týsdagur 17. juli 2007síða 10

10 TÍÐINDI Nr. 135 - 17. juli 2007 Føroya størsti kult- bólkur fer at spæla á Summarfestivalinum í august. Original- ar nir úr Leirvík fara at syngja um Hans Ansgar, Riu og Knarvakotið SUMMAR FESTIVALUR Tíðindaskriv Eittans kassettuband og bert seks konsertir á sumri í 1991 gjørdust grundarlagið undir fólkakæru sangunum um gerandishetjurnar Hans Ansgar, Riu, Beiggjar og svangar bøndur, sum fram- vegis ljóða í føroyska luft- rúminum. Húskallar, við dugnaligari manning úr bæði bygd og býi, vóru óvanligir, spon tan- ir og dugdu at sniðgeva var- andi føroyskar poppsangir, sum flestu fólk í dag kenn- ast við. Leygarkvøldið 4. august fer fjølmenti bólk- urin við avgerandi íkasti úr Leirvík á høvuðspallin á Summarfestivalinum í Klaks vík. Bólkurin Húskallar spretti úr gátuføra “Fjósi- num” í Leirvík og spjaddi seg miðvíst til tónleika um- hvørvið í Havn fyrst í níti- árunum. Verkætlanin var úrslit av hollum før oyskum sangsmíði og impulsivum ánarum av upptøkuhølunum LT Studio. Herluf Sørensen og Kári Poulsen vóru í hesum høpi millum ídnastu stuðlar hjá bólkinum. Originalarnir úr Leirvík, Kaj Johannesen og Jákup Alberg Eliasen, vóru mill- um teir, ið høvdu feskt og óbrúkt sangtilfar liggjandi, og bæði tónleikarar og onnur áhugað syrgdu skjótt fyri at útvega stóru mann- ingini høvið at festa sangir- nar á band. Og soleiðis bleiv. Á útgávuni, sum verk- ætlanin við flestu av land- sins fremstu tónleikarum í hópinum, sendi á marknaðin á sumri í 1991, er ein snøgt skorin sangskattur, sum enn í dag ljóðar í útvarpslurtum um landið. Skemt og álvara mynda saman við stórum parti av manningini í Plúmm, umframt einum hópi av navnframum ein- stak lingum eina tónleika- útgávu, sum klárar at sam- antvinna eitt stórt úrval av stíleyðkennum; bygda popp- ur við lættbeintum stevi stendur lið um lið við fastan og smidliga synkoperaðan funkpopp við ramligum málsligum innihaldi. Sangirnir snúgva seg um eitt nú ferðslumentan og dirvi mótvegis máttloysi. Bóndin Hungrar kann, sambært navnframum hús- kalli, bert skiljast “um ein vendir áherðsluni í teksti- num á høvdið”. Fjølment veitsla á Vágsbøi Fyrireikararnir av Summar- festivalinum kannaðu fyrr í ár møguleikan at savna mann ingina, sum fyri 16 árum síðani stóð fyri einari av sermerktastu føroysku tónleikaútgávunum í nýggj- ari tíð. Høvið var forkunn- ugt, og tónleikararnir, ið mann aðu Húskallar, vóru skjótir at taka av. Við á bandinum, sum bólkurin lat frá sær fyri sekstan árum síðani vóru ikki færri enn 19 ymiskir tónleikarar. Flestu av teimum vera aftur við í summar, tá ið harð- mælta og litfagra manningin “í myrkamorreyðum troyggj- um, virkaðum úr føroyskari ull og í kolli” fer at seta ferð á árligu veitsluna, sum myndar miðbýin í Klaksvík fyrsta vikuskiftið í august mánaða. Guitarleikararnir Leivur Thomsen, Hjalti Joensen og Eyðun Mohr Hansen sveiggja ravmagnsspakar í felag, ímeðan Hans Petur í Brekkunum og Ólavur Olsen blása horn í stra teg- iskum støðum. Ein av land- sins stinnastu rútmueindum, mannað av Rógva á Rógvu á trummum og Jón McBirnie á bass fer at halda grýtuni kókandi. Magnus Johannesen og Finnur Han- sen trýsta tangentar og syngja við, og miðskeiðis í fjølmenta rokanum fara originalu húskallarnir, Kaj Johannesen og