týsdagur 3. apríl 2001síða 7

gult cyan magenta svart 12 Nr. 65 - 3. apríl 2001 gult cyan magenta svart Strandferðslan er nøgt við ferjuna Scania, men øll formlig krøv skulu verða uppfylt, áðrenn skipið kann leigast SAMFERÐSLA Eyðun Klakstein Strandfaraskip Landsins ar- beiðir av øllum alvi við at finna avloysaraskip til Lor- víksfjarðaleiðini, meðan Dúgvan verður umvæld fyri motorskaða. Tað fer at taka eina tríggjar vikur afturat at fáa Dúgvuna í sigling, og hesa tíðina er neyðugt við av- loysaraskipi, fyri at farleið- irnar um Lorvíksfjørð og Vestmannasund skulu verða røktar nøktandi. – Vit hava hugt eftir ferj- uni Scania, og vit eru nøgd við hana. Ferjan er nóg stór, hon er góð til at fáa tunga ferðslu umborð og í land, og hon er í góðum standi, sigur Reidar Nónfjall, stjóri á Strandferðsluni. Veit ikki nær Játtanin til at leiga avloys- araskip – 2,5 milliónir krónur – er fingin til vega, og tað, sum nú er eftir, eru myndugleikakrøv av yms- um slagi. – Øll formlig krøv við klassa og skipaeftiriliti skulu verða í lagi, áðrenn vit leiga nakað skip, og tað tekur tíð at fáa hetta uppá pláss, sigur Strandferðslu- stjórin, sum als ikki vil geva nakað boð uppá, nær Strandferðslan kann hava eitt avloysaraskip í landin- um. – Skal tað geva nakra meining at leiga eitt skip, so skal tað verða sum skjót- ast, sigur Reidar Nónfjall. Tekniski stjórin á Strand- ferðsluni, Magnus Magn- ussen, er farin til Saaremaa fyri at verða við til at fáa viðurskiftini har upp á pláss. Formligu viðurskift- ini skulu verða í lagi – bæði haðani ferjan fer, og her tað kemur. Næstan 30 ár Scania er bygt í Aalborg í 1972, og í løtuni er tað eitt felag, sum kallast Saare- maa Shipping Co., sum eigur skipið. Scania er 68,7 metrar long og 16,5 metrar breið. Skipið er 3474 BRT og kann taka 80 bilar. Tað siglir 14,5 knob og er í løtuni undir estlendskum flaggi. Áður hava Scand- lines og SweFerry AB átt skipið. Skipið er munandi størri enn Ternan, sum í løtuni siglir á Lorvíksfjarðaleið- ini, og skipið er eisini størri enn Dúgvan, sum vanliga røkir siglingina. Um Scania verður leigað, skal ferjan sigla millum Klaksvík og Fuglafjørð. Stríðast við at fáa avloysara Strandferðslan arbeiðir í løtuni við at leiga hesa ferjuna, Scania, til siglingina um Lorvíksfjørð Byrja av nýggjum við sernámsfrøðini Bólkurin, sum hevur kannað sernámsfrøðisliga virksemið, mælir til at gera enda á verandi skipan og lata starvsfólkini søkja størv í eini nýggjari tvørfaklig- ari skipan SERNÁMSFRØÐI Eyðun Klakstein Trímannabólkurin, sum hevur kannað sernáms- frøðisliga økið í Føroy- um, er eirindaleysur ímóti verandi skipan og heldur bestu loysnina verða ein fullkomiliga nýggja skipan. – Verandi starvsfólk eiga at fáa í boði at søkja størv í nýggjum bygnaði ella fara frá við tí tíðar- budnu eftirløn, ið tey annars eiga rætt til, sigur arbeiðsbólkurin í fyri- bilsáliti, sum er lagt á heimasíðuna hjá Menta- málastýrinum. Arbeiðsbólkurin ætl- ar, at fólk skulu koma við viðmerkingum til álitið, áðrenn tað verður endaliga orðað og latið landsstýrismanninum við mentamálum. Betri tænasta Arbeiðsbólkurin mælir til, at sernámsfrøðisliga økið verður bygt upp av eini greiningarstøð og fimm ymiskum fakeind- um. Greiningarstøðin skal tryggja, at børn og for- eldur fáa ein góða byrjan í skipanini, og harafturat er samstarvið millum greiningarstøðina og tær fimm fakeindirnar týð- andi partur av skipanini. Arbeiðsbólkurin hev- ur í sínum fyribils áliti staðfest trupulleikar