mánadagur 18. juni 2007síða 33

33 [ Nr. 114 - 18. juni 2007 ] Nistelrooy skrivaði søgu Hollendski álopsspælarin Ruud van Nistelrooy er tiltikin málskjútti, og nú hevur hann prógv fyri, at hann dugir betur enn teir flestu at gera mál. Nistelrooy er fyrsti spælari, sum verður toppskjútti í trimum av teimum stóru europeisku fótbóltskappingunum. Nistelrooy var toppskjútti í Hollandi í 1999 og 2000, og tá ið hann fór til Onglands at spæla, gjørdist hann eisini toppskjútti har. Nú er hann júst blivin toppskjútti í sponsku kappingini. AGF fer at keypa Í gjár tryggjaði AGF úr Århus sær uppflytingina til bestu donsku fótbóltsdeildina, og felagið hevur longu gjørt greitt, at tað ætlar sær at styrkja um hópin til næsta kappingarár, sum byrjar longu í juli mánaði. - Vit hava eitt gott grundarlag, men vit skulu hava styrk. Hópurin, sum vit hava flutt upp við, er ov tunnur til at klára seg í superliguni, og vit hava verið hepnir við skaðum og leikbannum í ár, sigur venjarin, Ove Pedersen. NSÍ styrkti um sína støðu við góðari verjuskipan og arbeiðssomum miðvølli, sum er betri skipaður enn áður Fótbóltur Jóannes Hansen joannes@sosialurin.fo HB plagdi at hava marginal- irnar á sínari síðu. Tað eru tey góðu liðini, sum søkja eydnuna og finna hana, plagdi at verða tikið til. Um hetta hevur nakað við veruleikan at gera, so boðar úrslitið leygarkvøldið frá, at NSÍ nú eigur eitt betri lið, enn meistararnir í HB eiga. Á vøllinum var tað tætt, intenst og spennandi, og í løtum hekk spælið hampu- liga væl saman. Styrkin í HB liðnum plagar at vera í álops- partinum, sum er mannaður við landsliðsmonnunum Christian Høgna Jacobsen og Rógva Jacobsen og við Tór-Ingar Akselsen. Hjá NSÍ liggur styrkin í verjupartinum. Álopið var aftur hesa ferð óvanliga tunt. Men tá ið tað eydnast at halda tætt í hinum enda- num er eitt mál nóg mikið fyri at vinna. Einsamalla málið skoraði innskiftur miðvallari, tá ið tað bara var ein lítil løta eftir. Ryggurin á HB spælar- unum var ikki so rankur, sum hann ofta hevur verið, tá ið teir eru farnir av vøllinum. Leikliga hevur tað ikki hingið serliga væl saman í ár. Men hesa ferð spældu teir við væl uppløgdum Milan Kuljic á sentralum miðvallarplássi saman við arbeiðssama Kára Nielsen, upp ímóti NSÍ, og í 2. hálvleiki hevði HB verið omaná. Tað lá í luftini, at um eitt mál fór at koma, so fór HB at fáa tað. HB saknaði skadda Jákup á Borg í høgra borði. Kortini vóru innleggini nógv. Í 1. hálvleiki hevði Christian Høgni Jacobsen risa møguleika eftir góða fríspæling frá Rógva Jacobsen, men hann legði við høvdinum bóltin skeivu megin stólpan. Í 2. hálvleiki vóru fleiri krossbóltar. Men Óli Hans- en og hansara menn vóru sum oftast fyrstir á, og verj- an lá so mikið aftarlaga, at tað var millum lítið og einki øki hjá Rógva og teimum at renna seg leysar í. Hans á Lag varð settur fram sum síðsta álopsessið. Mest merkisvert var tað, tá ið dómarin vísti honum av vølli fyri at hevna seg. Tannleysir NSÍ hevur skift ham. Í staðin fyri nógvar langar sendingar, sum hevur verið vørumerkið, tá ið Christian Høgni í fremstu røð ornaði so nógv einsamallur, so royna teir nú at samanspæla. Nenad er drúgvur, og hóast skaddi Bogi Løkin varð saknaður, so hekk tað ikki so galið saman. Broddur og tyngd sást ikki nakað serligt til í álopspartinum hjá NSÍ. Tað hjálpti, tá ið unglingaspæl- arin Øssur Dalbúð loysti Andersson av. Løtan hjá Øssuri var sera stutt, men sum so mangan áður fyrr í ár, so var tað, eftir at hann var skiftur á vøllin, at NSÍ skoraði. Pól Thorsteinsson varð fyri fyrstu ferð síðani tíðliga í vár á vøllinum. Snildi veteranurin varð skiftur inn á sentrala miðvøllin, og tann leiklutin megnaði hann væl. Hjalgrím Elttør var aftur hesa ferð sera arbeiðssamur. Liðavrikið var samanhangandi, og tá ið eydnan er lopin av HB skútuni