Jákup Al - berg Eliasen, við ágrýt num sangi at festa eld í krútið. Sum tiltikna rosinan í pylsu- endanum kemur fortíðin á forkunnuga vitjan, og kassettu bond við Húskallum í fornum búna fáast til keyps í grøna nærumhvørvi- num. Fjøldin hevur fingið boð- ini, og kátir Húskallar eru aftur til reiðar at tæna. Kom- ið á Vágsbø til ársins veitslu; har verður svongd og har verður ferðsla, har vera Ria og Hans Ansgar, har vera Beiggjar og har verð ur ball! Leygarkvøldið 4.august fer Føroya størsti kultbólkur at syrgja fyri ársins føroysku kultframførslu á Summar- festivalinum 2007. Húskallar gera comeback Konsert í Søldarfirði Tónleikur: Mikukvøldið klokkan 20.00 verður konsert við Nes Sóknar Musikkfelag í skúlanum í Søldarfirði. Konsertin er í sambandi við, at hornorkestrið fer á konsertferð í London frá 23. juli til 30. juli. Vanligt er, at hornorkestur taka frí frá tónleikinum um summarið, men soleiðis hevur ikki verið hjá hornorkestrinum á Skálafjørðinum. Tað hevur verið vant dúgliga seinastu mánaðirnar fyri, at túrurin til London skal eydnast væl. Á konsertini mikukvøldið verður møguleiki at hoyra sangirnar, Nes Sóknar Musikkfelag fer at spæla fyri onglendingum á túrinum. Skráin er sett saman av fleiri kendum løgum, so sum Beauty and the Beast, Aladdin og mongum øðrum. Hornorkestrið er undir leiðslu av Kenneth Jones. Kópakonan sum bók og plakát Fyrr í ár gav Postverk Føroya út smáarkið Kópakonan, sum Edward Fuglø hevur teknað. Nú er eisini ein lítil bók givin út við sjálvari søgnini um kópa- konuna í Mikladali. Bókin er myndprýtt við tekningunum úr frímerkja arki- num. Bókin fæst á fimm málum: føroyskum, donskum, enskum, týskum og fronskum og er til sølu á Postverki Føroya fyri 49,- kr. Hon fæst eisini á Kunn- ingarstovuni í Havn. Ein plakát við tekningum av kópakonuni er eisini givin út. Støddin er 70 x 50 cm og plakátin kann vendast. Tað vil siga, at hon er prent að á báðum síðum. Onnur síðan hevur hvíta bakgrund og hin brúna. Plakátin kostar 95,- kr. Mín fyrsta reyða orðabók ORÐABÓK Tíðindaskriv ENSKT: Bókadeild Før- oya Lærarafelags er longu til reiðar við spild- urnýggjari orðabók til fólkaskúlan. Saman við forlagnum Gyldendal hevur Bóka- deildin latið gjørt orða- bók, sum er sera væl egn- að til frálæru í enskum hjá 8 til 12 ára gomlum børnum. Orðabókin er í trimum pørtum: Ein enskur-føroyskur orðalisti. Ein partur um hugtøk og nøvn á ávísum evnum og lutum. Nevnast kann t.d. orð í samband við sjógv, ítrótt, føðingardag, kroppin, køkin, skúla, tíð. Umframt dømi um sagn orð, fyrisetingar og annað mangt. Ein partur er føroyskur- enskur orðalisti. Mín fyrsta reyða orða- bók er ein spildurnýggj orðabók. Tekstin hava Dorthe Maria Buhl og Ellen Jørgensen skrivað, og Marna Jacobsen hev- ur týtt til føroyskt. Í orðabókini eru fleiri enn 2600 leitorð, og hon er prýdd við stuttligum tekningum eftir kenda teknaran Jon Ranheim- sæter. Bókin er innbundin, er 187 bls., umframt at avritsørk eru í bókini til at spæla sær við orðum. Orðabókin kostar 220 kr í handlunum. Mín fyrsta reyða orða- bók er ein góð og stuttlig hjálp hjá bæði stórum og smáum, tá ið farast skal undir at læra enskt á fyrsta sinni! K F h k n f i ú p P Hesir báðir verða at síggja og hoyra á Summarfestivalinum Mynd: Sunva Ey. Lassen