fríggjadagur 29. juni 2007síða 7

7 tíðindi Nr. 123 - 29. juni 2007 - Vit hava brúkt hundraðtals milliónir upp á Sandoy, og tað er rætt at gagn- nýta tær, áðrenn undirsjóvartunnil verður gjørdur, held- ur Annita á Fríðr- iksmørk, løgtings- limur UndirsjóvartUnnil Áki Bertholdsen aki@sosialurin.fo -Tað er ikki rætt at gera und- irsjóvartunnil í Sandoy nú. Annita á Fríðriksmørk dregur somu línu sum lands- stýrismaðurin í fíggjarmál- um í spurninginum um undirsjóvartunnil. - Vit hava akkurát brúkt hundraðtals milliónir til ferjulegur og nýggja ferju og eg haldi, at tað er rætt, at vit gagnnýta tær íløgurnar í nøkur ár, áðrenn vit fara at hugsa um at brúka eina lítla milliard afturat upp á Sand- oynna, bara tí, at eitt nýtt hugskot er fostrað um ein tunnil. - Tí tekur hon fult undir við, at aðrar íløgur í gransk- ing, eldrarøkt, heilsuverk, skúlaverk og gransking, verða raðfestar hægri. - Á nógvum av hesum økjum er støðan heilt van- lukkulig og tí eigur Sand- oyartunnilin avgjørt at fara aftur um. Hann fer at binda nógvar pengar í fleiri ár og fer sostatt at taka pening frá øðrum alneyðugum íløgum og tað eiga vit hvørki at hava ráð, ella samvitsku til. Sjálvandi skulu vit hava útjaðarapolitikk, men tað skal vera eitt mark og tað má ikki ganga útyvir alneyð- ugar íløgur í onnur málsøki. Men merkir hetta, at kem- ur Tjóðveldisflokkurin í samgongu eftir næsta løg- tingsval um eitt hálvt ár, so verður Sandoyartunnilin útsettur? - Tað veit eg ikki um eg fái heimild til at forða fyri, men hann eigur avgjørt at fara langt afturum. Serliga tí at ferðasambandið til og úr Sandoy er raðfest so frammaliga seinastu árini, er tað ábyrgdarleyst at fara undir undirsjóvartunnil nú. Men nú er ein grundgev- ing fyri at bíða við tunlinum, at búskapurin er ov heitur. Hvat so við Skálafjarðar- tunlinum? - Hvat hitanum í búskap- inum viðvíkur, er støðan tann sama. Men nú skal hann fíggja seg sjálvan, tó at eg ikki haldi, at hann er so alneyðugur heldur, sigur Annita á Fríðriksmørk. Ábyrgdarleyst at gera undirsjóvartunnil í Sandoy Vil Tjóðveldisflokk- urin reka løgtings- mannin, Páll á Reyna- túgvu, úr flokkinum, skulu ávísir tinglimir í flokkinum bara halda fram við mót- støðuni ímóti undir- sjóvartunlinum í Sandoy UndirsjóvartUnnil Áki Bertholdsen aki@sosialurin.fo - Er ætlanin at reka meg úr Tjóðveldisflokkinum, skulu tey bara halda fram at syngja hasa vísuna. Páll á Reynatúgvu, løg- tingsmaður fyri Tjóðveldis- flokkin í Sandoy, er alt ann- að enn nøgdur við sínar floksfelagar í Tjóðveldis- flokkinum. Tað er spurningurin um undirsjóvartunnilin í Sand- oynna, sum elvir til so stóra misnøgd hjá tingmann- inum. Tveir av politikarunum, sum nú alment hava boðað frá, at tey halda, at tað er rætt at raðfesta aðrar útbyggingar fram um Sandoyartunnilin, eru tey bæði tjóðveldisfólkini, Tór- bjørn Jacobsen, næstformað- ur í Tjóðveldisflokkinum Hetta er Páll á Reynatúgvu ógvuliga misnøgdur við. - Annita á Fríðriksmørk hevur sagt sína meining fyrr og Tórbjørn Jacobsen taki eg ikki so tungt, tí hann hevur sagt so mangt Men Páll á Reynatúgvu hevur