mikudagur 4. apríl 2007síða 22

Nr. 67 • 4. apríl 2007 22 Á evropeiska meginlandinum skal ein ávís útgáva av Islam verða ávegis. Ein útgáva, sum góðtekur t.d. skilnað millum stat og átrún­ að, og sum heild, góðtekur støðu sína í minniluta – innrættar seg í evropeiskt fólkaræði. Evroislam kalla fleiri eina tílíka útgávu av Islam. Tariq Ramadan er tann mest kendi fortalarin fyri eini útlegging av Evroislam, sum tó ikki er heilt hin sama, sum tann lýsta omanfyri. Tariq Ramadan er av summum elskaður og av øðrum hataður. Hann er pro­fessari, fyrilestrar hansara fylla fyrilestarhølini, gjarna við ung­um muslimum, ymsa staðni kring vestara part av Evropa. Hann verður lýstur sum genialur hugsjónarmaður og retorikari, trúbótari, ein muslimskur Martin Luther – men eisini er hann ákærd­ur fyri at tala við tveimum tungum, fyri at vera antisemitt, ein vandi fyri fólkaræði og eisini fyri at vera ein muslimskur svíkjari. Hann talar ímóti tí, at muslim­ urin trekkja seg aftur í dagliga samfelagslívinum. Evropislam saman við musliminum skal úr minnilutastøðuni. Hóast muslimurin luttekur í sam­felag­ num – í kjaki, í politikki – so skal hann á ongan hátt uppgeva ella goyma sín átrúnaðarliga samleika í tí almenna rúminum. Í øðrum orðum skal muslimurin ikki seta ljós sítt undir skeppuna. Khader Ein politikari við arabiskari og muslimskari bakgrund í donskum politikki er Naser Khader. Eins og Tariq Ramadan, er Naser Khader av summum er sera væl dámdur, men av øðrum illa lýddur. Naser Khader verður spáddur at hava eina um ikki gylta, so bjarta framtíð í donskum poli­tikki. Ein komandi danskur stór­politik­ ari. Danskir eygleiðarar og polit­iskir viðmerkjarar meta, at eitt høvuðs­mál í samanhanginum av danska vælferðarpolitikkinum verður hvussu viðurskiftini millum “gomlu danirnar” og “nýggju muslimsku danirnar” verða løgd til rættis. Her skal Khader fáa ein enn meiri politiskan viðvind, enn hann hevur fingið tað í tíðini eftir rokið um Muhammed- tekningarnar. Í Khader síggja fleiri nevniliga ein dreym um eina útgávu av Islam, har sharia-lóggáva hevur ein nógv skerdan leiklut og átrúnaður heilt klárt er ein privat-søk. Hetta er jú støðan, sum Khader hevur tikið og hetta er ein týðandi partur av hansara politisku profil. At konturarnir í danska politiska kjakinum eru sum teir eru, hevur sjálvsagt nógv at gera við muslimsku tilflytararnar og teirra eftirkomarar, og serliga eisini á unga aldurin á hesum. Í Danmark búgva umleið 170.000 muslimar, av hesum eru 70.000 arabiskum uppruna.(Sí omanfyri!). Eitt flótandi hugtak Ramadan er fyri integratión, men tað skulu vera muslimar, sum avgera hvat hetta hevur við sær. »Um eitt samfelag tekur frá mær Evroislam: Átrúnað Meðan átrúnaður hevur stóran leiklut í føroyskum politikki og samfelag, er støðan hin sama millum fleiri evropeiskar muslimar. Í hesi vikuni er fólka­tings­ politikarin Naser Khader komin til Føroya – hesin kennir uttan iva til somu støðu, tó úr einum øðrum høpi Islam í Evropa Johan Jacobsen johan@sosialurin.fo 70.000 arabarar í Danmark Tað eru 70.000 arabarar í Danmark. Hetta tal fevnir um tilflytarar og teirra eftirkomarar, ið hava arabiska bakgrund, mál og mentan. Flestu av hesum komu miðskeiðis í 1980’unum til Danmarkar. Meðan tilflytarin í 1960’unum og 1970’unum oftast var maður, ið kom fyri at arbeiða, so var tilflytarin í 1980’unum oftast flóttafólk. Teir eru komnir úr ymiskum londum. Í dag er tað irakar, sum eru teir flestu, 26.350. Libanar koma næstir í røðini, 22.230 – fleiri av teimum av palestinskum uppruna. Í 1986, meðan borgarakríggið leikaði uppá tað harðasta í Libanon, komu serliga nógvir libanar til Danmarkar, nær um 2.500. Mynd: Polfoto