og yvir á NSÍ skútuna, so ber tað ivaleyst eyka orku og sjálvsálit við sær undan næstu uppgávuni, sum stendur fyri framman í strembanini at halda tørn um oddasessin. HB NSÍ NSÍ-HB 1-0 (0-0): Lukkan hevur svikið HB Jann Martin Mortensen slapp fyri fyrstu ferð á máltalvuna í Formula-dysti. At sigurin bar steyp við sær, gjørdi ikki støðuna verri Mynd: Einslistir Innskifti unglingurin hevði ikki ímyndað sær, at fyrsta málið nakrantíð fyri besta NSÍ liðið skuldi verða skorað ímóti meistarunum á Eystanstevnuni NSÍ Jóannes Hansen Nógvu áskoðararnir við Løkin høvdu fyri góðari løtu síðani klappað fyri óføru bátsmanningunum á Eysturoyingi og Heiðabáti- num, tá ið tær í trailarum við lúðurhornum høvdu koyrt framvið fótbólts- vøllinum. Klokkan var á veg næst- síðstu ferð runt, áðrenn eykatíðin skuldi leggjast afturat. Unglingaspælarin á vinstra veingi hjá NSÍ, Einar Hansen, streyk fram- við tveimum, smekkaði flatt innfyri, og undir málinum stýrdi innskifti miðvallarin, unglingaspæl- arin Jann Martin Mortensen, bóltin í málið aftanfyri Trónd Vatnhamar. Heimaáskoðararnir feg- naðust yvir eykaklappið, sum varð tikið úr lum- munum, og tað kann gott fara at vísa seg seinni í ár, at hetta málið fer at hava uppaftur størri týdning, enn tað hevði leygarkvøldið. Málskjúttin hevur ikki verið í sovornari støðu áður. Hann er seytjan ára gamal, og hetta var fyrsta ferðin, at hann skoraði í Formula deildini: - Tá ið eg varð skiftur inn, segði venjarin, at eg skuldi royna at spæla og gera mítt besta. Eg hevði verið við í nøkrum kombi- natiónum, og tað hevði gingið hampuligt. Men eg hevði ikki hugsað um, at hetta skuldi verða dysturin og kvøldið, tá ið eg skuldi skora fyri fyrstu ferð í Formula deildini. Men tað var ein deilig kensla, greiðir ungi NSÍ maðurin frá. Hann er av góðum fót- bóltsbergi brotin. Pápin, Trygvi Mortensen, hevur spælt nógv við NSÍ, og hann hevur verið venjari í NSÍ og øðrum feløgum. Leygarkvøldið var hann ikki eygnavitni, tí hann var við KÍ í Streymnesi. Jann Martin hevur eisini fótbóltsrøtur í Klaksvík. Heilt tilkomnu fótbólts- áhugaðu føroyingarnir min- nast væl langabban sum fótbóltsspælara. Mamman, Anja, er abbadóttur Mourits Jacobsen, sála, sum var tiltikin fótbóltsspælari í fýrati og fimmti árunum. Jann Martin hevur alla sína tíð spælt við NSÍ, og hann nýtir nógva tíð til fótbóltin. - Eg venji mánakvøld og týskvøld. Mikukvøld spæla vit oftast við unglinga- liðnum. Hóskvøld venja vit. Fríggjakvøld plaga vit, sum eisini spæla í ung- lingadeildini, at hava frí. So spæla vit leygardag við 1. deild, og sunnudag plagi eg at sita á beinkinum hjá Formula liðnum. Hvussu verður nú hjá tær? - Eg vil fegin vinna fast pláss á liðnum. Men eg eri greiður yvir, at tað krevst tol til fyri at sleppa framat. Tað ræður um at vera klárur, tá ið man fær møguleikan. Hvussu nógvar møguleikar eg skal fáa er upp til venjaran at gera av, sigur skilagóði ungi maðurin, sum síðani í mars mánað hevur lært hjá Klement Petersen í Saltangará. Og hvussu verður tað nú hjá NSÍ? - Hetta var ein góð vika. Mikukvøldið spældu vit okkum í steypafinaluna fyri unglingar. Fríggjakvøldið vunnu vit trý stig í 1. deild, og leygarkvøldið vunnu vit á Formula liðnum hjá HB. Vit mugu ikki hugsa ov langt fram, men taka ein dyst í senn. Leygarkvøldið skulu vit spæla í Vági. Tað verður torført, men vit eiga at vinna. Um tað ikki eydnast, so verður sigurin á HB ikki til somu nyttu, sum hann annars verður, sigur Jann Martin Mortensen. Saman við honum eru fýra aðrir unglingar á Formula liðnum hjá NSÍ, sum í løtuni er á fremsta plássinum. Hinir eru Bogi Løkin, sum orsaka av skaða ikki var á vøllinum leygar- kvøldið, Jóhan Troest Davidsen, Einar Hansen, Øssur Dalbúð, og Klæmint A. Olsen, sum var á beinkinum alla tíðina leygarkvøldið. Jann Martin var dagsins maður