mánadagur 26. mars 2007síða 23

23 [ Nr. 60 - 26. mars 2007 ] – Verjan vann okkum dystin Rannvá Jo­hanne­ sen var ikki í iva um grundina til heldur óvæntaða sigurin á Stjørn­ uni í fyrsta finalu­ dystinum. – Vit løgdu stóran dent á verjuna, og hon vann okkum eisini dystin í dag HONDBÓLTUR Teitur Joensen teitur@sosialurin.fo Eftir fyrsta finaludystin í Sunset kappingini, har VB tók ímóti Stjørnuni, fingu vit orðið á Rann­ vá Jo­hanne­sen. Hon var sum vera man ovur­ fegin um sigurin. - Vit løgdu stóran dent á verjuna í dysti­ num í dag, og vit fingu hana eisini at koyra, sum hon skuldi. – Áðrenn dystin av­tal­ aðu vit at royna at halda teim­um niðanfyri 20 mál, og hetta eydnaðist okkum eisini. So eg haldi, at verjan vann okk­um dystin í dag. Hart í Klaksvík Nú hevur VB fingið eitt avbera gott útgangs­ støði und­an seinna dyst­ inum, sum verður í Klaks­vík leygardagin. Rannvá heldur eisini, at uppskriftin er tann sama til tann dystin. – Vit skulu gera tað sama, sum vit gjørdu í dag, men eingin ivi er um, at tað verður ringt í Klaksvík. Stjørnan er eitt ótrúliga sterkt lið á heimavølli, men vit mugu bara fara norður at kempa. – Eingin ivi er um, at vit ætla til Klaksvíkar at spæla okkara møgu­ leika. Vit føla slett einki trýst. Eg haldi hinvegin, at trýstið liggur á teim­ um, tí tær hava verið nógv best í alt ár, sigur Rannvá at enda. SAMBAND jákup mørk jakup@sosialurin.fo tlf. 341800 ítróttur Stjørnan var væl við í fyrra hálvleiki, tá tær vitjaðu í Vági í fyrsta finaludystinum í Sunset kappingini. VB lat tó ongan iva vera um úrslitið í seinna hálvleiki, og at enda vunnu tær ein sannførandi sigur HONDBÓLTUR Teitur Joensen teitur@sosialurin.fo Fyri viku síðani spældu Stjørn­an og VB seg í final­ una í Sunset kappingini við sigri á ávikavist StÍF og Neistanum í hálvfinalunum. Sostatt bleiv finalan í Sunset kappingini ein endur­ tøku av steypafinaluni, har Stjørnan vann ein rættiliga tryggan sigur. Stjørnan gjørdist eisini vinnari av endaspælinum, og tí sluppu tær at velja, hvar fyrsti finaludysturin skuldu spælast. Tær vildu hava, at fyrsti finaludysturin skuldi spælast í Vági, og tí hevði VB heimavøll, tá lið­ ini møttust í fyrstu finaluni í Sunset kappingini sunnu­ dagin. Mansverja gav úrslit Tað var týðiligt frá fyrsta bríksli, at liðini høvdu lagt sera stóran dent á verjupartin í teirra uppleggi til dystin. Bæði liðini høvdu ávísar trupulleikar við at finna mál­­ið fyrstu løtuna, og har­ afturat áttu málverjarnir eisini sín stóra lut í fáu málunum. Bæði Asta í VB- málinum og Agne hjá Stjørnuni stóðu sera væl, og tí var ikki altíð so lætt hjá spælarunum at fáa bóltin í máli. Fyrstu løtuna gekk tó rættiliga javnt á. Sjálvt um málini ikki vóru nógv í tali, so skiftust liðini um at skora. Fyrst var VB á odda, so var Stjørnan á odda, og her var ilt at meta um, hvønn veg tað fór at koppa. Tá eitt korter var farið av dystinum, hevði Stjørnan lagt seg á odda 5-4, men tá valdi VB at fara út at mans­ verja Alinu Olaru. Hetta vísti seg at rigga væl hjá VB. Stjørnan misti nakað av rútmuni í teirra álops­ spæli, og síðsta korterið megn­aðu tær bert at skora tríggjar ferðir. Hesa løtuna fekk VB eisini betri gongd á teirra álopsspæl, so tá lið­ ini fóru til hálvleiks, hevði VB vunnið sær eina tvey mála leiðslu, men enn tókt­ ist einki vera avgjørt. Avgerðin fall Mansverjan av Alinu Olaru hevði riggað avbera væl hjá VB, so tá liðini komu út til seinna hálvleik, valdi VB at halda fram við somu verju­ støðu. Ein leikari stóð úti á vøllinum og vardi Alinu, með­an hinir fimm so skuldu royna at halda Stjørnuni frá at skora. Henda verjustøða vísti seg at rigga eins væl og í fyrra hálvleiki. Stjørnan hevði stórar trupulleikar at sleppa fram við verjuni hjá VB, og tá tær endiliga sluppu til møguleikar, so stóð ein stórspælandi Asta sum oftast í vegin. Í hinum endanum hevði VB nú rætti­ liga fingið gongd á. Eitt álop fyri og annað eftir gav mál, og um miðjan hálv­ leikin hevði VB vunnið sær eina fimm mála leiðslu. Stjørnan royndi tó at broyta keðiligu gongdina. Tíðliga í seinna hálvleiki fóru tær út at mansverja bæði Daivu Tuomaite og Gurið Mortensen. Hetta gav tó hinum VB-leikarun­ um gott pláss, og tær dugdu væl at spæla seg fram til møguleikar. Sum tíðin leið gjørdist meir og meir greitt, at VB fór at sigra í fyrsta finalu­ dystinum. Munurin bleiv bara størri og størri ímillum liðini, og tá ið góðir fimm minuttir restaðu, hevði VB lagt seg á odda við heili átta málum. Síðstu løtuna tók VB sær mest sum av løttum, og hetta gjørdi, at Stjørnan fekk pynta nakað um úr­slitið. At enda vann VB dyst­in við fýra málum, og einki er at ivast í, at sigurin var fult uppiborin. Hann kundi helst verið enn størri. Við sigrinum hevur VB nú eitt gott útgangsstøði undan dystinum í Klaksvík næsta leygardag. VB-Stjørnan 20-16 (10-8) VB fekk fult á heimavølli VB-Stjørnan 20-16 (10-8) Málskjúttar: VB: Daiva Tuomaite 6 (3), Laila Jespersen 4, Maja Sølvsten 3, Gurið Mortensen 2, Rannvá Johannesen 2, Svava Vestergaard 2, Una Egilsdóttir 1 (1) Stjørnan: Alina Olaru 6 (2), Simona Petersen 5, Una Olsen 2, Anna K. Samson 1, Joan M. Djordjevic 1, Bára S. Klakkstein 1 Brotskøst: VB 7, Stjørnan 3 Útvísingar: VB 2, Stjørnan 1 Dómarar: Sámal Paulason & Kári Hansen FAKTA Gurið Mortensen og hennara liðfelagar í VB kempaðu seg til sigurs í fyrsta finaludystinum ímóti Stjørnuni. Mynd: Áki Bertholdsen