og manglar í verandi skip- an, og tað eru serliga børnini og foreldrini, sum líða undir hesum trupulleikum. – Á greiningarstøðini verður virksemið fjøl- táttað og fakliga saman- vovið, og neyðugt er at fara tvørtur um tey mørk, ið teir almennu fyrisitingarkarmarnir higartil hava sett sær, sigur arbeiðsbólkurin í fyribils álitinum. Taka hædd fyri barninum Arbeiðsbólkurin greinar síðani neyvt, hvussu greiningarstøðin skal virka, og hvørjar upp- gávurnar hjá teimum fimm fakeindunum verða. – Nýggja skipanin skal taka hædd fyri tí einstaka brekinum og arbeitt verður við barn- inum tvørfakliga sum eini heild, sigur arbeiðs- bólkurin um nýggju skipanina. Álitið skal latast landsstýrismanninum í mentamálum, og ar- beiðsbólkurin ætlar eftir 1. juni at leggja seinastu hond á álitið og síðani lata landsstýrismannin- um álitið fyri summar- feriuna. Kósavirkið arbeiddi saltifisk døgnið runt í eina viku fyri at fáa fiskavøruna klára til páskaútflutningin FISKIVINNA Eyðun Klakstein Klaksvík: Um páskirnar er saltfiskur ein góð søluvøru í Suðureuropa, og hetta hava føroysku framleiðar- arnir eisini merkt farnu vik- urnar. Kósavirkið í Klaksvík er eitt av virkjunum, sum framleiðir saltfisk, og fyri góðari viku síðani varð arbeitt í trískiftisvakt fyri at fáa saltfiskin kláran til stóra páskaútflutningin. – Vit hava havt støðugt saltfiskaarbeiði alt árið, men nú undan páskunum hevur tað verið eitt sindur meiri enn vanligt, sigur Adrian Dalsá, sum er stjóri á Kósini. – Vit arbeiddu í trimum vaktum í eina viku, og tað var tí, at saltfiskurin skuldi náa fram áðrenn páskirnar, sigur hann. Kósavirkið hevur tikið ímóti umleið 3000 tonsum av fiski í ár, og málið er at koma upp á 10.000 tons. Ì fjør tók virkið ímóti 9.000 tonsum, og tá vóru umleið 180 ársverk á virkinum. Nógv arbeiði av páskaútflutningi Saltfiskaarbeiðið á Kósavirkinum er støðugt, men undan páskum hevur verið eitt sindur meiri enn vanligt verið at gjørt á virkinum Komandi viku- skiftið verða nýggj- astu bilmerkini at síggja á stevnu í KÍ- høllini Komandi vikuskiftið verður bilstevna í KÍ- høllini í Klaksvík. Bilstevnan í Klaksvík er vorðin afturvendandi táttur, og minst einaferð um árið verða norðoy- ingar bodnir at síggja nýggjastu bilmerkini. Í ár verða seks bilasøl- ur við á stevnuni, og tær eru Nordbil, Suzuki, Wenzel, Esmar Simon- sen, Ivan Johansen og Johannes Berg. Seinastu bilstevnurnar hava verið sera væl umtóktar, og nógv fólk hava vitjað í høllini. Klaksvíkar Ítróttarfel- ag skipar fyri stevnuni, sum verður leygardagin 7 og sunnudagin 8. apríl. Báðar dagarnar er opið frá klokkan 16.00 til 20.00. Kostnaðurin fyri vitj- andi er 30 krónur, og børn sleppa bert inn saman við vaksnum. ek Bilstevna í Klaksvík Føroyskir politikarar eru í hesum døgum í Oslo á ráðstevnu hjá Norðurlandaráðnum. Evnið er, hvussu Norðurlond kunnu gerast eitt burðardygt øki NORÐURLOND John Johannessen Tingfólk og ráðharrar úr øllum Norðurlondum eru í hesum døgum á ráðstevnu í Olso og skifta orð um, hvussu Norðurlond kunnu gerast ein burðardygg eind. Støði verður tikið í frá- greiðingini »Burðardygg menning – ein nýggj leið fyri norðurlond«, sum norðurlendska Ráðharra- ráðið hevur latið gjørt. Tað var í november, at tað varð álagt Norður- lendska Ráðharraráðnum at gera eina ætlan fram móti burðardyggum norðurlond- um ein og burðardyggum grannaøkjum. Í januar 2001 legði Ráðharraráðið fram frágreiðingina, sum fundurin nú tekur støði í. Í tíðindaskrivi frá Norð- urlandaráðnum