mánadagur 9. juli 2007síða 22

22 [ Nr. 129 - 9. juli 2007 ] Ronaldo seldur í tøkum tíma Forsetin í spanska felagnum Real Madrid heldur, at ein týðandi orsøk til, at hansara felag vann spanska meistaraheitið í ár var, at felagið slapp sær av við álopsspælaran Ronaldo, sum fór til AC Milan at spæla. Sambært Calderon var Ronaldo blivin ein trupulleiki fyri moralin á liðnum, og tað var ein stórur lætti fyri liðið, at hann rýmdi. Eftir at Ronaldo var farin, gjørdist lagið í hópinum betur, og endin var, at Real Madrid vann meistaraheitið. Backe upp á tal í City Fyrrverandi venjarin hjá Toda Jónsson í FC Keypmanna­ havn, Hans Backe, er nú upp á tal sum hjálparvenjari í Manchester City, har landsmaður hansara, Sven­Gøran Eriksson, er blivin venjari. Aftonbladet heldur seg vita, at Back, ið einki starv hevur í løtuni, kann gerast hjálpar­ venjari hjá Eriksson í Manchester City. Eriksson hevur einki vilja sagt við Aftonbladet, men hann lovar, at hann kann siga okkurt í dag ella í morgin. Jónsvein Thomsen heldur at ikki, at B71 hevði uppiborið annað enn ein sigur í gjár. – 4­2 vísir væl gongdina í dystinum. Teir høvdu bóltin nakað væl meiri, men vit skoraðu upp á kjansirnar, meðan teir einki fingu burturúr, so tað var fult uppiborið, at vit vunnu, sigur hann. Jónsvein Thomsen metir, at tað hjálpti væl hjá teimum at fáa eitt mál tíðliga í hvørjum hálvleiki. – Heilt víst hjálpti tað. Serliga í seinna hálvleiki, har vit høvdu avgjørt at fara inn og spæla sum um dysturin stóð á jøvnum 0­ 0. Tískil kom eisini eitt sindur av ótta á okkum, tá EB/Streymur skoraði til 2­3, men vit arbeiddu og kempaðu allir sum vit skuldu, so tað var í ordan, heldur Jónsvein. – Sigurin hjálpir okkum eisini heilt væl, og gevur okkum veruligt mót upp á seinnu hálvu, sigur Jónsvein og afturvísir, at B71 nú kennir seg tryggan í Formuladeildini. -rólant Fult uppiborið EB/Streymur hevði bóltin allan dystin, men B71 gjørdi málini og setti eitt frálíkt punktum nú teir fara í summarfrí FÓTBÓLTUR Rólant Waag Dam rolant@sosialurin.fo Høvdu fótbóltsdystir verið avgjørdir eftir, hvør hevði bóltin mest so hevði EB/ Streymur vunnið stórsigur móti B71 í gjár. Teir høvdu bóltin so at siga allan dystin, men tóktust ikki at vita, hvat teir skuldu gera við hann. Hinvegin tykjast sandoyingar at vita hvat teir vilja. Formulafótbóltur næsta ár er málið, og teir eru væl á veg at røkka tí. Brasiliumenninir – sum eru fýra í tali – styrkja væl um liðið, og hóast tað ikki endiliga er talan um sambafótbólt á Sandoy, so hevur B71 aðrar eginleikar, sum eru avgerandi fyri at standa seg í landsins bestu fótbóltsdeild. Teir stríðast, arbeiða væl, eru hampiliga vælskipaðir og ikki minst effektivir. Effektivir sandoyingar So effektivir eru sandoy­ ingar, at teir skoraðu upp á fyrsta veruliga kjansin teir fingu í dystinum. Dysturin var fýra minuttir gamal, og B71 spældi seg niðan í vinstru. Clayton Soares hevði bóltin og var komin so mikið væl inn í brots­ teigin, at hann kundi skjóta sjálvur. Men hann yvirraskaði við at leggja bóltin inn til Jónsvein Thomsen, sum uttan stór­ vegis hóvasták skoraði til 1­0. Síðani gingu júst 40 minuttir til næsta málið. Hesa løtuna hevði Arnbjørn Hansen eina naska roynd við høvdinum, sum Símun Rógvi Hansen tók, og Gudmund Nielsen eina fína langskotsroynd, sum varð tikin á strikuni. Men beint fyri steðgin skoraði B71 aftur. Clayton Soares bukkaði seg niður og longdi eitt frísparks­ innlegg í netið. Beint eftir steðgin skoraði B71 aftur. Tað var