mánadagur 9. juli 2007síða 23

23 [ Nr. 129 - 9. juli 2007 ] Liverpool selir álopsspælarar Liverpool hevur gjørt sáttmála við álopsspælararnar Fernando Torres og Andriy Voronin, og tað hevur við sær, at felagið sleppur sær av við tveir aðrar álopsspælarar í felagnum. Craig Bellamy verður seldur til West Ham, og Djibril Cissé verður seldur til Marseille. Hildið verður, at Liverpool fær umleið 150 milliónir krónur burtur úr at selja Cissé og Bellamy. Guily vil ikki til Onglands Franski Ludovic Guily hevur havt eitt sindur trupult við at vinna fast pláss á liðnum hjá FC Barcelona, har aðrir offensivir spælarar eita Messi, Eto’o, Ronaldinho og nú eisini Henry. Hóast útlit eru til nógva tíð á beinkinum, hevur Guily gjørt av, at hann ætlar sær at spæla í Barce­ lona næsta kappingarár. Feløg í Onglandi hava ligið fram við eftir kvika franska spælaranum, men hann hevur víst tilboðini frá sær. Anna Karina Ottosen svam, súkklaði og rann seg til bronsu heiðursmerki á Oyggjaleikunum. Harumframt fekk kvinnuliðið silvur. Okkurt bendir tó á, at hesi úrslit eru fingin á skeivum teinum TRIATLON Rólant Waag Dam rolant@sosialurin.fo Fyrst og fremst var tað ein ógvuliga fegin Anna Karina Ottosen, sum eftir tveir tímar og 21 minuttir kom á mál, eftir at hon hevði luttikið í triatlon á oyggja­ leikunum á Rhodos. – Nú eri eg øgiliga glað, segði hon, meðan hon rindaði møðina í hitanum á Rhodos. Anna Karina Ottosen var tó ikki móðari enn so, at hon hevði yvirskot at práta við bæði fjølmiðlar, liðfelagar og kappingarneytar. – Nei, man er væl í form, helt hon skemtandi fyri, tá hon varð spurd um, hvar henda orkan kom frá. Tilsamans hevði hon, eins og allir hinir íðkararnir ið komu á mál, svomið 1500 metrar, súkklað 40 kilometrar og runnið 10 kilometrar. 3, 4 og 5 Anna Karina var tann fyrsta føroyska kvinnan, sum kom á mál. Henni á baki kom Súsanna Skylv Sørensen og síðani Joan Bláfoss. Hetta merkir, at umframt bronsu í einstaklingakappingini, so fingu Føroyar eisini silvur í liðkappingini við tíðini 4 tímar, 42 minuttir og 24 sekund. Eitt sera gott og flott úrslit frá føroysku kvinnunum. Hjá monnunum var tað rættiliga langt frá heiðurs­ merkjaplássum. Teir kunnu tó saktans vera ernir av sínum úrslitum. Fyrstur á mál var Guðmundur Niel­ sen við tíðini tveir tímar og 13 minuttir, og tað rakk til eitt 16. pláss. Næsti maðurin kom á mál tveir minuttir seinni, og var tað Andrass Joensen sum fekk eitt 23. pláss. Tvey pláss aftanfyri hann var Áslakkur Nesá við tíðini 2.17,45. Samlaða úrslitið hjá monnum rakk til eitt fimm pláss. Skeivir teinar Men nógv bendir á, at góðu úrslitið eru vunnin á skeivum grundarlag. Skeiv­ um grundarlag skilt á tann hátt, at teinarnir, sum kappast var á, ikki vóru heilt rættir. Hetta vita triatloníðkararnir tó ikki við fullari vissu, men nógv bendir á at so er. Í hvussu so er um metast skal út frá tíðunum hjá einstøku íðkarunum. Eitt nú brúkti Guðmundur Nielsen 22 minuttir um at svimja teir 1500 metrarnar, meðan hann vanliga klárar teinin undir 20 minuttir, og Joan Bláfoss svam til 28 minuttir, har hon vanliga svimur til umleið 24 minuttir. Eisini Súsanna Skylv Sørensen og Ottar í Hjøllum brúkti ov langa tíð um teinin. Í renningini bendir alt á, at teinurin var ov stuttur. Til dømis rann Joan Bláfoss teir tíggju kilometrarnar til tíðina 35,54, har hon vanliga brúkar umleið 37 minuttir um teinin. Í súkklingini sær tó út til, at teinurin var á góðari leið. Heiðursmerki á skeivum teinum Kvinnuligu triatloníðkararnir skaffaðu Føroyum silvur sum lið, og bronsu sum einstaklingar Besta úrslitið nakrantíð Hóast Jersey á seinasta kappingaredegnum legði Føroyar væl afturum, so stendur annað plássið í samlaða yvirlitinum sum besta føroyska oyggjaleikaluttøkan nakrantíð OyggjALeIkIR Jákup Mørk jakup@sosialurin.fo Tað vóru svimjararnir og bogaskjúttarnir, sum drógu stóra hálið, tá føroysku heiðursmerkini skuldu teljast upp. Í samlaða yvirlitinum vóru Føroyar eitt skifti á odda, men hósdagin smoygdi Jersey seg framum, og fríggajdagin løgdu tey veruliga sjógv ímillum, soleiðis at teir at enda vóru rættiliga sannførandi sum sterkasta landið á oyggjaleikunum. Men úr einum føroyskum sjónarhorni var talan um serstakliga væleydnaða luttøku. Ikki færri enn 24 ferðir veittraði Merkið ovast, tá gullmerki skuldu latast, og tað eru nógv fleiri, enn vit nakran tíð hava roynt áður. Í samlaða yvirlitinum gjørdist heiðursmerkjabýtið hetta: Nr Land G S B 1 Jersey 30 35 27 2 Føroyar 24 19 12 3 Guernsey 23 23 29 4 Gotland 23 21 10 5 Rhodos 22 14 16 6 Isle of Man 11 15 26 7 Menorca 11 9 10 8 Cayman Islands 11 7 5 9 Bermuda 8 13 15 10 Áland 7 8 10 Støður í triatlon: Kvinnur: 3. Anna Karina Ottosen, 2.21,02 4. Súsanna Skylv Sørensen, 2.21,22 5. Joan Bláfoss, 2.23,31 Menn: 16. Guðmundur Nielsen, 2.13,37 23. Andrass Joensen, 2.15,52 25. Áslakkur Nesá, 2.17,45 Kvinnur, lið: 2. 4.42,24 Menn, lið: 5. 6.47,14 Nógv bendir á, at teinarnir í svimjingini og renningini vóru skeivir