týsdagur 3. apríl 2007síða 9

9 tíðindi Nr. 66 - 3. apríl 2007 Tað hevur viðrað illa hjá útróðrarmonnum kring landið higartil í vetur. Í Sørvági siga teir tað sama. Men í farnu viðraði umsíðir og hósdagin riggaði útróðrarbáturin Brynhild seg til nýggjan túr Útróður Snorri Brend snorri@sosialurin.fo Sørvágur: Tað er av allar fagrasta veðri henda hós­ dagin. Niðri á havnarlagnum sæst ein hópur av stampum standa. Inni í einum rúmi stendur ein einsamallur maður og egnir hjá útróðrarbátinum Brynhild. Hann er um at vera lið­ ugur við henda stampin. Nú er tíð at fáa hann kláran, tí um lítla løtu fer Brynhild til útróðrar. Útróðrarmaðurin Albert Johannesen er komin oman á havnarlagið hesa løtuna. - Vit ætla okkum at fara vestureftir, sigur hann við Sosialin. 100 pund uppá stampin Albert hevur róð út við Bryn­hild seinastu fimm árini. Árini hava sjálvandi verið ójøvn, - eisini hetta árið. - Tað hevur viðrað sera illa í ár. Vit hava í roynd og veru ikki gjørt fleiri enn 12 túrar, slær Albert fast. Í tí serstakliga góða veðr­ inum hósdagin riggaðu teir til at fara enn ein túr. Streym­ urin var góður og veðrið tað sama. Teir vóru á seinasta túri­ num dagin fyri, og var fiski­ skapurin so nøkulunda henda dagin. - Hetta var fyrsti túrurin í langa tíð, og høvdu vit góð 100 pund uppá stampin, sigur Albert stutt. Nýggjar umstøður Leygardagin kundu út­róð­ rar­menn í Sørvági taka nýggju Egningarmiðstøðina í nýtslu. Her er pláss fyri íalt níggju skúrum, har møgu­ leiki er hjá 12 egnarum at verða samstundis. Hvør skúr­urin hevur haraftrat eina frystigoymslu sum kann rúma 120 stampum. Har­um­framt eru wc og ein kantina í miðstøðini. Fyri Albert og hinar um­borð á Brynhild var hetta til mikið gagn og gleði. Nú kann ein veruliga tosa um umstøður til egn­ ing. Umstøðurnar, sum teir hava havt tey seinastu árini, hava verið alt annað enn góðar. Teir hava í roynd og veru staðið og egnt í einum skúri uttan nakran hita, og hevur tað mangan verið stræv­ið ta køldu ársins tíð. - At fara niðan í teir nýggju skúrarnar er í øllum før­­um eitt stórt stig tann rætta vegin, sigur Albert. Í nýggju Egningar­mið­ støð­ini fáa útróðrarmenninir nú hvør sítt frystirúm, ístað­ in fyri sum áður at skula flyta stamparnar yvir í eina stóra frystigoymslu í sama bygningi. Tíma illa at egna Eitt er útróðurin. Annað er at fáa fólk at egna fyri seg. Hetta hevur verið ein trupul­ leiki hjá Brynhild. Teir fáa nógv fyri hvønn egndan stamp, men tað tyk­ ist vera ógjørligt at fáa nóg mikið av egnarum. - Tað vísir seg at teir tíma ikki allíkavæl, sigur Albert. Hjá Brynhild hava tað í størstan mun verið ungir dreingir sum hava egnt, með­­an útróðrarmenn í til døm­is Klaksvík høvdu klár­ að seg illa uttan teir góðu og gomlu egnararnar. Fisk um veturin – ferðafólk um summarið Nú fer útróðrarárið hjá Brynhild skjótt at vera av á hesum sinni. Hetta merkir kortini ikki at teir leggja stilt, til útróðurin verður tikin uppaftur seinni í heyst. Brynhild fer nevniliga at sigla við ferðafólki til Myki­ nesar, tá summarsiglingin hjá Strandferðsluni til vestastu oyggj okkara byrjar 1. mai. Henda siglingin varir alt summarið og fram til 31. august. Eingin kiosk í summar Gásadalur: Í Sosialinum í gjár skrivaðu vit um Gunvør Ehlers í Sørvági, sum ætlar sær at flyta til Gásadals at búgva. Í fjør tók hon tað forvitnisliga stigið at lata upp eina kiosk í Gásadali, har møguleiki var at keypa sær kaffi og køkur. - Eg veit, at tað er júst hetta sum ferðafólki leingist eftir, tá tey koma higar. - Og tað vóru eisini nógv fólk sum høvdu hetta á orði. Tá tey sóu kaffimaskinuna, so jublaðu tey, sigur hon brosandi. Sum støðan er í løtuni, fer Gunvør sjálv ikki at hava ein slíka kiosk í summar. Hon hevur so nógv annað at gera, men vónar kortini at onkur annar kann halda fram við henni. - Eg haldi tað vera keðiligt hjá fólki, um einki var at fáa her, sigur Gunvør. Kioskin stendur har, og er møguleiki at leiga hana, um áhugi er fyri tí. Hevur viðrað stak illa í ár Marner Davidsen í ferð við at egna ein stamp Mynd: Jens Kr. Vang - Seinasta túrin høvdu vit 100 pund upp á stampin, sigur útróðrarmaðurin Albert Johannesen Mynd: Jens Kr. Vang ” Teir fáa nógv fyri hvønn egndan stamp, men tað tykist vera ógjørligt at fáa nóg mikið av egnarum. Tað vísir seg at teir tíma ikki allíkavæl