týsdagur 5. juni 2007síða 6

6 tíðindi Nr. 105 - 5. juni 2007 3% færri um floghavnina Fyri fyrstu ferð í 14 mánaðar er ferðafólkatalið minni enn sama mánaði árið frammanundan. Í mai í ár eru 19.333 ferðafólk farin og komin um floghavnina. Hetta er 3,2% færri enn í mai í fjør, tá talið var 19.975, skrivar stendur at lesa á heimasíðuni hjá Flogvøllinum. Í mai hevur verið afturgongd á øllum farleiðum uttan til Danmarkar, har ein lítil vøkstur hevur verið uppá 1,4%. Á Noregsleiðini hevur afturgongdin verið 46,6%, Íslandsleiðini 26,6%. Stórabretland hevur havt sama ferðafólkatal. Fólkaskúlaráð til verka Fólkaskúlaráðið hevur leingi verið óvirkið, men í broyt­ ingaruppskotinum til fólkaskúlalógina, sum varð samtykt fríggjadagin, varð álagt landsstýrismanninum at fáa ráðið at virka aftur. – Fólkaskúlaráðið verður sett aftur sum skjótast. Hvørji skulu sita í tí, fara vit at viðgera nærri, segði Jógvan á Lakjuni, landsstýrismaður í skúlamálum, sambært heima­ síðuni hjá Lærarafelagnum, undir aðru viðgerð av broyt­ ingaruppskotinum. Í grein 58 í fólkaskúlalógini stendur, at landsstýrismaðurin setur eitt fólkaskúlaráð. Fólkaskúlaráðið gevur landsstýrismanninum ráð í øllum málum um fólkaskúlan. Jan Christiansen, bý­ráðslimur í Havn, held­ur tað vera pú­ra burturvið, at Heð­ in Mortensen og Ed­mund­ Joensen hava samstarvað um ný­tt tinghú­s, uttan at bý­ráðið hevur verið kunnað um málið yvirhøvur Politikkur Rigmor Dam rigmor@sosialurin.fo Hóast Jan Christiansen fegn­ ast um fagra veðrið í morg­ un, er hann ikki sørt skakað­ ur av tíðindunum um nýtt tinghús, sum býráðið varð kunnað um fríggjakvøldið. ­ Ongin býráðslimur hev­ ur verið kunnaður um hesa risa verkætlan. Her er talan um skuggaspæl hjá Heðini Mortensen, og tað kann ik­ ki vera rætt í einum demo­ kratiskum samfelag, sigur Jan Christiansen, sum umframt at vera umboð fyri Fólkaflokkin í Tórshavnar Kommunu, eisini er 2. vara­ borgarstjóri og fyrrverandi borgarstjóri í Havn. Hann greiðir frá, at býráð­ ið fyrstu ferð varð kunnað um málið fríggjakvøldið, tá býráðslimir í skundi vórðu innkallaðir til fundar, tá løg­ tingið eisini varð kunnað á fyrsta sinni. Talan er um ætlanirnar hjá Edmundi Joensen, tingformanni, og Heðin Mortensen, borgar­ stjóra í Havn, um at Tórs­ havnar Kommuna skal key­ pa verandi tinghús við umsi­ tingarbygningi, og at tingið so skal byggja nýtt niðri á Eystaru Vág. Sambært Heð­ in Mortensen, kundi býráð­ ið keypt fyri 80 milliónir, og nýtt tinghús kemur at kosta landinum 122 millión­ ir. Kommunan byggja ­ Her eru fleiri ting, sum bara eru so langt úti, at tað finnast ikki orð fyri tí, sigur Jan Christiansen við Sosial­ in. Og hann greiðir frá, at í fyrsta umfari kann hann als ikki góðtaka, at býráðið ikki hevur verið við í arbeið­ inum frá fyrstu tíð, umframt at hann heldur tað vera burt­ ur úr vón og viti at leggja Eystaru Vág undir heilt. ­ Hetta málið fær ikki undirtøku í býráðnum. Tað kann eg leggja høvdið á blokkin uppá, sigur Jan Christiansen. Hann heldur eisini, at tað er burturvið, at løgtingshúsið enn ikki er liðugt umvælt, so finnur formansskapurin útav, at tað er óegnað. ­ Og so at rokna við, at kommunan bara kann key­ pa tað fyri einar 100 milli­ ónir. Men tað er kortini lætt at skilja, at Edmund Joensen vendir seg til kom­ mununa, tí hon hevur keypt ognir upp púra vilt seinasta árini. Til dømis Degns Hús fyri 5 milliónir, sum nú vera sett í stand fyri 1,5 milliónir. Nógvir borgarar venda sær til kommununa um at keypa bygningar, tí hon hevur lagt eitt so høgt støði, sigur Jan Christiansen. Spurdur um tað ikki er til­ trongt at umsitingin verður savnað á einum stað, sigur hann tað vera rætt. ­ Men tað hevði verið meira hóskandi, at kommu­ nan byggir okkurt nýtt sjálv. Okkurt, sum tekur støði í tørvinum hjá kommununi og verður bygt til endamál­ ið. Tign valdast Tað hevur verið ført fram, at landið hevur tørv á einum tignarligum tinghúsi. Hvat heldur Jan Christiansen um tað? ­ Tignarligt og tingnarligt, tað valdast. Heldur áttu fólk at lært av 80’inum. Heðin Mortensen hevur skaltað og valtað við pengunum hjá skattaborgarunum í fleiri ár nú, men eg helt, at Edmund hevði meira skil enn hetta. Formenn í skuggas Tekningin av nýggja tinghúsinum, sum Palli Gregoriussen hevur teknað: Bygningurin verður á Eystaru Vág og sjálvur tingsalurin á Bursatanga. Vestantil verður eitt framhald av Áarvegnum einar 100 metrar út á Bursatanga. Bygningurin er í trimum hæddum, har stór framsýningarhøll verður á veghæddini, og parkeringskjallari við 52 básum. Ein løtt stálbrúgv verður av Bursatanga og yvir í túnið hjá Skibssteds pakkhús. Á sjálvum Bursatanga skal eitt stórt listaverk standa. Inni í salinum er ætlanin, at tinglimirnir sita í einum hálvsirkli í trimum hæddum. Íblásturin til hetta kemur úr gamla Grikkalandi. Heðin Mortensen hevur skaltað og valtað við pengunum hjá skattaborgarunum í fleiri ár nú, men eg helt, at Edmund hevði meira skil enn hetta. Og hetta projektið kemur ikki at kosta 122 milliónir, tað sær ein og hvør við einum hálvum eyga. Tað kemur nærri at kosta minst 200 milliónir, sigur Jan Christiansen.