Sosialurin 2007-06-13, síða 12 — Tak niður PDF av hesari síðu Stórt myndaskrá

mikudagur 13. juni 2007síða 12

‹ fyrra síða allar 104 síður næsta síða ›

Tekstur á síðuni

12 Nr. 111 - 13. juni 2007 Sosialurin Gevið fótbólts venjarunum rætt SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónsleiðari: Kári Mikkelsen karim@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Birgir Waag Høgnesen birgir@sosialurin.fo Joan Abrahamsen joan@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Rólant Waag Dam rolant@sosialurin.fo Niels Uni Dam nielsuni@sosialurin.fo Leo Poulsen leo@sosialurin.fo Dorit Hansen dorit@sosialurin.fo Eyðun Klakstein eydun@sosialurin.fo Ítróttur: Jákup Mørk jakup@sosialurin.fo Teitur Joensen teitur@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl an ikki er kunnað um bústað og telefonnummar, verða ikki settar í blaðið. Tað er greið tala, sum Kurt Mørkøre hevur í blaðnum í dag. Fyrrverandi landsliðskempan, sum nú virkar sum venjari, vil hava skipað viðurskifti at galda á arbeiðsmarknaðinum hjá fót- bóltsvenjarum. Talan er um sjálvsagdan rætt. At talan er um eina risiko við venjara- setan, hevur einki við spurningin um trygd at gera. Vilja vit hava venjarar, sum veruliga kunnu lyfta støðið á før- oyskum fótbólti, so skulu hesir eisini hava umstøður til tað. Tað vil siga, at teir meira ella minni mugu fáa møguleika at hugsa um fótbólt burt- urav. Men skulu teir tað, so er eisini neyðugt, at fíggjarliga trygdarnetið er til staðar. Spælarar og dómarar hava seinnu árini fingið greiðar reglur um síni rættindi. Enn standa venjararnir tó við ongum í so máta. Kanska tí teir í veruleikanum eru ein somikið veikur bólkur. Við kravinum um útbúgving standa venjararnir tó munandi sterkari í dag, enn teir hava gjørt, og fyri at verja fakliga støðið inn- an yrkið er tí púrasta sjálvsagt, at greiðar treytir verða setta mótvegis arbeiðsgevarunum. Lutfalsliga munnu føroysku feløgini fara at nærkast heimsmetinum, tá talan er um venjarauppsagnir. Og tað er ikki víst, at nýggjar og greiðar spælireglur í sjálvum særn broyta hetta. Men tær kunnu tryggja, at feløgini eisini mugu hugsa um avleið- ingarnar av sínum gerum, tá stigið verður tikið. Kykmyndir: Alvin Ellebye Andersen alvin@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 epost: klaksvik@sosialurin.fo Sosialurin í Suðuroy: tel. 375364 fax 375464 tel. 228814 epost: aki@sosialurin.fo epost: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.0013.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.frí. 816 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadagfríggjadag klokkan 1330 “Gott at Helgi ikki er lækni” stendur sum yvi rskrift yvir eini grein, sum formaðurin í “Ungum fyri Miðflokkin”, Tóri Høj gaard, hevði í bløðunum í farnu viku. Lat meg siga beinan vegin, at eg eri púra samdur við yvirskriftini. Men tíverri byggir Tóri greinina á fleiri misskiljing ar, sum eg tí verði noyddur at rætta. Misskiljing 1 Greinin byrjar við orðu num: “Helgi Abrahamsen roynir í einum lesarabrævi enn einaferð at ræða okkum frá at hugsa tankan, at vit ein dag kunnu gera okkum leysar av blokk stuðlinum.” Hetta er ein stór mis skiljing. Eg stúri als ikki fyri tí degi, tá inntøkurnar, sum vit sjálvi skapa til sam felagið, verða minst líka stórar sum útreiðslurnar. Tvørturímóti, so haldi eg, at vit eiga at gera alt sum vit kunnu, fyri at styrkja um inntøkugrundarlagið undir føroyska samfelag num. Tað sum eg harafturímóti havi ávarað ímóti, er at tveita blokkstuðulin burtur, áðrenn vit hava funnið nakað annað inntøkugrund arlag at seta ístaðin. Misskiljing 2 Tóri sigur seg vera samdan við mær, um at skattabyrð an hevði vaksið munandi, um blokkstuðulin bleiv burtur eftir einum degi, men hann heldur tó, at støð an hevði verið ein onnur, um hetta hendi líðandi yvir eitt longri tíðarskeið. Hetta er eisini ein mis skiljing. Um vit missa blokkstuðulin frá einum degi til annan, ella tað hendir líðandi yvir fleiri ár, tað í sær sjálvum broytir ikki upphæddina, sum vit missa, og sum skattgjaldar in má