týsdagur 26. juni 2007síða 24

24 Nr. 120 - 26. juni 2007 vinnusíður - Eg havi gott fólk aftrat mær, bæði umborð og í landi. Jónsvein Knudsen hevur verið hollur í ráðum, men tað eri eg sjálvur, ið taki mær av rakstrinum sum útgerðarmaður, sigur Rodmundur Nielsen Fiskivinna Vilmund Jacobsen vilmund@sosialurin.fo Teir eru vinnuligir sam­ starvsfelagar og eiga nógv virksemi saman, Rod­ mundur Nielsen og Jónsvein Knudsen. Meðan Jónsvein hevur verið leingi í fiskivinnuni sum útgerðarmaður hjá fleiri skipum, hevur Rodmundur ikki verið aktivur í hesum partinum av vinnuni. Men tað er hann nú. Við bryggjuna á Bakka­ frost hevur seinastu dagar­ nar ligið ein trolbátur við navninum Gorm – eitt navn, sum ikki er ókent í før­ oyskari bankasøgu. Keypti Kneys Rodmundur Nielsen hevur nevniliga keypt trolbátin Gáshólm frá Ólavi Petersen, sum áður var reiðari hjá P/F Vesturvón. ­ Eg havi keypt felagið Kneys, sum Ólavur keypti av Viðareiði. Tað var hetta felag, sum upprunaliga átti Gáshøvdi, ið trolbáturin tá kallaðist. Nýggi eigarin hevur stovnað Sp/f Gorm, sum nú eigur og rekur ognirnar hjá Kneysi. Fýra mans eru við Gormi, og skipari er hin royndi Sakaris Zachariassen, ið er ættaður úr Fugloy, men býr í Havn. Hann hevur í nógv ár siglt hjá Ossa og Tummasi í Leirvík. Hinir tríggir eru eisini allir royndir fiski­ menn. Manningin er hin sama, sum var við trolbátinum fyri eigaraskiftið. Góðir stuðlar Spurdur, um Jónsvein Knud­ sen við sínum royndum í fiskivinnuni og sum framm­ anundan er samstarvsfelagi hjá Rodmundi, hevur verið góður í ráðum, sigur nýggi skipaeigarin: ­ Ja, eg vil siga, at eg havi gott fólk aftrat mær, bæði umborð og í landi. Jónsvein hevur hjálpt mær í gongd. Hann hevur verið hollur í ráðum, men tað eri eg sjálv­ ur, ið taki mær av rakstrinum sum útgerðarmaður. Gorm hevur 116 fiskidag­ ar, men til ber at útvega sær nakrar eykadagar fyri livra­ tøku. Eisini kunnu avlops­ dagar fáast í juni, juli og aug­ ust, tá fiskiárið fer at halla. Tað eru tríggir trolbátar, sum hava somu loyvi, ið innibera, at teir ikki sleppa at fiska á landleiðini. Teir eru Gorm, Jens Leon, sum Jónsvein hevur kallað upp eftir pápa sínum – og Rað­ hamar. Ógvuliga spentur ­ Eg eri ógvuliga spentur upp á hesa nýggju avbjóð­ ingina í lívinum, og eg trúgvi, at vit fáa hetta at bera til, sigur nýggi skipaeigarin. Pápi Rodmund doyði í 1996, tá hann var miðskeiðis í fimmtiárunum, og mamm­ an, sum kallaðist Elisabeth, doyði longu, tá Rodmundur bert var 6 ára gamal. ­ Pápi var úr Sandavági og mamman úr Sørvági. Vit fluttu inn á Skálafjørðin at búgva, tá pápi fekk leiðara­ starv í Føroya Banka í Salt­ angará. Hann heldur, at banka­ kreppan fyrst í nítiárunum tók mongum fast – eisini pápa sínum, sum upplivdi alla hesa tíðina, áðrenn hann doyði av sjúku. Ikki trupult Nýggi skipaeigarin heldur ikki, at tað er so trupult at sleppa fram at í vinnuni, sum summi vilja siga, at tað er. ­ Vit, sum eingi skip eiga – ella hava átt, hava sama møguleika sum aðrir at liggja fram við, tá sølur fara fram. Neyðugt er at hava eygu og oyru opin, og eg vil viðganga, at eg havi ligið fram við at fáa hendur á onkrum skipi í eina rúma tíð. Rodmundur Nielsen sigur seg ivast í, hvussu stórur áhugin er hjá nýggjum íleggjarum í fiskivinnuni á sjónum. ­ Eg veit um skip, sum eru seld, har fleiri spurdu um tilfari í sambandi við søluna. Men tá saman um kom, komu bert eini tvey einstøk boð, sigur hann. Rodmundur er nú skipaeigari Smíðistaður: Ósey hf, Hafnarfjørður Smíðiár/tilfar: 2003/ stál Longd: 21,96 metrar Breidd: 6,50 metrar Dýpd: 3,30 metrar BT: 140,00 Maskina: Caterpillar Maskinorka: 498 HK Ferð: 8 sjómíl Útgerðarmaður: Rodmundur Nielsen FAKTA - Eg eri ógvuliga spentur upp á hesa nýggju avbjóðingina í lívinum, og eg trúgvi, at vit fáa hetta at bera til, sigur nýggi skipaeigarin Mynd: Vilmund Jacobsen - Vit, sum eingi skip hava átt, hava havt sama møguleika sum aðrir at liggja fram við, tá sølur fara fram. Eg vil viðganga, at eg havi ligið fram við í eina rúma tíð, sigur Rodmundur Nielsen, sum hevur kallað trolbátin upp eftir pápa sínum, Gormi Mynd: Vilmund Jacobsen Kirkjugarðurin á Tvøroyri betraður Kirkjugarðurin á Tvøroyri hevur fingið bøtt um umstøður sínar. Umstøðurnar hjá illa gongdum fólki og fólki við koyristóli hava verið sera vánaligar í longri tíð, men nú eru gøturnar asfalteraðar og lagdar við flísum. Lendið í kirkjugarðinum hevur verið sera bratt, men við trapputrinum er trupulleikin nú loystur. Tvøroyrar Kommuna hevur eisini víðari ætlarnir við kirkjugarðinum. Ætlarnir eru at gera vesi, reiðskapsrúm og eitt lítið høli til gravaran. Eisini er ætlanin at prýða garðin við nógvum plantaðum trøðum. Reglar um telduspøl herðast Ráðharrin í mentanmálum í Danmark, Brian Mikkelsen, vil herða reglarnir rundan um harðlig telduspøl. Hann sipar serliga til telduspælið Manhunt 2, ið hann sigur vera sera harðligt. Her handlar tað um at renna undan fangavaktum, meðan sálarsjúk fólk ávirka teg, samstundis við at tú skal drepa so nógv fólk sum tilber á vegnum. – Vit hava skyldu at verja børn frá slíkum spølum. Hetta má kannast nærri, áðrenn endaliga aldursmarkið verður sett. Hetta verður eisini gjørt fyri at kunna foreldur um vandan, sigur Brian Mikkelsen við Berlingske Tidende.