mikudagur 4. juli 2007síða 17

17 [ Nr. 126 - 4. juli 2007 ] SAMBAND jákup Mørk jAkup@SoSiAluriN.fo tlf. 341800 ítróttur – Vit fingu eisini ein koss frá løgmanni, og hann er jú ikki ein og hvør Kvinnustafettin í svimjing Tað er ikki bara Gírikur gubbi, sum dugir at svimja í gulli. Føroyska svimjilandsliðið ruddar í hesum døgum øll borð á oyggjaleikunum á Rhodos Svimjing Jákup Mørk jakup@sosialurin.fo Fimm gull-, eitt silvur- og fýra bronsumerki umframt trý nýggj oyggjaleikamet. Tað gjørdist úrslitið av næsta kappingardegnum hjá føroyska svimjilandslið- num á oyggjaleikum. Við hesum hava tey longu sett nýtt met fyri føroyska svimj- ing, sum ongan tíð áður hev- ur vunnið fleiri enn seks heiðursmerki heim til Før- oya. Tí er talan uttan nakra samanbering annars um besta ættarliðið av føroysk- um svimjarum nakrantíð. Tá tey seks heiðursmerkini vórðu vunnin í ’89 varð hetta rópt fyri eitt kvantum- lop fyri føroyska svimjing, men tað gekk striltið við at halda fast um gongdina ta ferðina. Í ’91 vóru vit væl við, og í ’93 gekst eisini heilt hampuligt, men síðani hevur gongdin spakuliga verið skeiva vegin. Svimjilandsliðið á heima- vølli í 1989 var eisini størri, enn tað er hesaferð, men ein somikið breiðan kvali- tet, sum Føroyar nú hava, hevur ikki verið til staðar áður. Yvir at kalla alla linj- una hava vit svimjarar, sum blandað seg frammi í heið- ursmerkjastríðnum, og fyri- bils er úrslitið altso, at átta heiðursmerki eru vunnin. Og tá eru vit bara komin hálva leið, skal sigast. Av sonnum eitt nýtt kvantum lop, nú álmanakkin er snar- aður 18 ár fram. Respektloysi Seinastu nógvu árini hevur verið tosað um, at eitt ættar- liðsskifti skuldi gerast í svimjingini. Men onkurs- vegna hevur hetta ikki veru- liga eydnast, fyrr enn sein- astu árini. Frágreiðingarnar til, hví hetta hendir júst nú, kunnu helst vera nógvar. Men nøk- ur eyðkenni eru tó, sum tað valla slepst undan at nevna. Fyrst og fremst, so er tað arbeiðið, sum er gjørt úti í feløgunum, sum hevur upp- alt eina veruliga elitument- an, sum sjáldan er sædd áður. Og í øllum førum yvir ein so breiðan hóp. Vit hava í dag eina rúgvu av svimj- arum, sum ikki leggja petti í, hvat onnur hava gjøtt áður. Úrslitið er, at met, sum hava fingið loyvi at standa ónortin í alt ov nógv ár, nú eru púrasta strikað. Oddafiskarnir í hesum hava uttan nakran sum helst iva verið Fuglafjarðar Svimjifelag og Tvøroyrar Svimjifelag. Miðvíst og støðugt eru feløgini bygd upp, so tey í dag eru nógv tey sterkastu feløgini, og uttan iva eisini eru tey við bestu venjarunum. At fugl- firðingar so eisini hava skapt synergi við einum samstarvi við Gøtu og Klaksvík hevur avgjørt ikki gjørt teirra støðu verri. Tí við einum depli, sum fevnir um bestu svimjarar í norður- partinum av landinum fæst alt annað líka meira burtur úr hvørjum einstøkum svimjara. Felagsnevnarin Og at enda, so slepst heldur ikki undan, at ein felags- nevnari verður nevndur millum gyltu ættarliðini í 1989 og 2007. Petur Heðin á Fløttu var ein av avgjørdu lyklapersón- unum á føroyska landslið- num, sum í 1989 svam seks heiðursmerki heim. Tíðin, sum hann og aðrir nýttu til venjingar var til tá púrasta óhoyrd í føroyskum høpi, men úrslitið kom eisini, tá gull eftir gull varð svomið heim. Og spyrt tú svimjikøn fólk í føroyska ítróttarheimi- num, hvør katalysatorurin til anno 2007 hevur verið, so verður Petur Heðin nevndur í 9 av 10 førum. Sum landsliðsvenjari í seks ár hevur hann kanska betri enn nakar sæð, hvørji tøk skuldu takast í hyljunum kring landið. Og sum venj- ari í Fuglafirði hevur hann bygt eina eins sterka elitu- og vinnaramentan, sum hann sjálvur var partur av. Og at suðuroyingar so hava gjørt tað sama við Jón Bjarnason hevur bara økt um synergi’ina. Eina synergi, sum brádliga hóttir við at lyfta Føroyar úr miðj- uni í samlaðu oyl-støðuni og heilt upp á tindarnar. Føroyar svimja í gulli Eru nú næst- fremst Góða hálið týsdagin gav Føroyum eitt ordans lop upp eftir heiðursmerkjarøðini á oyggjaleik- um. Føroyar eru nevnliga landið, sum liggur næst ovast á samlaða listanum, og tað er ikki ein støða, sum vit eru beinleiðis von við. Til sam- metingar kann nevnast, at størsta hálið hjá Før- oyum varð gjørt í 2001 á Man, har talan gjørdist um 15 gullmerki. Og enn eru altso tríggir kapp- ingardagar eftir á Rhodos. Talvan yvir bestu londini á Rhodos sær nú soleiðis út: Nr Land G S B 1 Jersey 14 17 8 2 Føroyar 14 9 7 3 Rhodos 11 9 8 4 Gotland 11 7 2 5 Guernsey 9 8 16 6 Cayman 5 5 1 7 Isle of Man 5 4 10 8 Bermuda 4 6 5 9 Áland 4 2 5 10 Prince Edward 3 1 6 Annan dagin á rað tóku føroysku svimjararnir báðar stafettirnar. Og tað undirstrikar kanska meira enn annað, at føroysk svimjing veruliga hevur leitað sær á toppin aftur Mynd: Jákup