eftir hornaspark, at Clayton Soares legði bóltin aftur til Jónsvein Thomasen, sum við hørðum skoti setti bóltin trygt í netið. Eitt skot fyri bógvin hjá EB/Streymi, sum annars hevði valt ein meiri fram­ rættaðan taktikk til seinna hálvleik, har teir høvdu tikið Gert Hansen út og sett Hanus Eliasen inn í staðin. Arnbjørn vendi Løtuna eftir málið hevði Wellington Soares tveir fínar møguleikar at økja, men meðan fyrra royndin fór framvið, so fór seinna uppum. Eftir hetta fekk EB/ Streymur eina góða periodu, har teir við Arnbjørn Hansen á odda vóru um at venda dystinum. Fyrst minkaði Arnbjørn um munin, tá hann beindi bóltin, sum Símun Rógvi Hansen ikki megnaði at halda, í netið. Og síðani vann hann EB/Streymi brotsspark, sum Ronnie Samuelsen setti inn. EB/ Streymur kundi eisini skora okkurt aftrat, men neyvleikin vantaði. Hetta revsaði B71 í hinum endanum, har innskifti René Clementsen fekk prikað bóltin, sum var um at fara framvið, í netið. Hálvhjartað Soleiðis tapti EB/Streymur 4­2 á uppflytarunum úr Sandoynni. Eitt úrslit sum á ongan hátt verður góðtikið í Sundalagnum. Tann annars trygga verjan spælir illa. Miðvøllurin er ov spjaddur og kantarnir vandaleysir. Arnbjørn Hansen skorar tó framvegis, men ein 21 ára gamal kollfirðingur kann illa einsamallur lyfta felagsliðið, sum nú er dragnað í oddastríðnum. Ein feril av máttloysi valdar á liðnum. Innsatsurin tykist ikki vera meiri enn hálvhjartaður, og í Sundalagnum seta tey nú sítt álit á, at tveir ungarar fara at geva tað sum skal til, fyri at liðið kann náa somu hæddum sum í fjør. Meðan EB/Streymur hevur steypakapping og altjóða fótbólt at hugsa um nú, so kunnu sandoyingar fara í summarfrí. Hetta við góðari samvitsku. Við einum ógvuliga ungum og óroyndum liðið hava teir lagt seg soleiðis fyri, at teir eftir 16 umfør hava vunnið eitt stig fleiri enn VB/ Sumba, sum akkurát slapp undan niðurflytingini, fekk í fjør. Meðan EB/Streymur hevur steypakapping og altjóða fótbólt at hugsa um nú, so kunnu sandoyingar fara í summarfrí við góðari samvitsku Mynd: Sofus D. Johannesen B71 EB/Streymur EB/Streymur – B71 2-4 (0-2): Effektivitetur vann á máttloysi Ronnie Samuelsen var alt annað enn nøgdur, tá vit fingu orðið á hann eftir dystin. – Hatta var ein undarligur dystur. Vit stýra honum, men teir gera málini, og tað hevur verið nokkso typiskt fyri okkum í ár. Annars haldi eg, at dómarin oyðilegði okkum dystin, tí tað fyrsta máli var eini fýra­fimm metur offside, og tað kann á ongan hátt góðtakast, at slíkt verður góðtikið, sigur Ronnie Samuelsen avgjørdur og leggur so aftrat, at tað ikki er fyrstu ferð at dómarar oyðileggja dystir fyri EB/Streym. Men er tað ikki bara undanførsla, at siga dóm­ arin oyðileggur dystin? – Jú, sjálvandi er tað undanførsla, men tað skal sigast, tí teir eru líka so nógv sum vit partar av spælinum. Vit kunnu fáa gul og reyð kort, men teir skuldu so sanniliga eisini fingið karantenu og so framvegis fyri vánaliga døming. Men tá tað er sagt, so tapa vit dystin sjálvir, staðfestir Ronnie Samuelsen. Hann sigur annars, at tað á ongan hátt kann góðtakast, at EB/Streymur tapir fyri einum uppflytara á henda hátt. – Men teir kontra væl og vit spæla illa. Frameftir er tað ikki so galið, men vit lata ov nógv mál inn, og verjan spældi illa í dag, sigur Ronnie Samuelsen, sum eisini hevur eina avgjørda meining um avrikið hjá EB/Streymi. – Vit hava ikki uppiborið meiri enn hetta í ár, tí vit spæla sum eitt hol í jørðini. -rólant Spæla sum eitt hol í jørðini