mikudagur 28. mars 2007síða 15

Nr. 62 - 28. mars 2007 15 tíðindi Sandavági sær av. - J & K Petersen hava gjørt alt jørðarbeiði, planer­ ings-og betongarbeiðið, sigur verkætlanarleiðarin. Líkar íbúðir Tær 32 íbúðirnar hjá P/F J & K Petersen Íbúðir eru rætti­liga líkar í stødd og út­sjónd – og eisini í prísi. - Íbúðirnar liggja millum 71,5 upp í 75,6 fermetrar, og prísirnir liggja millum 1,925 og 1,975 miljónir krónur hvør, sigur hann. Eyðfinn Lenvig vísir á, at tað serliga eru fólk í fimmti ára aldri, sum hava ognað sær hesar íbúðirnar. - Hetta eru fólk, sum kanska hava sitið í ov stór­ um húsum – ella, sum hava ilt við at fáa tak yvir høvdið í høvuðsstaðnum. Hann leggur tó aftrat, at tað eisini eru yngri familjur, sum hava ognað sær íbúð á Boðaneshamri. - Tað hevur gingið væl at selja íbúðirnar, og sum eg havi skilt, er nú bert nakrar heilt fáar eftir, sigur Eyð­ finn Lenvig, verkætlanar­ leið­ari hjá J & K Petersen Íbúðir. Í morgun varð farið undir at seta tær fyrstu íbúðirnar upp á Boðaneshamri. Á bryggjuni hivar ein krani hjá Júst Sivertsen sektiónirnar upp í trailarar hjá Iani Rasmussen, sum koyrir tær niðan á Boðaneshamar Mynd: Jens Kr. Vang J & K Petersen Íbúðir byggir tilsamans 32 íbúðir á Boðaneshamri. Tær fyrstu átta standa longu uppi í dag. Hetta er fyrsta íbúðarbygging av sínum slagi í Føroyum, og menn fylgja spentir við, hvussu væl alt kemur upp á pláss Mynd: Jens Kr. Vang Trolbátar og garna- skip landa á Toftum Fýra skip hava landað á Toftum í dag, og meginparturin av veiðini, sum kom upp á land, var havtaska Fiskivinna Vilmund Jacobsen vilmund@sosialurin.fo Tíðliga í morgun landaðu garnaskipini Nim og Drelnes á Toftum. Skipini eru bæði heimahoyrandi í Suðuroy. Tey høvdu ávikavist 15.000 og 13.400 pund, megin­part­ urin havtaska. Á Fiskamarknaði Føroya siga tey, at ein partur av veiðini hjá skipunum fór fyri heili 40 krónur fyri kg. Í dag hava eisini trolbátarnir Vesturfarið, sum er heima­­hoyrandi á Argjum og Tindur, sum er heima­hoyr­ andi á Strondum, landað á Toftum. Vesturfarið hevði 17.600 pund og Tindur 12.000 pund. Ein stórur partur av veiðini hjá Vesturfarinum var havtaska, meðan veiðan hjá Tindi var eitt sindur meira blandað – við havtasku, toski og hýsu. Á Landingarmiðstøð Føroya á Toftum vænta tey línuskipið Eysturoying í morgin. Teir fóru til fiskiskap 22. mars og hava eini 66.000 pund inni, harav eini 40.000 pund er hýsa. Eysturoyingur hevur roynt undir Føroyum. Á Landingarmiðstøð Føroya vænta tey kanska onkran bát aftrat fríggjadagin. Í morgun, tá Sosialurin var fram við bryggjukantinum á Toftum, stóðu Heðin Davidsen og Andrias í Túni og tóku ímóti kassum, sum komu upp úr Vesturfarinum. - Nei, hetta er ikki tann stóri dagurin í dag. Hetta eru smáir bátar, og tað er skjótt at fáa fiskin upp úr teimum, segði Andrias í Túni, tá ið vit heilsaðust á bryggjuni. Heðin Davidsen og Andrias í Túni taka ímóti fiskakassum, sum koma upp úr trolbátinum Vesturfarinum. Beint aftanfyri Vesturfarið liggur ein annar trolbátu Tindur og landar Mynd: Vilmund Jacobsen