fríggjadagur 8. juni 2007síða 8

8 tíðindi Nr. 108 - 8. juni 2007 Fleiri og fleiri ser­ frøð­ingar mæla føroy­ingum til at ogna sær partabrøv í Føroy­a Banka. Við­ frá­boð­að­a kursinum metir Jan Otto Holm, íløgustjóri í Kaup­ thing Bank, at ein íløga í Føroy­a Banka kann gerast lønandi PARTABRØV Leo Poulsen leo@sosialurin.fo Spurnartekin hevur verið sett við, um kursurin fyri partabrøvini í Føroya Banka er ov lágur í mun til virðið og vinningsmøguleikarnar hjá bankanum. Svenski Handelsbanken, sum hevur verið ráðgevi hjá Fíggingar­ grunninum frá 1992 hevur ásett kursin til millum 162 og 189, og hetta er gjørt út frá einari meting av mark­ naðaráhuganum, og kursin­ um á líknandi fyritøkum. Áhugin millum íleggjarar tykist ógvuliga stórur fyri partabrøvunum í Føroya Banka, og sambært óheftum serfrøðingum verður rátt fólki til, at ogna sær lut í bankanum, tí nógv bendir í løtuni á, at hetta er ein góð­ ur handil. Danski serfrøðingurin Bjarne Jensen mælti í útvarpinum fyrr í vikuni fól­ ki til, at keypa partabrøv í føroyska bankanum, og nú ger Kaupthing Bank tað sama. ­ Út frá teirri meting, at bankin megnar ta renting av eginognini, sum hann hevur sett sær fyri, liggur kursurin neyvt á ovara setta virðinum, tað vil siga á 190, sigur Jan Otto Holm, íløgu­ stjóri hjá Kaupthing Bank. Júst rentingin av eginognini er altavgerandi fyri kurs­ gongdina tá Føroya Banki er skrásettur. Úrslitið fyri fyrsta árs­ fjórðing í ár vísir eitt væl betri úrslit enn fyri sama tíð­ arskeið í fjør. Og tað er á sín hátt áhugavert, tí gerst rentingin av eginognini tann sama í 2007 sum í 2006 hevði tað bent á ein kurs omanfyri 200, heilt nágreiniligt 223. ­ Hetta úrslitið skal tó tak­ ast við einum ávísum fyri­ varni, tí ein munandi partur av góða 2006 úrslitinum stavar frá afturføringum av burturleggingum. Tað merk­ ir, at úrslitið í ár í størri mun skal fáast til vega við vanligum virksemi, sigur Jan Otto Holm. Sunnur marknaður Alt bendir á ein sera stóran áhuga fyri partabrøvunum í Føroya Banka, og tí bendir eisini nógv á, at talan verður um eina yvirtekning. Hetta fer so aftur at merkja, at kursurin fer at liggja í ovara enda av tí fráboðaða, tað vil siga helst uppi á 189. Men verður talan um yvir­ tekning merkir tað eisini, at tað helst verða fleiri áhugað, sum ikki fá nøkur partabrøv, og tí er hugsandi, at hesi fara á marknaðin at keypa, eftir at tekningin er av. Og tað fer alt annað líka at trýs­ ta kursin upp soleiðis, at tey, sum fáa fatur á nøkrum partabrøvum til kurs 189, fáar dagar seinni kunnu sel­ ja aftur til ein munandi hæg­ ri kurs. Tey kunnu altso gera ein skjótan og góðan handil. Nú eru nakrir danskir íleggjarabankar, sum ávara móti partabrøvum, og summir mæla beinleiðis til at partabrævaeigarar sleppa sær av við síni donsku parta­ brøv. Men Jan Otto Holm metir, at enn er ov tíðliga at geva hesi boð. ­ Tað fer neyvan at ávirka søluna av partabrøvum í Føroya Banka. Møguliga kann hugsast, at