fyrr boðað frá, at hann hevur verið so ónøgdur við politikkin hjá Tjóðveldis- flokkinum, at hann umhugs- aði ikki at stilla uppaftur. Tað tók hann kortini avgerð um at gera Men hann er nú so misnøgdur við útsøgnirnar hjá floksfeløgunum um Sandoyartunnilin, at hann sigur, at hetta kann føra til, at hann verður kroystur úr Tjóðveldisflokkinum. - Vilja tey hava onkrar góðar orsøkir til at reka meg úr Tjóðveldisflokkin- um, skulu tey bara halda fram við mótstøðuni ímóti Sandoyartunlinum, stað- festir hann. Men Páll á Reynatúgvu væntar ikki, at stuðulin frá flokkinum til Sandoyartunn- ilin verður ein trupulleiki. Hann vísir á, at flokkurin hevur samtykt á fundi at stuðla ætlanini. Flokkurin hevði tað eisini beinleiðis í valskránni uppundir sein- asta løgtingsval. - Hetta er tað, sum er avgjørt í flokkinum og tað haldi eg meg til og mær vit- andi hevur flokkurin ikki tikið aðra støðu. - Eisini allir aðrir flokkar lovaðu Sandoyingum tunnil beinanvegin. Einasti, sum ivaðist, var Sjálvstýrisflokk- urin. Lætt at offra Sandoy Sjálvur staðfestir, at undir- sjóvartunnil er lívsneyðugur fyri Sandoy. - Tað, sum framvegis fær fólk at hava álit á, at tað ber til at búgva í Sandoy, eru vónirnar um undirsjóvar- tunnil. Nógvar umsóknir um grundstykkið eru grund- aðar á vónirnar um tunnilin og verður ætlanin steðga nú, fær Sandoy stórar trupul- leikar at standa seg. - Hetta gevur eisini møgu- leikar fyri betri sambandi til Suðuroy, tí skal Suðuroy standa seg, er einasti mátin at útvega oynni nógv betri ferðasamband og tað kann bara gerast umvegis Sandoy. Hann gevur heldur ikki nógv fyri, at búskapurin er so heitur, at undirsjóvar- tunnilin eigur at útsetast. - Tað eru ikki íløgur í Sandoy, sum hava fingið búskapin at gløða, tí har er als onki bygt út hesi seinastu árini. Hann heldur eisini at tað er ov bíligt at siga, at ein Sandoyartunnil bindur so nógvan pening, at tað verða ikki ráð til aðrar íløgur í samfelagið, eitt nú í skúlar, gransking, eldrarøkt og heilsumál. - Hetta eru bíligar og sjálv- sóknar grundgevingar hjá politikarum, sum sita í mið- staðarøkinum og onki hava at hugsa um og sum floyta á útjaðaran. Men Sandoy er eitt lítið og veikt øki og tað er so vælsignað lætt at offra tað fyri at tekkjast fólki í miðstaðarøkinum. - Sandoyartunnilin kostar 60 milliónir um árið í eini 10-12 ár og tað kann ikki vera hetta, sum skal forða fyri øllum øðrum útbygging- um. - Hetta er ikki rætt, tí í longdini skal tunnilin mót- roknast tí, sum Teistin og Smyril kosta í rakstri og tá verður tað ein vinningur fyri samfelagið. - Sat eg við fíggjarlógini, skuldi eg í eini handavending funnið pening til Sandoyar- tunnilin, samstundis sum onnur øki verða bygd út. Í høvdinum kemur hann ikki í tankar um nakað beint nú, men hann vísur á, at 60 milliónir er ikki meiri enn tað, sum landskassin hevur latið í skattalætta. Skumpa Páll á Reynatúgvu úr Tjóðveldisflokkinum Annitu á Fríðriksmørk havi eg hoyrt fyrr og Tórbjørn Jacobsen taki eg ikki so tungt, sigur Páll á Reynatúgvu, sum kortini er alt annað enn nøgdur við framferðina hjá sínum floksfeløgum