveinar, á ferð til Emmaus, útlegði hann frá Mósesi og frá øllum profetunum, Luk. 24,27. Til seinast mín egni vitnis­ burður. Skriftirnar er tað sum eg byggi alla mína til­ veru á her og í ævinleikanum. Tað er ein undurfullur friður at liggja í lívd av krossinum, ikki minst tá ið tann álvar­ sama stundin upprennur, vanda­málið hjá øllum liv­ andi, tá ið flytast skal inn í tað ókenda. Men fyri tí trúgvandi er tað ikki heilt ókent longur. Skriftirnar hava sett dyrnar á glopp, so vit hóma nakað av dýrdini. Vit verða biðin ikki at ótt­ ast. Hetta vildi eg, at tú mín lesari eisini skuldi hvílt í. Trúgv á Harran Jesus Krist­ us, so skalt tú verða frelstur. Áp. 16,31. Tí skriftin sigur jú: ”Eingin, ið trýr á Hann, skal verða til skammar”, Rómbr. 10,11. Við tøkk fyri upptøkuna. Milt sagt miskilt Hans Andrias Sølvará Richard Danielsen Viðmerking til Jógvan á Lakjuni Jóhan F. Magnussen