hetta fer at føra til eitt ávíst varni mill­ um danskar íleggjarar at keypa partabrøv, men mark­ naðurin er í løtuni sunnur, og tær hækkingar, vit síggja í kursunum, eru í stóran mun tengdar at øktum vinn­ ingi hjá respektivu fyritøku­ num, sigur íløgustjórin hjá Kaupthing Bank. Partabrævakursir hava verið í einari støðugari hækkan seinastu longu tíð­ ina. Eitt »dykk« var í kurs­ unum síðst í februar, men hetta hevur marknaðurin rættað upp aftur, og tey sveiggj, sum síggjast í kurs­ unum, er fyri tað mesta tað, sum á fakmálinum verður nevnt fyri korrektiónir. Kursurin á partabrøvunum í Føroya Banka er sum nevnt settur til millum 162 og 189. Tað merkir, at hann ikki í samband við tekning­ ina kann fara upp um 189. Og hetta merkir so aftur, at alt bendir á, at keyp av partabrøvum í Føroya Ban­ ka er ein góð íløga. Mæla til at keypa parta­ brøv í Føroya Banka AP lækk­ ar á børs­ inum Kursurin á­ partabrøvum í Atlantic Petrolium lækkað­i heili 15%, tá­ børsurin læt upp í morgun PARTABRØV Leo Poulsen leo@sosialurin.fo Føroyska oljufelagið Atlantic Petrolium boð­ aði í gjár frá, at teir gevast við eini royndarboring í Norðsjónum. Hetta er helst orsøkin til, at kurs­ urin á partabrøvunum í morgun lækkaði 15%, tá børsurin læt upp. Seinni stabiliseraði kursurin seg tó, og fór frá 900 upp á 920 fyrrapartin. Talan er sostatt um eina lækking upp á 12,8%. Kursurin á partabrøv­ unum í Atlantic Petrolium hevur tó verið lækkandi í meiri enn eina viku. Týs­ dagin í síðstu viku var kursurin heilt uppi á 1499, meðan hann altso í morgun var komin niður á 920. Við lækkingini í morg­ un svarar samlaða kurs­ fallið seinastu dagarnar til eitt fall upp á 38%. Borgarstjóri í Kjøllefjord Steinbjørn O. Jacobsen, borgarstjóri í Klaksvík, og ment­ anarleiðarin, Dávur Winther, eru umboðaðir á sjómanna­ døgunum í Kjøllefjord í Noregi. Teir fara at kunna um Klaksvík, fiskivinnu, mentan og sjómannadagarnar í Klaksvík. Hetta verður gjørt fyri býráðnum í Kjøllefjord og fyrireikarunum av fiskivinnuráðstevnuni har, umframt fyrireikarum av “Fiskeridagene”, sum tey kalla tað har. Oliver Joensen frá Føroya Sjómannadegi er eisini við í ferðalagnum, og tað sama eru Ólavur Poulsen og John Havn, ið eru ávíkavist heimsmeistari og føroyameistari í egning. Leygardagin fara teir at kappast við norðmenn í egning. Vatn og ljós í Hest Eftir áheitan frá Hestfólki er vatn og ljós nú lagt til flótibrýrnar í bátahylinum í Hesti. Málið varð reist í staðbundnu nevndini fyri Hest og Koltur við áheitan á havnanevndina um at seta pening av til arbeiðið, og hetta er nú gjørt. Á fundi í komandi viku fer Havnanevndin hjá Tórshavnar kommunu at viðgera eitt mál um ábøtur á lendingarviðurskiftini í Koltri. Talan er um eitt rímiliga umfatandi arbeiði, sigur Leivur Hansen, formaður í havnanevndini, sambært heimsíðuni hjá Tórshavnar kommunu. Jan Otto Holm, leiðari, Jákup Petur Bærentsen og Hans Albert Hansen á Kaupthing Markets Mynd: Jens Kristian Vang