týsdagur 27. mars 2007síða 28

28 Nr. 61 - 27. mars 2007 vinnusíðurnar Størri inntøkuvøkstur í Norðurlondum Marknaðarrák Norðurlendsk partabrøv hava staðið seg væl seinastu árini, og tey eru vorð­in nakað bíligari enn onnur síð­ an lækkingina á partabræva­mark­ naðunum. Norðurlendsk virkir hava størri inntøkuvøkstur enn onnur virkir í til dømis Evropa. Kaupthing metir, at intøkuvøksturin hjá norð­ur­ lendskum virkjum framhaldandi fer at vera størri enn hjá øðrum. Hetta kemst m.a. av, at norðurlendsku virkini í størri mun enn onnur venda virkseminum hjá sær ímóti búskap­ arligu vakstrarøkjunum í Eystur­ evropa og Asia. Haraftrat standa Norð­­urlond sterk á fartelefon-mark­ nað­inum, meðan tey i minni mun venda sær til fastnet, sum ikki tykist eins áhugavert. Dollarin undir størri trýst? Dollarin, sum seinasta árið er vikn­ aður til nú 5,58 krónur, kann lækka meira um USA kunnger vánalig bú­ skapartøl ella um oljuprísurin hækk­ ar. Higartil hevur áhugin fyri at fíggja amerikanska gjaldsjavnahallið verið góður, men um hann versnar og rentumunurin millum USA og Evropa minkar, er sannlíkt at doll­ arin kann vikna nakað. Kaupthing er ikki eins neiligt um amerikanska búskapin sum aðrir bankar, hóast ídnaðarálitini eru lækkaði. Við hækk­andi prísvøkstri og einum sunn­ um arbeiðsmarknaði meta vit, at útlitini til fleri rentulækkingar í USA eru minni enn marknaðar­semj­ an. Tískil vænta vit ikki líka stóra lækking í dollaranum næstu 6 mán­ aðirnar sum marknaðurin annars. Lánsbrævarentur hækkaðar Lánsbrævamarknaðurin misti góða stevið í farnu viku, og lækkaði eitt sindur. 10-ára rentan hækkaði 0,10% til 4,04%. Partabrøv halda á at hækka, og meðan tað stendur við, eru útlit fyri at renturnar eisini hækka. Hesa vikuna Hesa vikuna verða eyguni framvegis havd við gongdini á partabræva­ markn­aðinum. Serliga verður USA í andgletti, eftirsum gongdin síðan korrektiónina hevur verið serliga góð har, og tað eru rentupolitikkur o.a. haðani, ið eru á breddanum í løtuni.                                  SEK      Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar.             Tá Gissur Patursson fer til Íslands til AME tiltakið um viku­ skiftið, hevur hann tvey kuffert við sær – proppað við fløgum við føroyskum tónleiki, sum er ein gáva til íslendingar TÓNLEIKUR Eirikur Lindenskov eirikur@sosialurin.fo - Hetta er eitt win-win pro­ jekt, sum skal gagna báðum pørtum. Vit merkja tað, at føroyingar hava undanvind í Íslandi, og vit føla, at tað ber til at vinna føroyskan tónleik fram á íslendska mark­naðinum á henda hátt. Soleiðis sigur Gissur Paturs­son, sum í hesum føri umboðar Framleiðslu­felag­ ið fyri føroyskan tónleik – t. e. føroyska Gramex-deildin, stuðlað av EIK og Expert. Tey hava sett sær fyri at taka allan føroyskan tónleik við sær til Íslands at geva íslendskum miðlum. Tvey eintøk verða av hvørjari fløgu, eitt eintak í hvørjum kufferti. Annað kuffertið fær íslendska Ríkisútvarpið – og fer tað í felags savnið hjá RUV og Rás2, hitt verð­ ur latið onkrum øðrum – eftir nærri avtalu við heim­ ildarfólk á staðnum, so tað gagnar á bestan hátt. Gissur Patursson sigur, at tey higartil hava fingið sam­ starv við ymsar útgevarar um hetta, eitt nú Tutl, 3’aran/Expert, Evangelisku røddina og Pegasus. Hesi lata tvey eintøk av hvørjari útgávu. - Men vit vilja fegin hava øll við og øll sløg av tón­ leiki, alt fra kvæðum og skjaldrum til rocktónleik, sigur Gissur Patursson. Hann sigur, at íslendsku miðlarnir við hesum fáa all­ an føroyskan tónleik í søvn síni, og at tey tí uttan hóva­ sták kunnu leita tónleikin fram í databasum sínum. - Eg havi so mangan ver­ ið úti fyri, at fólk í ís­lendskum miðlum ringja til mín fyri at fáa fatur á onkrum føroyskum lag. Nú verður lættari, tí nú hava tey beinleiðis atgongd til tón­leikin. Gissur Patursson sigur, at AME tiltakið um vikuskiftið er eitt upplagt høvi hjá før­ oyskum soleiðis at fáa allan føroyskan tónleik inn í ís­lendsku miðlarnar. Hann vísir eisini á, at vit hava nógv lættari atgongd til síkt í Íslandi, tí tað hevði valla borið til soleiðis at komið inn á danska ella svenska marknaðin við einum slík­ um forholdsvís einføldum til­taki. Gissur Patursson heitir á øll, sum hava givið før­oysk­ an tónleik út, um at venda sær til sín, so tey kunnu fáa tvey eintøk av øllum út­gáv­ unum við í savnið – so ís­lendskir miðlar fáa eitt so fullfíggjað savn av føroysk­ um tónleiki, sum til ber. Geva íslendingum hundraðtals føroyskar fløgur Gissur Patursson hevur tikið stigið til hetta óvanliga tiltak at geva íslendingum allan tann føroyska tónleikin. – Eitt win-win projekt, sum gagnar báðum pørtum, sigur Gissur Patursson