mánadagur 18. juni 2007síða 9

9 tíðindi Nr. 114 - 18. juni 2007 Friðarlig tjóðhátíð Íslendingar hátíðarhildu í gjár, 17. juni, tann árliga tjóðardagin við einum hópi av tiltøkum kring landið. Tey størstu tiltøkini vóru sum vera man í Reykjavík, og sambært Morgunblaðnum vóru millum 20.000 og 30.000 fólk í miðbýnum har, tá tað almenna hátíðarhaldið endaði í gjárkvøldið. Kortini var hátíðarhaldið friðarligt. Løgreglumenn gingu millum fólkið alla tíðina, men sambært Morgunblaðnum høvdu teir lítið at takast við. Clinton vann 60 mió í fjør Nýggj tøl vísa, at 2006 var eitt sera gott fíggjarár hjá fyrr­ verandi amerikanska forsetanum Bill Clinton. Síðani hann fór úr Hvítu Húsunum, hevur hann livað av at halda fyrilestrar. Og ikki kann sigast annað enn, at hetta er ein gevandi vinnuvegur hjá honum. Mett verður, at Clinton higartil hevur forvunnið umleið 230 milliónir fyri fyriles­ travirksemið sítt. Tølini stava frá fíggjarligari uppgerð yvir privatu viðurskiftini hjá Hillary Clinton, og gevur hon eisini innlit í fíggjarviðurskiftini hjá manni hennara, sigur Wall Street Journal. Stjórin í Landsverk sigur, at enn er ongin avgerð tikin um at longja portalin í Hovstunlinum, men verður tað gjørt, er onki løgið í tí Hovstunnilin Áki Bertholdsen aki@sosialurin.fo ­ Verða broytingar gjørdar í Hovstunlinum, er tað onki løgið í tí. Oyvindur Brimnes, stjóri á Landsverki, heldur ikki, at nakað atfinningarsamt er í tí, at tað nú kemur upp á tal at longja portalin í Hovs­ tunlinum nakrar metrar. Í hinari greinini her á síð­ uni, sæst, at tunnilsfólkið hjá Ístaki halda tað vera meiri enn løgið, at tað knappliga nú, tunnilin er um at vera liðugur, skal stin­ ga seg upp at portalurin skal longjast, tí tað fer at seinka upplatingini einar tríggjar mánaðir. Hetta kundi langt síðani verið gjørt, leggja tey aftur­ at. Men stjórin á Landsverki heldur nakað annað. Fyri tað fyrsta leggur hann dent á, at enn er ongin avgerð tikin um at portalurin skal longjast. Tað einasta, sum er hent, er, at vit hava spurt okkum fyri, hvat tað fer at kosta at longja portalin og, hvussu langa tíð, tað tekur. Og fyri tað annað sigur hann, at verður portalurin longdur, er onki løgið í tí. ­ Í eini bygging henda til­ lagingar og broytingar alla tíðina og tað er onki undar­ ligt. Hann heldur, at hetta er ein slík tillaging. Oyvindur Brimnes vísir eisini á, at tað er ikki átrok­ andi neyðugt at longja port­ alin. Men hann ásannar eisini, at tað hevði verið best at hann varð longdur fyri at sleppa undan at tað ríður oman á vegin, tí fjallið er nakað bratt omanfyri. Men nú er langt síðani, at at portalurin var stoyptur. Skal hann longjast, hví er tað so ikki langt síðani gjørt, so at tað ikki seinkar upplatingini? Men tað dugir Landsverk ikki at svara upp á. Men hann endurtekur, at hann metir at hatta er ein tillag­ ing, sum altíð henda í eini bygging, so hvørt sum tað líður fram á. ­ Tað eru nógvar aðrar til­ lagingar hendar í Hovstun­ linum, so tað er onki undar­ ligt í tí. Annars staðfestir hann eisini, at hetta kemur ikki at seinkað upplatingini nak­ að. Fyri tað fyrsta, tekur tað ikki tríggjar mánaðir at longja portalin. Tað er held­ ur ikki neyðugt at grava asfaltið