mikudagur 2. mai 2007síða 18

38 NORTH ATLANTIC FISH FAIR 07 Alivinnan er aftur farin at gera íløgur, nú positiv gongd er í vinnuni. Hetta merkir, at veitarar til alivinnuna hava meira at gera. Mill­ um tey, sum hava merkt framgongdina, er KJ-Hydraulik á Kambsdali Ídnaður Vilmund Jacobsen vilmund@sosialurin.fo Tað er ikki langt síðan, at KJ- Hydraulik læt ein nýbygning til Pan Fish í Oyndarfirði – eina tvíkilju av slagnum Hydro-Cat, ið nú er vørumerkið hjá hesum bátum. Seinastu dagarnar hevur ein onnur nýggj tvíkilja ligið á Fugla­firði, og hesa hevur felag­ ið smíðað fyri alifelagið Luna. Báturin hevur fingið navnið Kross­tindur og verður heima­ hoyr­andi í Miðvági. Mánadagin í hesi vikuni varð hann latin eigarunum. Krosstindur er stívliga 15 metrar langur, sum er nakað longri enn hinar tvíkiljurnar, sum KJ-Hydraulik hevur smíð­ að. Breiddin er hin sama. Nýggi báturin hevur tveir 330 hk. motorar og ein 23 tonsmetur krana. Skrokkarnir eru smíðaðir í Letlandi, og síðan hevur KJ gjørt bátarnar lidnar á Borðoyar­vík. Tað er KJ-Hydraulik, sum eig­ ur alt konseptið upp á alibátar­ nar, ið eru designaðir og tekn­ aðir á Kambsdali. Fleiri sáttmálar Alivinnan hevur tikið væl ímóti hesum bátum og hevur nú bílagt fleiri. Tvíkiljan, sum KJ fyrr í ár læt Pan Fish, er soleiðis hin fyrsta av trimum í hesum umfari. Kross­tindur, sum Luna fekk mána­dagin, er hin fyrri av tveim­ um, sum felagið skal hava. Herfyri gjørdi KJ-Hydraulik sáttmála um enn ein Hydro-Cat, sum verður nýbygningur nr. 21. Tað er Funnings Laks, sum skal hava henda bátin, og soleiðis fer felagið at smíða fýra tvíkiljur í hesum umfari. Spennandi gongd - Umframt hesir fýra alibátarnir, eru samráðingar í gongd um aðrar. Vit vænta tískil ikki, at hes­ir fýra verða teir seinastu í røð­ini, sigur stjórin í KJ-Hydrau­ lik, Ólavur A. Olsen, sum er sera fegin um, at alivinnan í Før­ oyum hevur tikið so væl ímóti tvíkiljunum. - Jú, hetta sær ógvuliga spenn­ andi út, ásannar hann. KJ og teir, sum eiga smiðjuna á Skarðhamri á Borðoyarvík, hava samstarvað í fleiri ár, og nú hava hesi feløg saman við Heð­ ini Poulsen stovnað nýtt felag, Sandblástur í Ljósáum, sum rekur virksemi við sand­blás­­ing, metalisering og mál­ing. - Hetta felag er soleiðis eisini ein av undirveitarunum hjá okk­ um, nú vit byggja tvíkiljurnar, sigur Ólavur A. Olsen. Aðrir undirveitarar í sambandi við hesa nýbygging eru Jón Jacob­sen, Eiði, P/F J-El Sp/f, Eiði og Radiobúðin, Saltang­ ará. Hydro Cat Tað var upprunaliga Hydro Tech á Eiði, sum í síni tíð byrj­ aði at byggja bátar til alivinnuna, men tá vinnan fór fyri bakka, gekk hetta eisini útyvir virk­ semið á Eiði, sum síðan varð lagt undir KJ-Hydraulik. Føroysku alibátarnir, sum Hydro Tech smíðaði, vóru væl um­tóktir í alivinnuni, og tí hevur KJ-Hydraulik valt at kalla tvíkiljurnar Hydro-Cat. Tvíkiljurnar eru sterkar og rúmligar, eins og útbúnaðurin umborð er tilsvarandi til dygdar. Skrokkarnir eru smíðaðir úr stáli, og húsið er úr aluminium Mynd: Sofus Gregersen Vælumtóktar tvíkiljur hjá KJ FlogFrakt SjóFrakt Hurð til Hurð Bryggjubakki 16 FO-100 Tórshavn Tel 30 82 82 Fax 30 82 81 info@norlink.fo www.norlink.fo