mikudagur 4. juli 2007síða 9

9 tíðindi Nr. 126 - 4. juli 2007 Tað hendir javnan, tá Fiskiveiðieftirlitið kannar skipini, at partar av manningini ikki kunnu vísa fram heilsuváttan og tryg­ darskeið. Og tað er líkasæ­la, siga bæ­ði skiparin á Brimli og Elmar Højgaard frá Fiskiveiðieftirlitinum SJÓVINNA Leo Poulsen leo@sosialurin.fo Alt ov ofta kemur tað fyri, at upp í fleiri av manningini á skipi ikki hava heilsuváttan og trygdarskeið. Hetta er nakað, sum Fiskiveiðieftir­ litið javnan rennur seg í, og tað greitt brot á kunngerðina um mynstring. Skiparin á Brimli sigur, at ein av stóru trupulleikun­ um í hesum sambandi helst er, at fyri nøkrum árum síð­ ani varð mynstringarmyn­ dugleikin fluttur frá løgreg­ luni til skiparan. Og við tí troti á fólki, sum skipini nú byrja at merkja, førir hetta ofta til, at leysir menn, sum kanska bara koma ein túr oman á keiina, verða tiknir umborð. ­ Skal skipið avstað um kvøldið, so hevur skiparin ikki stundir at bíða til dagin eftir fyri at finna mann við neyðugt váttanunum, og so verður bara farið við mann­ ing, sum fyri hondini er, sig­ ur skiparin á Brimli. Vanliga er tað tó so, at tað bert er ein partur av manningini, sum ikki hevur neyðugu váttanirnar í lagi, men vaktarskipini renna seg eisini í meiri grell døm­ ir. Í síðstu viku vóru menn frá Brimli umborð á 40 tons línubátinum Fiskimúla úr Klaksvík, at har vísti tað seg, at ikki ein tann einasti av manningini kundi vísa fram hvørki heilsuváttan ella trygdarskeið. Hartil kom so, at manningin held­ ur ikki var mynstrað. Brimil tók Fiskimúla og rak hann til lands, har hann slapp at leggja veiðina upp. Málið er síðani latið fúta­ num at støðutakan. Líkasæla Tað eru nú longu fleiri ár síðani, at tað kom inn í kunngerðirnar, at fólk skul­ du hava bæði heilsuváttan og trygdarskeið fyri at slep­ pa til sjós. At byrja við var stórt trýst á trygdarskúlanum í Klaks­ vík, tí tá skuldi alt tað sigl­ andi fólkið framat at taka hesi skeið. Men Elmar Høj­ gaard á Fiskiveiðieftirlitin­ um heldur ikki, at tað er orsøkin til, at fleiri sjómenn framvegis ikki hava tikið hesi skeið. ­ Tað kann ikki vera ann­ að enn líkasæla. Tí talan er ofta um menn, ið hava siglt í fleiri Harrans ár, og tað ber ikki til, at teir skulu hava verið so óhepnir, altíð at verða skupmaðir afturum í køini. Vit hava so ikki merkt nakran serligan tru­ pulleika í so máta við okk­ ara egna fólki, sigur Elmar Højgaard. Leiðarin á Trygdarmið­ støðini, Marjus Magnusson, er farin í summarfrí, men úr Klaksvík siga tey, at tað gaman í er eitt ávíst trýst á hjá teimum, men at menn kortini ikki bíða í áravís at sleppa framat. Hinvegin er okkurt, sum bendir á, at fútin heldur ikki er so íðin at fylgja áseting­ unum í kunngerðini um heilsuprógv og trygdarskeið umborð á skipi. Skiparin á Brimli heldur í hvussu er ikki, at hann hevur sæð nógv aftur til tey mál, sum latin eru fútanum í sambandi við manglandi váttanir hjá sjófólki. ­ Tað stendur beinleiðis í kunngerðini, at hava sjófólk ikki neyðugu váttanirnar, so verður