týsdagur 29. mai 2007síða 26

[ Nr. 100 - 29. mai 2007 ] Mistøk kosta altíð Levi Hanssen hjá Skála var ikki nøgdur um úr­slitið, sum teir høvdu fingið í Gundadali. - Sjálvandi er tað ikki lætt, tá liðið fremur so­mikið nógv mistøk. Tá tú spælir á útivølli móti HB, so veitst tú, at hetta hevur tú ikki ráð til. Júst slík mistøk hevur Skála annars lúkað burt­ ur seinastu nógvu um­­før­ ini. Hvat gekk galið hesaferð? - Tað ber illa til at stað­ festa. Ikki annað enn, at vit mugu arbeiða við at betra tann partin av spæli­ num, helt Levi. Um komandi umfør­ini vil Levi einki siga, hvørt hann metir Skála hava nakran møguleika at klintra longur upp á stiga­ talvuni. - Vit mugu bara taka ein dyst í senn. So fáa vit at síggja, hvussu langt tað kann røkka. Kendu seg ikki tryggar Hóast tað at síggja til tóktist, sum hevði HB tamarhald á støðuni allan seinna hálvleik, so helt Emil N. Leifsson ikki, at teir kendu seg heilt tryggar við støð­una. – Skála roynir alla tíð­ ina at spæla við, og tí koma teir eisini til sínar kjansir. Ikki fyrr enn vit skora til 3-1, anda vit nak­að lættari, men tá minka teir so alt fyri eitt um munin aftur. Tíbetur megna vit so kortini at av­gera alt, soleiðis at tal­ an gjørdist um ein ruddi­ ligan sig­ur. Og hvat skal til hjá tykk­um, um slíkt spæl og slík úrslit skulu koma í hvørjum dysti, heldur enn øðrum hvørjum? - Hart arbeiði. Vit hava sveiggjað alt ov nógv, og skal tað steðga, so skulu vit til at arbeiða betri í hvørjum tí einasta dysti, helt Emil. GÍ roynir brasiliumann Hóast flyltingarvindeygað ikki letur upp fyrr enn 18. juni, so er ætlanin, at nýggi maðurin skal fáa pláss í hópinum alt fyri eitt. Fyrr í ár var nevnliga ætlanin, at Leandro Temeroso da Silva skuldi royndarvenja við GÍ. Ta ferðina gjørdist venjingin av ongum, men øll praktisk viðurskifti kring spæliloyvið vórðu kortini greidd, skilst. Nú kemur spælarin so til Føroya, og so verður tað upp til hansara at sannføra GÍ-venjaran um, at hetta er maðurin, sum veruliga kann skora neyðugu málini fyri felagið. Andreas Poulsen, formaður í GÍ, sigur, at da Silva er 23 ára gamal áleypari, sum áður hevur spælt við ymsum feløgum í Brasil og Venezuela. Fremad-venjari til Brøndby Peer F. Hansen, sum ikki fekk nýggjan sáttmála við Fremad Amager, skal sambært danska Ekstra-Bladet í starv hjá Brøndby. Har skal hann ætlandi venja eykaliðið hjá Brøndby. Tom Køhlert hevur verið venjari hjá eykaliðnum hjá teimum gulu, men síðani í vetur hevur hann eisini staðið á odda fyri besta liðnum, og tí hevur arbeiðsbyrðan verið dekan ov stór. Verjumistøkini vóru avgerandi, tá HB móti dystarenda fullkomuliga punkteraði Skála Fótbóltur Jákup Mørk jakup@sosialurin.fo Byrjanin kundi valla verið verri hjá HB, sum enn eina ferð skuldi reisa seg eftir eitt tap, sum als ikki var part­ur av lærubókini. Knappir átta minuttir vóru farnir, tá Levi Hanssen og Alexandur Johansen hegn­isliga spældu HB-mið­ vøllin tunnan. Tá Slavisa Kaplanovic síðani sendi innlegg móti HB-málinum, misskiltu Rasmus Nolsøe og Maryn Dawid hvønn­ann­ an, og so hevði Obi púrsta tóm mál at rulla bóltin í. Eitt var, at HB við hesum gjørdi útgangsstøðið undan