verður sagt, at hóast nógv er gjørt á øll- um stigum seinastu árini fyri at tryggja burðardygga menning í Norðurlondum, er langur vegur á mál. Tí heldur Norðurlanda- ráðið tað vera neyðugt, at øll Norðurlond saman reka ein málrættaðan og av- gjørdan politikk á hesum øki og tryggja sær atgongd til bestu amboðini, ið kunnu slóða vegin fyri neyðugum broytingum. Tað má fremjast ein skipað end- urnýggjan innan allar vinnubólkar og innan til- feingisnýtslu, íløgur og tøkniliga menning, heldur Norðurlandaráðið. Á ráðstevnuni í Oslo lut- taka fyri Føroyar Dan Rein- ert Petersen, tingmaður, Jógvan við Keldu, tingmað- ur, og landsstýrismenninir Jørgen Niclassen og Høgni Hoydal. Umframt ráðstevnuna verða eisini fundir í ymisku nevndunum undir Norður- landaráðnum. Í Norður- nevndini, sum føroysku norðurlandaráðslimirnir sita í, verður nýskipan av Norðurlandaráðnum mill- um annað viðgjørd. Skulu gera Norðurlond burðardygg Men B36 og HB megnaðu bara at skjóta eitt mál í part í fyrsta innanhýsis dystinum í hesum árinum Tað er altíð stuttligt, tá grannaliðini í Gundadali takast á vøllinum. Sunnu- dagurin var einki undantak í so máta. Nógv fólk var bæði í HB skýlinum og B36 skýlinum, og tað hoyrdist nógv til tey. Ikki í senn, sjálvandi, men báðir partar høvdu orsøk til at klappa og vena seg. Spælið verður vónandi betri seinni á árinum, enn tað var hesa ferð. Spælar- arnir eru ikki í fullgóðari venjing enn, og tað sást aftur í mistum bóltum, skeivum sendingum og harvið óneyðuga spentum støðum. Sammett við í fjør vóru fleiri nýggir menn, og fleiri spælarar røktu ódnir, sum teir ikki hava verið nógv at sæð í. T. d. var Egil Zacha- riassen aftur í B36 álopin- um. Meðan Arnbjørn Dan- ielsen var á Toftum, vikarieraði Egil sum aftasti maður. Hjá HB vóru U-18 lands- liðsmenninir Jón Rói Jacobsen og Vagnur Mohr Mortensen í miðverjuni, meðan Allan Mørkøre var í álopinum. Andrew av Fløtum gongur við brotn- um beini. Tað ehvur aftur og aftur verið frammi, at hann var við landsliðnum í Luksemburg og Svøríki, men tað var hann av góðum grundum ikki. Málini og møguleikar HB kom á odda ein minutt undan steðginum. Eftir hornaspark í vinstru varð bólturin sendur út frá B36 málinum. Hallur Daniel- sen, sum var staddur á brotsteigarmarkinum, hálv- fluktaði, bólturin brast í tvørtræið og fór í málið, og so vóru tað tey í HB skýlinum, sum fegnaðust. Tíggju minuttir eftir steðgin javnaði John Peter- sen. B36 miðvøllurin fang- aði bóltin, tá HB var á veg fram, og við fleiri ferðir skjótum eitt tvey saman- spæli kom landsliðsmað- urin leysur og sneiddi framvið Bárði Johannesen, áðrenn hann trillaði bóltin í málið, og so vóru tað tey í B36 skýlinum, sum fegnað- ust. Allan Mørkøre hevði ein mega møguleika, tá B36 rangstøðufellan kiksaði. Metmaðurin á landsliðnum fór sjálvur, men Tróndur Vatnhamar bjargaði. Hallur Daniesen var púrar leysur, men fekk ikki mál. Hjá B36 var fleiri ferðir tætt við. Millum annað raktu teir tvær ferðir tvør- træið. Sum 2. hálvleikur leið hevði einki forgjørt verið, um B36 fekk sigurs- málið, men sum so mangan áður, so megnaðu teir ikki at fáa ta úrtøkuna ímóti grannunum, sum HB ofta hevur fingið ímóti sínum grannum. At teir í B36 iðraðu seg um, at dómarin ikki bríkslaði fyri brots- sparki, tá aftasti maður hjá HB, Jóhannis Joensen, tók beinini undan Egili Zacha- riasen var væl skiljandi. jh HB: Bárður Johannesen — Ransin Djurhuus, Jón Rói Jacobsen, Jóhannis Joen- sen, Vagnur Mohr Morten- sen, Janus M.Joensen — Hallur