leygardagur 24. mars 2001síða 3

Pengarnir hjá Kirkju- ráðnum á Eiði eru uppi, men framvegis manglar umleið ein millión krónur í at gera umvælingarnar í kirkjuni lidnar KIRKJA Eyðun Klakstein Eiði: Arbeiðið var uppruna- liga mett til at kosta millum hálva og eina millión krón- ur, men higartil hevur tað kostað eina millión, og tað restar framvegis líka nógv í, áðrenn arbeiðið er liðugt. Hetta er støðan í kirkjuni á Eiði, sum hevur verið stongd í eitt ár, meðan stóru umvælingarnar hava verið í gongd. Kirkjan á Eiði er 120 ára gomul, og tí eru treytir fyri, hvussu umvælingar skulu gerast. Millum annað var tað eitt krav, at gamla til- farið í gamla gólvinum í kirkjuni skuldi brúkast saman við tí nýggja. Nú gólvið er pussað vísir tað seg, at gamli parturin av gólvinum kann ikki brúkast og má skiftast seinni. Pengarnir uppi Stóra arbeiðið, sum er eftir at gera, er at mála kirkju- skipið og gera ein kórvegg í stand. Saman við øðrum arbeið- ið kemur upphæddin, sum krevst fyri at gera ætlaða umvælingararbeiðið liðugt, helst upp á eina millión krónur. – Vit hava brúkt allar okkara pengar til hetta ar- beiðið, og vit eiga ikki fyri tað, sum er eftir at gera, sigur Hans Edvard Høg- hamar, formaður í Kirkju- ráðnum á Eiði. – Vit høvdu vónað at sloppið í kirkjuna aftur á páskum og havt konfirma- tiónirnar har, men tað fer ikki at eydnast. Um máli- arbeiðið verður gjørt bein- anvegin, sleppa vit kanska í kirkjuna aftur hálvan mai, sigur hann. Men til tað krevst, at pengar verða funnir til arbeiðið. Í komandi viku skal fundur verða Føroya Stifts- stjórn um eina loysn av fíggjarliga partinum, so kirkjan kann umvælast liðug og latast uppaftur. Meðan kirkjan hevur ver- ið stongd, hava fólk á Eiði brúkt missiónshúsið í bygd- ini. Klaksvík: Hóskvøldið um hálvgum seks tíðina vóru boð eftir sløkkiliðnum í Klaksvík. Orsøkin var, at eldur var í køkinum í einum sethúsum við Stoksoyrarvegin. Tað vísti seg, at eldur var komin í ruskspanninum undir borðinum í køkinum, men talan var ikki um álv- arsaman eld. Ruskspannin var tikin út úr húsunum, og so var søgan um eldin av. Hinvegin hevði eldurin sett hol á vatnslangurnar undir borðinum, og vatn- lekin gjørdi nakað av skaða. Sløkkiliðið hevur tól til at taka vatn upp við, og tað varð brúkt í húsunum. Í ruskspannini vóru onkrir kemiskir løgir, sum eru illgruna fyri at verða orsøkin til eldin. ek Mangla pengar til kirkjuna á Eiði Eldur í ruskspann Gólvið í Eiðis Kirkju hevur volt kirkmyndugleikunum høvuðbrýggj Mynd: Edvard Joensen Góður fiskiskapur og góðir fiskaprísir eru grundarlagið undir góða úrslitinum hjá Norðoya Sparikassa, sum farna ár hevði 19,3 milliónir í avlopi áðrenn skatt ROKNSKAPUR Eyðun Klakstein Klaksvík: Í gjár kundi Eyðfinn Reyðberg leggja sín fyrsta roknskap sum stjóri í Norðoya Sparikassa fram. – Vit eru heilt væl nøgd við úrslitið. Fyrra hálvár høvdu vit 4,3 mió. í avlopi, men seinna hálvár royndist munandi betri, sigur Eyð- finn Reyðberg. Norðoya Sparikassi hevði 19,3 milliónir í av- lopi áðrenn skatt, men tá landið hevði fingið sín part, vóru 15,7 milliónir eftir í sparikassanum. Hetta úrslitið er nakað tað sama sum í fjør, men áðrenn skatt var úrslitið í ár næstan hálvaaðru millión betri. Fiskvinnan avgerandi Tað eru serliga norðoyingar og fólk í