týsdagur 3. apríl 2007síða 8

8 tíðindi Nr. 66 - 3. apríl 2007 Bummpengar Gongst sum ætlað fer tað skjótt at kosta pengar at koyra til ella úr Aalesund. Endamálið við skipanini er at fíggja ymisk vegarbeiði. Tær fyrstu útrokningarnar vísa, at um hvør bilur rindar 10 krónur, hvørja ferð hann fer út um ella kemur inn um býarmarkið, fer tað at geva 70 mió. krónur árliga. Tað er kortini ikki vist, at skipanin við bummpengum á býarmarkinum kemur, tí higartil hevur býráðið felt øll slík uppskot. Dýrt breiðband Tað er nógv dyrari at hava breiðband í Føroyum enn í øðrum londum, og harafturat er ferðin á føroyska internetsambandinum nógv minni enn aðrastaðni, skrivar Dimmalætting. Eitt nú veit blaðið at siga, at fólk í Danmark kunnu fáa tríggjar ferðir skjótari internetsamband enn føroyingar fyri 300 krónur minni um mánaðin. Rúnar Reistrup, sum er útbúgvin í kunningarvísindi, sigur við blaðið, at lítla ferðin í Føroyum forðar menning. Jóannes Eidesgaard heldur lítið um atfinningarnar frá Høgna Hoydal í Sosialinum í gjár, har hann kallar tað kleyvarskap, at føroyingar hava latið dønum Íleggingar­ grunnin. – Danir hava goldið hvørt oyra í grunni, og tí eiga teir hann eisini, sigur løgmaður Flogvøllurin Kári Mikkelsen karim@sosialurin.fo - Eg haldi tað vera løgið av einum manni, sum sat seks ár sum varaløgmaður og í síni tíð fekk bjóðað frá Ny­rup at yvirtaka vøllin frá dønum, men onki fekk gjørt við tað, nú finst at okkum fyri at hava loyst málið, sig­ ur Jóannes Eidesgaard, løg­ maður, um atfinningarnar frá Høgna Hoydal í Sosial­ inum í gjár. Her skýrir floksfor­mað­ur­ in í Tjóðveldisflokkinum mannagongdina í sambandi við yvirtøkuna av flogvølli­ num, sum vánaligt politiskt handverk frá føroyskari síðu. Hann kallar tað kleyv­ ar­skap at lata dønum Ílegg­ ingargrunnin fyri Føroyar. - Sum málið er handfarið frá føroyskari síðu, er hetta ikki minni enn ein gøla, sigur Høgni Hoydal og held­ ur, at landsstýrið við hesi loysnini hevur forerað grunn­in burtur til danir. Hesum er Jóannes Eides­ gaard, løgmaður, rúkandi ósamdur í. - Danir hava jú goldið hvørt oyra í grunnin, og vit kunnu ikki bara siga, at hann er føroyskur. Hesin pá­standurin er láturligur og heldur hvørki politiskt ella løgfrøðisliga, sigur Jóannes Eidesgaard. - Hetta er líka so langt úti, sum at at krevja ein pen­ inga­stovn eftir einum láni, sum er afturgoldið, sigur løg­­maður. Fólkatingið samtykti hós­ dagin við 3. viðgerð at játta 365 mió. kr. úr Ílegg­ingar­ grunninum fyri Føroyar til útbygging av flogvøllinum í Vágum. Hetta merkir sam­ stundis, at vøllurin verður yvirtikin 1. mai. Jóannes Eidesgaard held­ ur tað eisini vera løgið at ein­um floksformanni í ein­ um valári at leika so í og koma við ógvusligum ákær­ um um vánaligt politiskt hand­verk. - Eg haldi, at hetta enn einaferð prógvar, at Høgni Hoydal ikki er til praktiskan politikk, men ístaðin velur at berjast ímóti vindmyllum. Skal Tjóðveldisflokkurin gera sær tankar um at koma í samgongu, so átti flokk­ urin at vanda sær eitt sindur meiri um orðavalið, sigur Jó­annes Eidesgaard. Løgmaður vísir á, at tað bar ikki til at finna eina betri loysn við danir, enn hana sum funnin er. - Flogvøllurin er størsti fløsku­hálsur í føroyska ferðslukervinum í dag, og útbyggingin kann ikki bíða longur. Atlantsflog stendur við einum flota av flogfør­ um, ið skulu skiftast út, og tí má felagið hava ein longri vøll til til størri flogfør, sig­ ur Jóannes Eidesgaard. Høgni Hoydal vísti eisini á í greinini í gjár, at ongin trygd er fyri, at játtaða upp­ hæddin fer at halda. Tvørt­ urímóti heldur hann, at íløg­ an verður munandi dýrari. Til hetta sigur Jóannes Eidesgaard, at hetta kann hann sum løgmaður ikki tryggja, men bert halda seg til tær metingar, sum gjørd­ ar eru. Hesar vísa, at út­bygg­ ingin kann fremjast fyri hesa upphæddina. Fer útbyggingin av flog­ vøllinum, nýggjum termi­ nali og tekniskari útgerð at kosta meiri enn tær 365 mió. kr., so skal hetta játtast yvir fíggjarlógina. Løgmaður um flogvallamálið: – Danir eiga hvørt oyra í Íleggingargrunninum Stór politisk ósemja er millum samgonguna og partar av andstøðuni um ognarviðurskiftini í Íleggingargrunninum fyri Føroyar, sum skal fíggja útbyggingina av flogvøllinum í Vágum Savnsmynd - Álopið frá formanninum í Tjóðveldisflokkinum í málinum um Íleggingargrunnin er enn eitt dømi um, at Høgni Hoydal ikki er til praktiskan politikk, men heldur velur at stríðast ímóti vindmyllum, sigur Jóannes Eidesgaard, løgmaður Savnsmynd