mikudagur 23. mai 2007síða 8

8 Nr. 97 - 23. mai 2007 Stutt Sagt Óvæntað tekin um vatn Eitt amerikanskt kanning­ arakfar hevur funnið nýggj tekin um, at rennandi vatn hevur verið á gongustjørnuni Mars eina ferð í tíðini. Kanningarakfarið, sum eitur Spirit, hevur funnið til­ far við so nógvum silicium­ dioxidi, at tað kann bara koma frá vatni, siga gransk­ ararnir hjá NASA. Gransk­ ararnir siga, at teir eru ovfarnir av tí, sum Spirit hevur funnið, tí higartil er tað bara eitt annað kanning­ arakfar, Opportunity, sum hevur funnið tekin um vatn á Mars. Men granskararnir eru samstundis fegnir um, at teir nú kanska kunnu vænta sær fleiri óvæntað úrslit frá báðum kanningar­ akførunum. Umrøddu brúgv Tá Anders Fogh Rasmussen, forsætisráðharri, var í Ber­ lin mánadagin og tingaðist við Angelu Merkel, kansl­ ara, umrøddu tey millum annað tað ætlaðu Femern­ brúnna millum Danmark og Týskland. Brúgvin, sum verður 19 kilometrar long, er mett at fara at kosta umleið 40 mia. krónur, men danir og týskarar ætla, at ES skal rinda 30 prosent av kostnaðinum. Á fundi­ num í Berlin samdust teir báðir leiðararnir um at skunda undir málið, so ES kann fáa eina umsókn um stuðul í summar. Hava tað gott Tað búgva umleið 2,5 mió. muslimar í USA, og hóast teir eru lutfalsliga færri har enn í Vesturevropa, kenna teir seg tættari knýttar at samfelagnum, enn teirra trúarfelagar í Vesturevropa gera. Í einari kanning siga 47 prosent av teimum amerikonsku muslimunum, at teir kenna seg fyrst og fremst sum muslimar og síðani sum amerikanarar. Sama kanning vísir, at í 81 prosent av muslimunum í Bretlandi kenna seg fyrst og fremst sum muslimar og síðani sum bretar. Teir amerikonsku muslimarnir klára seg eisini munandi betur fíggjarliga enn mus­ limarnir í Vesturevropa. SAMBAND árNi joeNSeN fArtekSt@MAil.Dk – Onkrir flokslimir vildu heldur havt eina stjórn til vinstru, men eg vænti mær gott samstarv (Ingibjörg Sólrún Gísladóttir) útlond Tólv ráðharrar hjá Sjálfstæðisflokkinum og Samfylkingini skulu stjórna Íslandi næstu árini Fyrrapartin var Geir H. Haarde, forsætisráðharri, á Bessastøðum og kunnaði Ólaf Ragnar Grímsson, forseta um, at Sjálfstæðis­ flokkurin og Samfylkingin vóru samdir um at skipa nýggja stjórn. Seinni skip­ aðu flokkarnir fyri tíðinda­ fundi, har teir greiddu frá tí, sum teir hava sett sær fyri at fremja tey næstu árini. Semjan um at skipa stjórn fekst endaliga í lag í gjár, tá teir báðir flokkarnir á innan­ hýsis fundum góðkendu orðalagið í samgonguskjali­ num og málsøkjabýtið. Semja var um, at nýggja stjórnin skal hava tólv ráð­ harrar, soleiðis at teir fáa seks í part. Tað hevur mill­ um annað kravt, at summi málsøki verða løgd saman og broytt. Eitt nú er land­ búnaðurin lagdur afturat fiskivinnumálum. Ivi um ráðharrar Tað var longu frá byrjanini greitt, at Geir H. Haarde úr Sjálfstæðisflokkinum skuldi halda fram sum for­ sætisráðharri, og ráðharra­ listin fyrrapartin vísti eisini, at fimm av ráðharrunum hjá Sjálfstæðisflokkinum eru teir somu sum í undan­ farnu stjórnini. Tað merkir millum annað, at Árni M. Mathiesen heldur fram sum fíggjarmálaráðharri, og at Einar K. Guðfinnsson held­ ur fram sum fiskimálaráð­ harri. Tann einasti ráðharrin hjá Sjálfstæðisflokkinum, sum ikki heldur fram, er Sturla Böðvarsson. Hann hevur fingið tilboð um embætið sum altingsformaður ístaðin fyri, men sambært íslendsku fjølmiðlunum er hann als ikki nøgdur við tað, og at tað er ikki vist, at seinasta orðið er sagt í tí málinum. Ráðharralistin hjá Sam­ fylkingini var hinvegin klár­ ur beinanvegin. Týdningar­ mesta málsøkið hjá flokki­ num eru uttanríkismál, og tey skal floksformaðurin, Ingibjörg Sólrún Gísladóttir, umsita. Sostatt hevur Ísland framvegis eina kvinnu sum uttanríkisráðharra. Av teimum tólv ráðharru­ num í nýggju stjórnini eru fýra kvinnur, og av teimum eigur Samfylkingin tríggj­ ar. Vísindafólk halda, at coelacanth-fiskurin hevur framvegis somu útsjónd sum fyri 400 mió. árum síðani Í mong ár hildu vísindafólk, at coelacanth­fiskurin var útdeyður, men í 1938 bleiv ein veiddur úti fyri eystur­ afrikonsku strondini. Fjúrt­ an ár seinni fingu menn ein afturat, og síðani eru fleiri veiddir úti fyri eysturafri­ konsku strondini. Síðani 1998 eru nakrir av hesum fiskunum veiddir við indonesisku oynna Sula­ wesi. Síðsta vikuskiftið vóru Justinus Lahama og sonurin farnir at draga gørn norðan fyri oynna, og í ein­ um garni fingu teir ein coelacanth­fisk. Teir hildu fiskinum livandi og sleptu honum í eina byrging í havn­ ini, men 17 tímar seinni doyði fiskurin. Hann toldi ikki tann heita sjógvin. Fisk­ urin var 130 centimetrar langur og vigaði 100 pund. Justinus Lahama við tí sjáldsama fiskinum Ísland nýggja samgongustjórn Ein sjáldsamur fiskur Geir H. Haarde heldur fram sum forsætisráðharri Ingibjörg Sólrún Gisladóttir er nýggjur uttanríkisráðharri