Lorvík, sum eru viðskiftafólk í Norðoya Sparikassa, og hetta er eitt økið, sum er sera tætt tengt at fiskivinnuni – bæði á landi og sjógvi. At fiskivinnan hevur havt tað gott seinastu tíðina merkist aftur hjá Norðoya Sparikassa. – Stórur partur av okkara kundum fáa sína løn í framleiðsluvinnuni, og tí er gongdin hjá okkum tengd at hesi vinnu. Tað er uppá gott og ilt, og í løtuni kenna vit tað frá tí góðu síðuni, sigur Eyðfinn Reyðberg, stjóri. Góðu tíðirnar hava eisini havt við sær, at fólk hava sett fleiri pengar í spari- kassan. Innlánini vuksu við 100 milliónum krónum seinasta ár. Balansin hjá Norðoya Sparikassa var fyri fyrstu ferð omanfyri milliardina og vendi, so sparikassin veksur. Lutvíst færri útlán Hóast Norðoya Sparikassi hevur fingið fleiri pengar í kassan, hevur stovnurin ikki vaksið eins nógv um útlánini. Í 1999 vuksu útlánini við 100 milliónum krónum, meðan vøksturin í ár bert er góðar 20 milli- ónir. – Vit broyta ikki útláns- politikk frá einum ári til annað, men vit halda tað er hóskandi, at útlánini eru millum 80 og 90 prosent av innlánunum, sigur Eyðfinn Reyðberg. Við árslok vóru útlánini 88,5 prosent av innlánun- um. Í 1999 vóru tey 96 prosent. – Tað eru fleiri pengar at vinna við at lána pengar út heldur enn at seta teir í virðisbrøv, men tað er sjálvandi eisini ein størri vági og kostnaður við at lána út, sigur Eyðfinn Reyðberg, sum fegnast um, at sparikassin í ár hevði kursvinning upp á tvær milliónir av síni lánsbrøv- um. Tænasta í topp Síðani 1994 eru vinnuligi útlánini hjá Norðoya Spari- kassa farin frá ongum og upp í 27 prosent í fjør. – Privatkundin hevur altíð verið høvuðsgrund- arlagið undir Norðoya Sparikassa, og soleiðis verður tað eisini framyvir. Tað er tó sannlíkt, at vit fara at vaksa nakað um vinnuligu lánini komandi árini, sigur Eyðfinn Reyð- berg. Norðoya Sparikassi rokn- ar við einum betri úrsliti fyri 2001. – Vit eru væl nøgd við úrslitið í ár, men vit skulu sjálvandi miðja eftir einum betri úrsliti. Men ein fíggj- arligur málsetningur er lítið verdur, um tað ikki veruliga verður gjørt nakað fyri at náa honum. – Lykilin til betri úrslit eru fleiri og betri nøgdir kundar. Tí skal tænastan og ráðgevingin verða so góð sum á nakran hátt gjørligt, sigur Eyðfinn Reyðberg. Í gjárkvøldið hevði Norðoya Sparikassa stóran ábyrgdarafund í KÍ-høllini í Klaksvík, og har slapp nýggi stjórin at greiða frá gongdini farna árið. Norðoya Sparikassi stórt avlop – Lykilin til betri úrslit eru fleiri og betri nøgdir kundar. Tí skal tænastan og ráðgevingin verða so góð sum á nakran hátt gjørligt, sigur sparikassastjórin í Klaksvik Mynd: Eyðun Klakstein – Privatkundin hevur altíð verið høvuðsgrundarlagið undir Norðoya Sparikassa, og soleiðis verður tað eisini framyvir. Tað er tó sannlíkt, at vit fara at vaksa nakað um vinnuligu lánini komandi árini, sigur Eyðfinn Reyðberg, stjóri í Norðoya Sparikassa Mynd: Eyðun Klakstein Nr. 59 - 24. mars 2001 5 4 Nr. 59 - 24. mars 2001 gult cyan magenta svart NÝTT FRÁ TRIUMPH! Esclave bh fæst í A,B og C skál einans 258,- Náttkjólar og pyamas í bumull við stuttum ella ongum ermum Prísur frá 268,- Esclave trussur einans 128,- Sosialurin 311820 Undirtroyggjur í bumull 118,- Undirtroyggjur í 50% bumull 50% micro-model 130,- og 158,- fæst eisini í ull