fríggjadagur 23. mars 2007síða 18

19 tíðindi Nr. 59 - 23. mars 2007 Jákup Petersen, yvir­ lækni, er óloyalur og tað kann ikki halda fram. Hetta er ein krígsavbjóðing, sum ikki kann góð­takast, sigur Hans Pauli Strøm, landsstýrismaður Sjúkrahúsverkið Áki Bertholdsen aki@sosialurin.fo Framferðin hjá Jákup Peter­ sen, yvirlækna, er óloyal ímóti Landssjúkrahúsinum, Hans Pauli Strøm, Lands­ stýrismaður í heilsumálum, er ógvuliga misnøgdur við framferðina hjá Jákupi Peter­sen, yvirlækna. Í farnu viku hevði yvir­ læknin tríggjar drúgvar greinar í Sosialinum, har hann hvassliga fanst at mát­ anum, sum føroyska heilsu­ verkið verður rikið upp á. - Framferðin hjá yvir­ lækn­anum er ein krígsav­ bjóðing og hetta kann ikki halda fra, staðfestir Hans Pauli Strøm, Lands­stýris­ maður. Hann sigur, at í greinini hjá Jákupi Petersen eru nógv­ir upplýsingar, sum eru skeivir og heilt burtur­ við og tað ger framferðina hjá yvirlæknanum serliga átaluverda. - Ein yvirlækni hevur ein leiðandi leiklut. Hann hevur stóran autoritet, bæði fak­ liga og leiðsluliga, tí hann nevur nógv fólk undir sær. Sostatt hevur hann eina heilt serstaka ábyrgd. Og tá ið Jákup Petersen ber seg soleiðis at, sum hann ger og fullkomiliga skrykkir álitið undan Landssjúkra­ húsinum, er tað ógvuliga óloyal framferð og tað tolir Sjúkrahúsverkið ikki, stað­ festir Hans Pauli Strøm. Hann viðurkennur, at øll hava rætt at gera vart við seg, tá ið viðurskifti ikki eru ílagi. - Hetta er ikki ein roynd at múlabinda yvirlæknan, men vit mugu seta ávís krøv til tær atfinningar, sum verða settar fram. - Og minsta kravið má vera, at tað er hald í teinum atfinn­ing­um og at atfinning­ arnar eru sakligar, sum verða førd fram - Men tað er tað ikki í hes­ um føri. Hans Pauli Strøm stað­ festir tí, at hetta kann ikki halda fram. - Hetta er ikki ein hóttan, men tað kann hvør tulka, sum tey vilja. Men hetta kunnu vit ikki finna okkum í, sigur landsstýrismaðurin í heilsumálum. Nógvir grovir feilir Í grein aðrastaðni í blaðnum hevur Hans Pauli Strøm eina grein, har hann vísir tí aftur, sum Jákup Petersen førdi fram í Sosialinum í farnu viku. Landsstýrismaðurin vísir á, at tað, sum Jákup Peter­ sen førir fram um kostnaðin av sjúkrahúsunum í Før­oy­ um, afturímóti øðrum lond­ um, er skeivt. Upplýsingarnar hjá Ják­ upi Petersen um, hvussu nógv sjúkrahús eru í yms­ um londum, eru eisini skeiv­ ar. Tað eru so nógvir grovir feilir í greinunum hjá yvir­ læknanum, at einki høpi er í nøkrum, sigur Hans Pauli Strøm. Sostatt sigur hann, at pá­haldið hjá Jákupi Peter­ sen um, at føroyska sjúkra­ húsverkið søplar 100-140 milliónir burtur um árið, er fullkomuliga skeivt og bygg­ir á eina skeiva sam­ anbering. - Øll niðurstøðan hjá yvir­ læknanum eru burturvið, staðfestir Hans Pauli Strøm. Vilja stýra einsamallir Jákup Petersen finst eisini hvassliga at leiðslu­bygn­ aðinum á Landssjúkra­hús­ inum. Orsøkin er helst tann, at nakrir yvirlæknar halda eftir øllum at døma, at allir trupulleikar høvdu verið loystir, vóru tað bara yvir­ læknarnir, sum stýrdu sjúkra­húsunum. - So einfalt er tað als ikki. Tvørturímóti er tað soleiðis, at tey sum fáa mest mót­ støðu frá hesum somu yvirlæknum, eru læknarnir í leiðslustørvum á sjúkra­ húsinum. Veruleikin er, at eingin leiðsla góðtikin og tað er ein fullkomuligur óloyali­tetur móti bæði organisa­tión og leiðslu, sigur Hans Pauli Strøm. - Tað ber ikki til, at hetta heldur á fram, leggur hann afturat. Hans Pauli Strøm stað­ festir eisini, at eftir hansara tykki er als ongin orsøk til at broyta leiðsluskipanina á Landssjúkrahúsinum. - Leiðslubygnaðurin er ein politisk avgerð og at ein yvirlækni sum Jákup Peter­ sen fer í opið og alment kríggj móti politiska og fyri­ sitingarliga myndugleik­an­ um fyri at máa støðið undan hesi avgerð, er harmiligt, sigur landsstýrismaðurin í heilsumálum. Sí annars greinina hjá landsstýrismanninum aðra­ staðni í blaðnum. Framferðin hjá yvirlækna á Landssjúkahúsinum má steðgast Nýggir marknaðir Tey vesturevropeisku londini hava ikki tann sama týdningin sum keyparalond hjá dønum longur. Nýggj hagtøl vísa, at sølan til tey nýggju ES-londini í Mið- og Eysturevropa er vaksin heili 65 prosent tey bæði seinastu árini. Samstundis er sølan til Russlands, Ukraina og Hvítarusslands vaksin 41 prosent. Marknaðurin uttan fyri Evropa vaksur eisini. Síðani 2004 er sølan vaklsin 33 prosent til USA og 21 prosent til lond í Asia. Arbeiða meiri Arbeiðsloysið í Danmark hevur ongantíð verið so lítið sum nú, og samstundis vísa nýggj tøl, at danir hava ongantíð arbeitt fleiri tímar enn fyrr. Tøl hjá hagstovuni vísa, at í seinasta ársfjórðingi í fjør arbeiddu danir 4,1 prosent meiri enn somu mánaðir í 2005. Tað er væl meiri, enn arbeiðsloysið minkaði, og tað sigur, at hvør einstakur arbeiðir fleiri tímar nú enn fyrr. Tað er gott, tí tað forðar yvirhita í búskapinum, sigur danska hagstovan. - Tað er harmiligt, at ein yvirlækni fer í opið kríggj ímóti politiska myndugleikanum og leiðsluni á Landssjúkrahúsinum. Hetta er ein krígsavbjóðing og tí kann hetta ikki halda fram, sigur Hans Pauli Strøm, landsstýrismaður