rinda. Tað einasta sum broytist, er at við eini longri skiftistíð kunnu tit lumpa fólk til at taka undir við loysingini, tí tá síggja tey ikki avleiðingarnar, fyrr enn skaðin er hendur. Misskiljing 3 Tóri sigur víðari: “Helgi vil við lesarabrævi sínum ræða Føroya fólk til at halda, at Miðflokkurin vil hava blokkin at hvørva eftir stutt ari tíð, men hetta er als ikki so”. Her hevur onkur misskilt okkurt, tí í februar hevði Karsten Hansen tíðinda fund, har hann boðaði frá, at hann fór í Miðflokkin, og ein av grundgevingu num var, at Miðflokkurin hevði sama politikk á ríkis rættarliga økinum sum Kar sten sjálvur. Og Karsten hevur mangan sagt, at hann vil hava blokkin burtur “í dag heldur enn í morgin”. Søgan um sjúklingin Tóri brúkar síðani eina mynd av einum sjúklingi, sum er við at koma fyri seg, og tí noyðist læknin at taka tann vanabindandi heilivágin frá honum. Sjúkl ingurin er Føroyar og heili vágurin er blokkstuðulin. Fyri at siga tað sum tað er, so dámar mær ikki at samanbera Føroyar við ein ússaligan sjúkling, sum livir av heilivági, tí eg haldi at vit hava eitt gott land at liva í. Men um eg kortini skal halda fast við myndina hjá Tóra, so eri eg samdur í tí, at tað er altíð rætt at taka heilivágin frá sjúklinginum, tá hann er komin fyri seg. Men sam tíðis vil eg undirstrika, at tað er umráðandi at tryggja, at sjúklingurin veruliga er blivin frískur og kann liva uttan heilivág, áðrenn heilivágurin verður tikin frá honum, tí annars doyr hann. Har er tað, at eg havi víst á, at meðan loysingarflokk arnir fegnast um, at “heili vágurin verður trappaður niður”, so er sjúklingurin als ikki komin á føtur. Heil ivágurin er til fyri at gera sjúklingin frískan, og tí mugu vit ikki rokna við, at sjúklingurin blívur frískur av at missa heilivágin. Tað er munurin millum mína og tykkara uppfatan av blokkstuðlinum. Tóri brúkti yvirskriftina “Gott at Helgi ikki er lækni”. Men eftir at hava lisið hasa samanberingina havi eg hug at siga, at kanska er tað eisini gott, at Tóri heldur ikki er lækni! Gott at Tóri ikki er lækni HELgI ABRAHAMSEN Løgtingið avtikið Føroyar hava havt skipaðar og greiðar mannagongdir við at játta pening til lands húsarhaldið á fíggjarlóg. Fólkavalda løgtingið hev ur hesa heimild og eingin annar, og eingin útreiðsla kann gjaldast uttan heimild á fíggjarlóg ella aðrari játtan arlóg. Í bráðkomnum førum kann farast umvegis fíggjar nevndina eftir eykajáttan um vegis fíggjarnevndarskjal. Játtanarskipanin er rími liga greið hesum við víkjandi. Løgtingið hevur fleiri ferð ir viðgjørt mál um at lækka flutningskostnaðin 2007 hjá Strandfarskipum Landsins, og nógvar hugsanir eru ting manna millum um hesi við urskifti. Eitt málið um at játta 5 mió.kr. til at lækka flutnings kostnaðin 2007 varð sam tykt, meðan fleiri mál um aðrar játtanir vóru feld. Hóast løgtingssamtyktina, so hevur landsstýrismaðurin nú í eitt hálvt ár ligið oman á játtanini. Mánadagin loyvdi eg mær eina grein um tað ótrúliga atgerðarloysi, sum valdaði í fleiri málum í Innlendismála ráðnum, eitt nú hesum við víkjandi, og dagin eftir varð málið lagt fram og viðgjørt á landsstýrisfundi. Útvarpið veit so í dag at siga, at landsstýrið hevur viðgjørt fíggjarlógina 2008 og samtykt at lækka flutn ingskostnaðin fyri 2008. Landsstýrið hevur sostatt tikið sær tær játtanarheimild ir, sum eingin annar enn løg tingið hevur, og hevur sostatt framt eitt álvarsligt inntriv í játtanarskipan lands ins. Áðrenn løgtingið so mikið sum hevur fingið orðið fyri seg og enn minni tikið støðu til at játta peningin, hevur landsstýrið samtykt at gera eitt størri inntriv í komandi fíggjarlóg. Um tað fær nakrar avleið ingar? Neyvan. Lógin um ábyrgd landsstý rismanna hevur verið óvirkin so at siga alt val skeiðið, og við felags sam tyktum á landsstýrisfundum er tann einstaki landsstýris maðurin gjørdur ábyrgdar leysur. Júst tí hættaði landsstýris maðurin í Innlendismálum sær ikki at avgreiða málið, og júst tí varð tað samtykt á landsstýrisfundi, har eingin einstakur landsstýrismaður hevur ábyrgdina. HERgEIR NIELSEN