uppaftur. Fyri tað annað, hevur Landsverk altíð arbeitt við eini tíðarætlan, sum sigur, at tunnilin skal takast í brúk við árslok og tað fer at halda. ­ Helst verður tunnilin lið­ ugur nakað væl fyri tað, so tíðarætlanin heldur. Annars kann viðmerkjast at á heimasíðuni hjá Lands­ verk stendur, at tunnilin skal takast í nýtslu í sum­ mar. Vandi er fyri, at Hovstunnilin verður nógv seinkaður, tí nú umhugsar Landsverk at broyta tunnilsmun­ nan Hovstunnilin Áki Bertholdsen aki@sosialurin.fo ­ Hetta var sum at fáa nevan framman á. Arbeiðsmenninir, sum í løtuni eru í ferð við at legg­ ja síðstu hon á arbeiðið at gera Hovstunnilin lidnan, eru rættiliga ørkymlaðir. Orsøkin er, at nú tunnilin er um at verða liðugur, hev­ ur Landsverk boðað frá, at tað kanska verður neyðugt at stoypa upp í portalurin í tunnilismunnan norðaru­ megin, so at hann verður 10­20 metrar longri. Stjórin hjá Ístaki í Føroy­ um, hevur ongar viðmerk­ ingar til málið yvirhøvur, tí hann sigur, at tað er Lands­ verk, sum umsitur arbeiðið. Men frá arbeiðsfólki í tun­ linum vita vit, at fríggjadag­ in á miðdegi kunnaði leiðs­ lan í Ístaki arbeiðsfólkið um, at 10­20 metrar skulu stoypast upp í tann norðara portalin. Mett verður at hetta fer at seinka tunlinum út ímóti trimum mánaðum. ­ Hetta kemur sera dátt við hjá okkum, tí eftir innan­ hýsis arbeiðsætlanini hjá Ístaki, var ætlanin at tunnil­ in skuldi takast í nýtslu tann 15. juli. ­ Tað er um ein knappan mánað. Men skal portalurin stoyp­ ast longri, verður upplating­ in seinkað einar tríggjar mánaðir. Hjá Ístaki eru tey annars liðug í norðara enda á tun­ linum. Men skal portalurin stoypast longri, skal hann hava eitt fundament at stan­ da á og tí verður neyðugt at taka asfaltið og kaðalar upp aftur, fáa vit at vita frá fólki, sum hevur við tunnilin at gera. Samstundis skal forskall­ ingin setast upp av nýggjum og bara tað er ikki løtuverk, serliga tá ið hugsað verður um, at tey annars hildu seg vera liðug við forskallingina og at hon sostatt liggur nið­ urpakkað í Hovi. Arbeiðsfólkið í tunlinum heldur tað verða ógvuliga løgið, at hetta skal stinga seg upp nú. Tí tað er langt síðani, at portalurin varð gjørdur. Tá ið Portalurin varð gjørdur, skuldi hann verða eina ávísa longd. Men av tí, at tilfarið í fjallinum var so vánaligt, varð neyðugt at flyta hann longur inn í fjall­ ið. Men av tí sama kemur hann ov stutt út úr tunnils­ munnanum og tí er nú upp á tal at stoypa hann longri. Men tey halda, at hetta kundi langt síðani verið gjørt so at tað slapst undan, at tað seinkaði upplating­ ini. ­ Hetta er eitt ógvuliga stórt bakkast fyri allar suð­ uroyingar, sum høvdu glett seg til at sleppa at koyra ígjøgnum tunnilin um ein mánað. ­ Nú mugu teir brynja seg við toli í einar tríggjar mán­ aðir afturat, verður sagt inni úr fjallinum ímillum Øravík og Hov. Hovstunnil helst seinkaður Eftir arbeiðsætlanini hjá Ístaki, skuldi Hovastunnilin tast í brúk tann 15. juli. Men nú umhugsar Landaverk at longja portalin við norðara tunnilsmunnan skal longjast 10-20 metrar. Nógv halda, at tað er løgið, at Landsverk skal vera komin í tankar um tað nú, tí tað er langt síðani, at portalurin varð stoyptur Landsverk: Slíkt hendir alla tíðina