dystinum verri. Annað var, at teir nærum løgdu upp til Skála at spæla júst spælið, sum teir orangjulittu hava verið so dugnaligir til sein­­ astu umførini. Nevnliga at halda mótstøðuni frá møgu­ leikum, fyri síðani at kontra við fullari ferð. Á ein hátt eydnaðist hetta eisini hjá Skála. Tí restina av fyrra hálvleiki hevði HB sum so ikki teir stóru møgu­ leikarnar. Men hóast skurð­ urin soleiðis eydnaðist, so doyði sjúklingurin, tí burtur úr ongum fingu vertirnir kortini tvey mál. Tað fyrsta var av teimum heilt óneyðugu, tá Milic Curcic framdi eina deyðs­ synd við at dribla í verju­ støðu. Royndin miseydnað­ ist, og so setti Tór-Ingar fulla ferð á, áðrenn hann fann ein blankan Rógva Ja­cobsen. Seinnu ferðina var talan um fríspark, sum serfrøðingurin á økinum – Rasmus Nolsøe – tók sær av. Hann hevði havt eina roynd í múrin undan hesum, men hesa ferð smoygdi bólt­ urin sær onkursvegna útum múrin, áðrenn flata skotið fann meskarnar við nærm­ ara stólpan. Merkt av villum Eingin ivi er um, at frí­ sparks­málið beint undan steðg­inum gav HB betri frið at spæla. Hóast tað tók sína tíð, áðrenn teir avgjørdu tingini eftir steðgin, so høvdu meistararnir fyri tað nógva fult tamarhald á støð­ uni. Skála royndi í einstøkum førum at liggja framvið, men tað tóktist, sum var sein­asti neyvleikin ikki til staðar. HB hótti hinvegin nakrar ferðir, og millum ann­að prógvaði Christian Høgni Jacobsen, at hann ikki hevur fingið marginal­ arnar við sær til høvuðs­stað­ in. Hesa ferð tá hann frekt royndi seg úr spískum, men bólturin tók undirsíðun av tvørtrænum. Men við einum dundur­ skoti frá Jákupi á Borg tóktist HB fáa málið, sum avgjørdi dystin. Obi svaraði tó aftur fyri Skála, men spenn­ingurin helt sær tó ikki serliga leingi. Aftur fekk Rasmus Nolsøe mál við frísparki, og hesa ferð var eingin ivi um, at Hans Jørgensen átti at hildið bólti­ num. Og tá Skála verjan bara minuttin eftir heil­kiks­ aði rangstøðufelluna, kundi Jákup á Borg seta punktum fyri málskjótingini. Ein málskjóting, sum gaman í kastaði sjey mál av sær, men har í øllum førum fýra – og kanska fimm – mugu roknast sum stórar verju- og málverjavillur. Sveiggini kosta Fyri Skála merkti tapið, sum var teirra næsta á rað, at teir mest sum hava for­ spilt sær møguleikan at vinna upp móti heiðurs­ merkj­astríðnum. Niðurflyt­ ing­ar­vandin varð fingin nak­að burtur við mongu stig­unum, sum teir savnaðu frá fimta til níggjunda umfar, men meira enn eitt pláss miðskeiðis á stiga­talv­ uni tykist talan nú ikki ger­ ast um. Og undir øllum umførum man tað geva nakað at hugsa um, at teir hesa ferð lótu fimm mál fara ígjøg­ num. Seinastu seks umførini eru annars bert tvey av slag­ num farin inn. Hjá HB var talan »enn einaferð« um uppreisn. So er spurningurin, hvørt teir hesa ferð megna at halda støðinum. Gera teir tað, so eru tey fimm stigini upp til oddin ikki meira, enn gott er. Men skulu meistararnir vinna seg upp, skulu avrik­ ini altso vera nógv meira støðug. Obi fekk síni fyrstu Formula-mál í Skála-troyggjuni, men tað hjálpti lítið hjá Skála, sum tapti 5-2 fyri HB Mynd: Álvur Haraldsen HB-Skála 5-2 (2-1): Skálaverjan skrædnaði Skála HB 26