mánadagur 18. juni 2007síða 17

Nr. 114 - 18. juni 2007 Sunndagin kom Roc Amadour á Vág og túrurin gjørdist søguligur, tí kokkurin Martin Gunnarstein hevði gjørt av, at hetta skuldi verða seinasti túrur hansara, eftir at hann hevur siglt síðani 1947. Hinvegin høvdu tveir smádreingir hendan túrin sín fyrsta túr Sjólív Dagfinn Olsen dagfinn@sosialurin.fo Tá Roc Amadour kom á Vág sunnudagin, hevði 74 ára gamli kokkurin Martin Gunnarstein gjørt av, at nú fór hann í land og hetta varð hansara seinasti túrur. Hann hevur verið 60 ár á sjónum og tað eru tey sum halda, at hann er elsti sjó­ maður, sum er mynstraður við føroyskum skipi. Tað var í 1947, at Martin fór sín fyrsta túr. Hann fór tá við Leiti úr Klaksvík. Martin Gunnarstein verður 75 ár tann 25. juli. ­ Eg eri ongantíð givin at sigla og tað longsta eg havi verið í landi, er á leið ein mánaði. Eg sá ikki dóttur mína, fyrr enn hon var 8 mánaðir. Soleiðis vóru treyt­ irnar tá, sigur Martin Gunnarstein. Roynt tað mesta Martin sigldi í 25 ár í danska flotanum. Hann hev­ ur roynt eitt sindur av hvørjum. ­ Eg lá í Golfinum, tá kríggj var millum Iran og Irak fyrst í nítiárunum. Tað vóru ikki altíð sólskinsløtur við supply­ og bjargingar­ bátunum. Vit máttu út, tá onnur komu inn og so at síggja, tá eldur var í stóru tangaskipunum..., minnist Martin á. Hann var eisini við, tá fyrsti oljuboriplattformurin var førdur í Norðsjógvin. ­ Tað var í 1972, haldi eg. Vit sleipaðu oljuboriplatt­ formin, ið kallaðist Britania, út í Norðsjógvin. Vit vóru fleiri bátar um sleipið, greið­ ir Martin frá, meðan vit fáa ein kaffimunn í messuni umborð á Roc Amadour. Martin var t.d. eisini við Nýborg, tá Nýuborg royndi eftir sild í Afrika síðst í áttatiárunum. Tá var Svenning Borg stýrimaður og Henrik Old skipari, sigur Martin Gunnarstein. Hugsað longi um at gevast Menn fara í land av Roc Amadour og fleiri heilsa Martini og takka fyri tíðina, nú Martin kann kalla seg uppilagstan sjómann. Eg havi hugsað longi um at gevast. Skal eg vera saman við konuni, so skal tað vera nú, smálær Martin, meðan tveir ungir smá­ dreingir koma at lurta. Kjartin Kjærbæk, 13 ár, og Jóannes Rein Magnason, 10 ár, hava báðir verið sín fyrsta túr við pápum sínum og teir hava trivist avbera væl umborð á Roc Ama­ dour. Soleiðis gjørdist hesin túrurin søguligur. Martin Gunnarstein fór í land 75 ára gamal, eftir 60 ár á sjónum, og teir ungu kundu fegnast um sín fyrsta túr. Í land eftir 60 ár á sjónum 17 nøvn – Eg havi leingi hugsa um at gevast. Skal eg vwera saman við konuni, so skal tað vera nú, sigur Martin Gunnarstein Kjartan Kjærbæk, 13 ár og Jóannes Rein Magnason, 10 ár, vóru sín fyrsta túr meðan Martin Gunnarstein hevði sín síðsta túr eftir 60 ár á sjónum