hósdagur 3. mai 2007síða 16

16 Nr. 85 - 3. mai 2007 nøvn Týsdagin 1. mai læt nýggi handilin ”FiX´t” upp við Norðskála. FiX´t er ein handil, ið selur undirklæði og prýði til konufólk sum t.d. háls­ bond og hárprýði. Tað eru Elin Vang á Oyrarbakka og Oddvør Ottosen í Haldórsvík, sum eiga og reka handilin. Elin og Oddvør hava báðar arbeitt í matvøruhandli, og nú vildu tær royna okkurt nýtt. Tær hava sæð tørvin á ein­ um slíkum handli í økinum, og rokna við at “FiX´t” verður væl móttikin. “FiX´t” er í hølum, har sum handilin ”Stanley” var áður. Handilin er opin soleiðis: mánadag til fríggjadag frá kl. 10­17.30 og leygardag frá kl. 10­14. mg Fiksur handil við Norðskála Oddvør Ottosen og Elin Vang eiga og reka handilin FiX´t við Norðskála Mynd: Rólant Waag Dam Mikudagin 2. mai var almenn móttøka á Bryggju­ bakka 12 í Havn í sambandi við at Elin Heinesen er sett sum stjóri á samanløgdu stovnunum Ferðaráð Føroya og Menningarstovuni. Sam­ anlagdi stovnurin hevur fingið navnið “SamVit” Stjóri á “SamVit” er Elin Heinesen. Hon er 48 ára gomul og úr Havn. Elin er cand. mag. við høvuðsgrein í ‘æstetik og kultur’ og hjágrein í “norðurlendskum máli og bókmentum” Harumframt hevur hon tikið filmshandrit­ høvundatbúgving á (Den Danske Filmskole) og fram­ haldsútbúgving í vinnu­ lívsbúskapi á (Copenhagen Business School). Elin hevur búð í Keyp­ mannahavn í 23 ár, har hon hevur havt fleiri avbjóðandi størv. Tá Elin søkti starvið sum stjóri á samanlagda stovninum, sat hon í starvi í Danmark sum blaðstjóri fyri eitt av mest lisnu for­ brúkarabløðum – KIWI magazine. Tað var Bjarni Djurholm, landsstýrismaður í vinnu­ málum, sum avdúkaði nýggja navnið hjá saman­ lagda stovninum: “SamVit”. Navnið skuldi vera stutt og greitt og lætt at siga og hoyra. Tað skal kunna úttal­ ast av útlendingum og lýsa endamálið við stovninum. • Vit hava meira frá móttøkuni fyrst í komandi viku. mg Samanlagdi stovnurin Í sambandi við eina fram­ sýning sum verður á ólavsøku í ár, í gamla realskúlanum í Havn, leitar Jórunn Dáni­ alsdóttir eftir myndum av lærarum og mæmingum í “Færøernes Mellem­ og Realskole” í tíðarskeiðnum 1916 til 1966. Jórunn heitir á tey, sum eiga myndir frá hesum tíðar­ skeiði, um at ringja til sín á tel. 316024 ella 226024. Adressan er Sílagøta 3, FO­ 100 Tórshavn. Myndirnar kunnu eisini latast inn (navn­ merktar) í Wrangler Shop í N. Finsensgøtu 23 (tel. 314710). Jórunn sigur, at arbeiði hevur gingið væl, men enn vanta nógvar myndir. Tíðar­ freistin er sett til 10. juni, og Jórunn heitir á fólk um at koma við myndunum skjótast til ber. Í dag hava vit hesa mynd­ ina av næmingum í 4. millum­ skúlaflokki í 1938. Aftasta rað f.v.: Karin Wellejus (g. Heik, býr í Kansas USA), Margit Lava Hansen (g. Hildebrand), Gudrun Djurhuus (g. Rubeksen), Lisa Eystberg (g. Michelsen), Guðlaug Helmsdal (g. Rayer) og Solveig Lava Hansen (g. Hildebrand). Triðja rað f.v.: Ásla Pálls­ dóttir Hansen (g. Joensen), Ester Rein (g. Williamson, býr í London), Leivur Andreassen, Aksel Juul (sonur apotekaran), Evald Fuglø, Hans Hansen (hjá Poul Hansen), Árni Olsen (sálarlæknin) og Erik Juul (sonur apotekaran). Annað rað f.v.: Paulina (Minna) Michelsen, Mary Wikkelsøe (hálvdonsk), Ingrid Olsen (g. Olsen), Solveig Joensen (g. Dam), Poul Sørensen (sonur Zach­ arias Sørensen) og Richard Long, lærari. Fremsta rað f.v.: Christian Haraldsen (Bassi), Trúgvi Árting, Petur Christiansen, Sverri Hansen (Trónd), Petur F. Christiansen og William Sloan Um onkur hevur okkurt at viðmerkja í samband við hesa myndina, er viðkomandi vælkomin at kontakta Jórunn. Myndaeigari: Solveig Dam Færøernes Mellem- og Realskole: Fjórði millumskúlaflokkur í 1938 Eftirlýsing Ì sambandi við at Jórunn Dánialsdóttir savnar myndir av lærarum og mæmingum í “Færøernes Mellem­ og Realskole” í tíðarskeiðnum 1916 til 1966, sóknast hon eftir myndasøvnum hjá lærarunum Richardi Long og Jógvani við Ánna. Hesi myndasøvn eru lánt út, og eingin veit hvør hevur tey. Í hesum søvnum eru myndir av næmingunum, sum teir vóru lærarar hjá. Tey sum vita um hesi myndasøvn, verða vinarliga biðin um at seta seg í samband við Jórunn Dánialsdóttir á tel. 316024 ella 226024. Meira um handlar Í komandi viku hava vit meira um nýggjar handlar við Skálafjørðin. Elin Heinesen er stjóri á SamVit Mynd: Jens Kristian Vang