fríggjadagur 6. juli 2007síða 36

36 [ Nr. 127 - 6. juli 2007 ] Bestu bogaskjúttarnir nakrantíð Ongantíð áður hava føroysku bogaskjútt­ arnir fingið so gott úrslit, og seymurin varð sligin fastur við eini gull og eini silvur medalju í liðkapping í gjár BOGASKJÓTING Rólant Waag Dam rolant@sosialurin.fo Compound-liðið mannað við Sigrid Vang, Jógvan Niclasen og Per Holm Andersen tryggjaði í gjár Føroyum enn eitt gull heiðursmerki. Hitt liðið mannaðu Annika Vang, Hans Petur Højgaard og Absalon Hansen í recurve, og her rakk tað til eina silvurkrónu. Tilsamans hava boga- skjúttarnir vunnið 11 heið- ursmerki. Sjey gull, tvær silvur og tvær bronsu. Ongantíð áður hava so nógvir ørvar sitið so væl hjá so nógvum skjúttum. Orsøkin til hetta fantastiska flotta úrslit, er góða sam- anrenningin av heilt ungum og rættiliga royndum boga- skjúttum. Per á liðnum Dagurin í gjár var teirra kappingardagur á Rhodos. Liðkappingin í head to head kappingini stóð á skránni. Liðini verða van- liga sett soleiðis, at teir skjúttarnir, sum hava staðið seg best í kappingini, mannað liðið sum skal kappast í hesi grein. Tað var eisini tilfeldið hesaferð, men við einum undantaki. Schandorff Vang er royndasti bogaskjúttin hjá Føroyum, og vann eisini silvur í compound- kappingini frammanfyri eitt nú Per Holm Andersen. Kortini varð Per settur at skjóta í gjár, meðan Schandorff var eykaskjútti. Tað vísti seg ikki at vera nøkur býtt avgerð. Per skeyt nevniliga tað besta hann hevur gjørt í kapp- ingini higartil, og átti sín stóra part av teimum at Føroyar fingu seinastu gull- krónuna í bogaskjóting. – At skjóta liðkappingina bjargaði mínum túri, og eg eri heilt ófatiliga glaður fyri at fáa henda kjansin, segði Per Holm Andersen. Ogna Mogens úrslitið Bogaskjúttarnir, sum hava staðið framúr gott á oyggja- leikunum, eru á einum máli um, at góða úrslitið skal ognast einum manni: Mogens Egholm, stovnarin av bogaskjóting í Føroyum, sum doyði fyri kortum. – Hann skal heiðrast við hesum úrslitinum, siga tey við ein munn. Heiðursmerkjabýtið hjá bogaskjúttunum: Sigrid Vang Compound Head to Head Knockout kvinnur, gull Sigrid Vang Single Compound kvinnur, gull Annika Vang Single Recurve kvinnur, gull Annika Vang Recurve Head to Head Knockout kvinnur, gull Jógvan Niclasen Compound Head to Head Knockout menn, gull Jógvan Niclasen Single Compound menn, gull Schandorff Vang Single Compound menn, silvur Hans Petur Højgaard Single Recurve menn, bronsa Absalon Hansen Recurve Head to Head Knockout, bronsa Føroyar Single Compound lið, gull Føroyar Single Recurve, silvur Manningin, sum hevur syrgt fyri besta úrslitinum í føroyskari bogaskjúttasøgu Mynd: Álvur Haraldsen Per Holm Andersen og Schandorff Vang fegnast um fantastisku úrslitini eftir kappingina í gjár Mynd: Álvur Haraldsen Bellamy ávegis til West Ham Síðani Liverpool keypti Fernando Torres, er tað blivið klárt, at Craig Bellamy ikki skal vænta sær alt ov nógva spælitíð í felagnum. Tí hevur slaturin gingið um, at Bellamy leitar sær eftir nýggja felag, og at Liverpool eru áhugaðir at selja, og nú tykist tað vera greitt, at Bellamy er ávegis til West Ham. West Ham hevur eftir øllum at døma boðið Bellamy eina vikuløn uppá knappar 800.000 kr. fyri at lokka hann til felagið. Bellamy fer helst at kosta West Ham knappar 100 mió. kr., og í árinum, sum hann hevur spælt fyri Liverpool, hevur hann skotið sjey mál. Norðmaður ávegis til OB Odense Boldklub hevur fingið fatur á einum sterkum norskum leikara, sum heima í Noregi verður mettur sum ein av bestu leikarunum í deildini. Talan er um áleyparan Bengt Sæternes, sum til dagligt spælir fótbólt í Bergen við felagnum Brann. Sæternes hevur sáttmála fram til oktubur, og fer ikki at leingja sáttmálan við Brann. Hann hevur leikt sjey landsdystir fyri norska landsliðið.