hetta revsa við bót. Men tað haldi eg lítið sæst til, sigur skiparin á Brimli við Sosialin. Sløsa við váttanum 40-tons línubáturin Fiskimúli úr Klaksvík er bert seinasta dømi um manningar, sum ikki leggja lag í kunngerðina um heilsuváttan og trygdarskeið. Eingin av manningini kundi vísa hesar váttanir fram, tá menn frá Brimli vóru umborð. Heldur ikki var manningin mynstrað Mynd: Oliver Joensen, Skipalistin Ein lítil grind legði beinini í Sandágerði í gjárkvøldið. Kvart skinn varð í part. GRINDADRÁP Leo Poulsen leo@sosialurin.fo Um 8­tíðina í gjárkvøldið sóu nólsoyingar grind í fjørðinum suðuri móti Tjørnunesi. Einir fýra bátar vóru skjótt hjá grindini, men ikki fyrr enn bólkurin var komin inn móti Argja­ landinum, høvdu menn rætt­ iliga varnast, at grind var í fjørðinum. Sera væl gekst at reka, og sjálvt drápið gekk eisini skjótt fyri seg. Longu hálv­ anannan tíma eftir, at menn komu til grindina, var alt yvirstaðið, og nólsoyarbát­ arnir komnir til húsa aftur. Hóast havnarmenn vóru seinir, so náddu teir kortini at vera við í drápinum, og tá avtornaði var ikki so lítið av fólki í Sandágerði. Jens Marius Poulsen, býarstjóri, upplýsti, at talan gjørdist um 30 hval, sum vóru merktir til 242 skinn. Býtt varð í 564 drápspartar, og tað gav kvart skinn til hvønn. Hartil fingu nakrir stovnar burturav, umframt vanligu partarnar til meting­ armenn, sýslumannn, grin­ daformenn, skaðasýnis­ menn umframt sjálvandi finningarfiskin, sum í hes­ um førinum fór til Nólsoy­ ar. Seðlarnir komu út klokk­ an trý í nátt, og tíðliga í morgun var alt longu fingið til høldar. Hetta er fyrsta grindin í Sandágerði, síðani 14.september í fjør. 30 hval í Sandágerði Grindin, sum legði beinini í Sandágerði í gjárkvøldið, taldi bert 30 hval Kortini varð eitt kvart skinn í part til drápsmenninar Mynd: Eirikur Lindenskov Sogin úr flogfari Hóast hann hekk hálvur út av einum flogfari í 8000 metra hædd, eydnaðist tað óhepna manninum at bjarga sær inn í flogfarið aftur. Hendingin fór fram í einum sjúkraflogfari yvir Amerika, har ein 41 ára gamal sjúkrarøktarfrøðingur varð sogin út til vindeygað, tá ið tað brádliga brotnaði. Flogskiparin valdi at lenda á nærmasta flogvølli, og óhepni maðurin varð síðan fluttur á sjúkrahús, har hann fekk 13 pentir fyri at hava skorið seg av brotna rútinum. Sandvíkingar fáa sparkivøll Nú fáa eisini børnini í Sandvík sparkivøll frá Fótbóltssambandinum og UEFA. Og tað verður longu í heyst, at eisini børnini norðast í Suðuroy fáa graslíki undir gaggurnar. Hvalbiar Kommunar hevur søkt um at fáa tveir sparkivøllir og hevur fyribils fingið tilsøgn um at fáa ein. Á bygdaráðsfundi í Hvalba í gjárkvøldið varð samtykt at leggja hann í Sandvík. Málið hevur skund, tí fólk koma til landið í august­september at leggja graslíki á sparkivøllir og tá skal stykkið í Sandvík vera klárt. Tí er ætlanin at leggja vøllin á skúlastykkið, sum frammanundan er drenað og asfalterað. Nú verður farið í holt við at gera gyrðinginga rundanum og at gera stykkið heilt klárt at leggja vøllin á.