mikudagur 11. apríl 2007síða 29

7 Ampop [myspace.com/ampopband] Íslendski elektroniski bólkurin Ampop gav í november fjórðu fløgu sína fløguna “Sail to the Moon” út. Fløgan varð av lurtarum á størstu íslendsku útvarpsstøðini Rás 2 vald til ársins fløgu, eins og hon er í uppskoti til fleiri heiðurslønir á íslendsku tónleikaheiðurslønunum. Næst seinasta fløgan hjá Ampop “My Delusions” seldi til gullfløgu í Íslandi og tittullagið varð valt til ársins lag og ársins sjónbandalag á íslendsku tónleika- heiðurslønunum í fjør. Ampop byrjaði sum ein elektronisk duo og gav í hesum líki tvær fløgur út, ið ummælarar og smalir lurtararskarðar vóru sera begtiknir av. Bólkurin broyttist nakað, tá trummuleikarin kom við í bólkin og ljóðið flutti seg til meira trummu og gittarbasera. Samstundis fekk bólkurin veruliga luft undir veingirnar og fór veruliga at gera um seg í útvarpi og á hittlistunum. Molinder Band [myspace.com/molinderband] Molinder Band er svenskur bólkur við oddamanninum Jonas Molinder. Í veruleikanum er mest av øllum talan um eina einstaklinga verkætlan, ið hevur givið 3 EP fløgur út: Soul in me (2001), Life Spark (2003) og Kill Your Darlings (2004).  Nøkur ár eru fráliðin síðan síðstu útgávu, hetta kemst m.a. av, at Jonas Molinder, helt steðg frá tónleiki í eitt ár. Hann brúkti tíðina at leita eftir nýggjum íblástri. Við endurfunnari spæligleði stovnaði hann egið plátufelag, Tender Records. Eitt plátufelag har Jonas sjálvur stýrir síni tónlistarligu yrkisleið. Í apríl kemur fløgan In The Room With Fire, útgivin á nýggja felagnum. Tað verður sostatt ein plátuaktuellur bólkur, ið vitjar á AME. Tóleikurin hjá Jonas Molinder finnur íblástur í tí tónleiki, ið hann lurtaði eftir sum yngri, nøvnum sum Stevie Wonder, Sting, Louise Hoffsten og Phil Collins. Grand Island [myspace.com/thegrandisland] Gand Island úr Noregi spælir eitt slag av nýrokki, ið teir sjálvir lýsa á henda forvitnisliga hátt: "...ein tættsitandi kókandi eind. Ein skitin samanrenning av soul, blue- grass, disco, hardcore og rock n'roll. Svávulbrendar røddir, tung orgul ljóð, banjo fingraspæl frá 1976, oyði- markar bassur og stórbýar trummuspæl. Hetter er veruliga ein fagnaður av kompremiðleysum ljóðbylgjum í yvirflóð." Stuttligur tónleikur við stórari spæligleiði. Hetta er ringt at lýsa, men lætt at lurta eftir, so tí er bert at vitja bólkin HYPERLINK "http://www. myspace.com/thegrandisland" á myspace síðuni ella á grandisland.no, tí har liggja smakksroyndir av teirra tónleiki. lendsk nøvn