Danielsen, Rúni Nolsøe, Rógvi Jacobsen — Allan Mørkøre, Bárður Mortansson B36: Tróndur Vatnhamar — Herbert í Lon, Arnbjørn Danielsen Andrey Pazek — Jákup á Borg, Klæmint Matras, John Petersen, Jens Kristian Hansen, Heðin á Lakjuni — Egil Zacha- riasen, Magni á Lakjuni Nógvir møguleikar í Gundadali Nr. 65 • týsdagur • 3. apríl 2001 • 75. árgangur • www.sosialurin.fo Gøtumenn vunnu stórsigur, og fyrstu løtuna eftir steðgin runnu teir næstan sum teir vildu ígjøgnum heima- verjuna Tvørámenn tóku í fjør liðið úr bólkaspælinum, tá tað restaðu tvey umfør. Eftir fleiri stórtap søgdu seg ikki hava møguleika at manna liðið. Higartil í ár hava teir lagt rygg til tvey stórtap. Vónandi farateir at fóta sær, soleiðis at teir ikki taka liðið úr kappingini á hesum sinni. Sunnudagin var eingin ivi um, hvat liðið á Sevmýri var úr bestu deildini, og hvat liðið var úr næstbestu deildini. Fyrrapartin av fyrra umfarinum megnaðu heimamenninir at fylgja við, og teir javnaði til 1-1. Men eftir steðgin var klassamunur. GÍ menninir vóru aftur og aftur í fleir- talsstøðum á TB hálvuni, og tað var týðuligt, at teir á allan hátt vóru betri fyri enn mótstøðumenninir, sum framvegis resta nógv í at vera nóg væl fyri at taka lut í stríðnum um upp- flyting til bestu deildina. Hjá TB var fyrrverandi VB ogRoyn málverjin, Lars Muller, í málinum. Zoran Mancic, sum áður hevur spælt í VB, KÍ og Royn, var á miðvøllinum. Úrslitið var 7-1. Tá skal leggjast afturat, at á GÍ liðnum restaðu tríggir av teimum, sum mugu metast at vera upplagt evni til besta liðið. Her verður hugsað um Sámal Joensen, Helga L. Petersen og Óla Hansen, sum allir av per- sónligum orsøkum høvdu givið avboð. Omar setti hol á Ein av teimum, sum fekk møguleikan, tí fleiri høvdu meldað frá, var Omar Pásson, og hann takkaði fyri við at skora fyrsta málið. Við fremra stólpan snittaði hann frísparksinn- legg í kassan. TB maðurin, sum javnaði til 1-1, var bara 16 árar gamli Rasmus Nolsøe. Hann er sonur Ásmund Nolsøe, sum í sjeyti ár- unum var ein av trimum góðum Nolsøe beiggjum á TB liðnum, sum tá í tíðini var millum tey bestu í landinum og sum vann fleiri FM heiti. Bartal Eliasen legði GÍ framum aftur við frísparki úr 25 metrum og undan steðginum økti Petur Sjúrð- arberg eftir innkast, sum Bartal Eliasen hevði longt. Eftir steðgin gekk heilt skjótt. Merkisvert var tað, at allirmálskjúttarnir: Áslakur R.Petersen, Petur Sjúrðar- berg, Áslakur R. Petersen og Hans Pauli Petersen hoyra til tað ættarliðið av GÍ spælarum, sum er komið til, eftir at flestu av fýra faldu FM vinnararnir eru givnir í fremstu røð. jh TB: Lars Muller — Tórður Mortensen, Mihai, Ragnar Nolsøe — Bárður Dimon, Jón Tórður Holm, Zoran Mancic, Einar Petersen, Vagnur Nolsøe — Dan Mortensen, Rasmus Nolsøe GÍ: Hallur Hansen — Pól Ennigarð, Bartal Eliasen, Leivur Hansen — Hans Pauli Petersen, Áslakur R. Petersen, Magni Jarnskor, Pól Henning Jacobsen, Omar Pálsson — Petur Sjúrðarberg, Marek Eingin fótbóltur á Skálafjørðinum NSÍ skuldi havt verið í Vágum, og B68 skuldi havt vitjan av B71. Men báðir dystirnir hjá teimum skála- fjarðarliðunum vórðu avlýstir. Stóra bilvanlukkan í Skriðunum fríggjanáttina hevði við sær, at feløgini saman við FSF gjørdu av at útseta dystirnar. Vit hava skilt, at ætlanin er at fáa dystirnar avgreiddar, áðrenn næsta umfarið verður á skránni komandi vikuskifti. jh TB hoyknaði eftir steðgin Magni á Lakjuni taklar Vagn Mortensen. Dysturin millum grannarnar í Gundadali endaði við javnleiki 1–1