hósdagur 19. juli 2007síða 9

9 tíðindi Nr. 137 - 19. juli 2007 Eftir at avgerð varð tikin um at vraka verandi kirkju á Glyvrum, sum er vorðin ótíðar­ hóskandi og í minna lagi, og ein útbygging ikki varð mett at vera rætta loysnin, útskrivaði kirkjuráðið á Glyvrum arkitekta­ kapping um nýggja kirkju. Vinnarin er nú funnin Bygging Kári Mikkelsen karim@sosialurin.fo Sjálvt um kirkjan á Glyvrum er í minna lagi, er hon ikki ov lítil til vanliga nýtslu. Orsøkin til, at kirkjuráðið fór undir ætlanir at byggja nýggja kirkju er, at verandi kirkja er sera ópraktisk og ótíðarhóskandi. Hetta sigur formaðurin í kirkjuráðnum, Hans Jacob Lamhauge, ið eisini er borgarstjóri í Runa­ víkar Kommunu. Kirkjuráðið útskrivaði fyrr í ár arkitektakapping, og 15 uppskot eru komin inn. Vinnarin skuldu al­ mannakunngerast klokkan 14 í Glyvra Skúla, men tað eydnaðist okkum tíverri ikki at fáa navnið á vinnar­ anum, áðrenn blaðið fór til prentingar. Hans Jacob Lamhauge vildi ikki út við, hvør hevur vunnið, men sigur, at talan verður um eina ætlan, sum brýtur upp úr nýggjum í før­ oyskari kirkjubygging. Enn er ongin kostnaðar­ meting gjørd av ætlanini, men kirkjuráðsformaðurin sigur, at kostnaðurin ikki fer undir 30­40 mió. krón­ ur. 15 uppskot komu inn til kappingina, og tey verða øll sýnd fram í fimleikarhøllini í skúlanum, sum Arkitekta­ felag Føroya skipar fyri saman við kirkjuráðnum. Saman við fýra kirkju­ ráðslimum eru tað Gunnar Hoydal og ein norskur arkitektur, sum hava sitið í dómsnevndini og valt vinn­ arauppskotið út. Nýggja kirkjan skal byggjast á sama øki sum verandi ella tætt við. Ætlanin er, at nýggja kirkj­ an skal gerast ein meira inte­ greraður partur av býarum­ hvørvinum. Hetta kann ger­ ast við eitt nú einum kirkju­ torgi, sum bindur høvuðs­ vegin og kirkjuna saman. Kirkjuøkið, ið hoyrir til Glyvra kirkju, umfatar Skipanes, Søldarfjørður, Lamba, Lambareiði, Glyvr­ ar, Saltangará og Runavík. Samlaða upphæddin til virðislønir og keyp av upp­ skotum er kr. 300.000. Av hesum verður latin ein 1. virðisløn upp á 150.000 krónur. Alt týður uppá, at bæði fyrireikarar, tón­ leikarar og gestir fáa gleða av góðum veðri á G! Veðurmaðurin hjá Sosialinum spáar turt í veðrinum og sólglottar líka til sunnudagin Veðurlíkindi Kári Mikkelsen karim@sosialurin.fo Veðrið undir G! festivalinum í Syðrugøtu var fyri tað mesta gott í fjør, sjálvt um eitt sindur av regni gjørdi seg galdandi, og í ár sær út til at verða uppaftur betri. Veðurmaðurin, sum hvønn dag skrivar um veðrið á baksíðuni í Sosial­ inum, Petur Skeel Jacobsen, spáar rættiliga gott veður eftir føroyskum mátistokki. Í dag og í morgin kunnu gestirnir rokna við turrun veðri við sólglottum, men møguligum mjørkaflókum. Ættin er vestan, og hitin verður 14 til 18 stig. Leygardagin bjóðar upp á fleyr til gul av ymsum ættum, turt og sólglottar. Hitin verður millum 15 og 18 stig. Sunnudagin kemur eitt stívt andøvsgul av landnyrð­ ingi, men tað verður eisini turt við sólglottum, og hitin fer at liggja milllum 12 og 16 stig. Sostatt sær út til, at veður­ gudarnir hava gjørt teirr arbeiði, so nú er tað upp til tey tvíbeintu at syrgja fyri, at G! festalurin aftur í ár fer at eydnast væl. 30-40 mió. fyri nýggja kirkju á Glyvrum Sigl til G! fyri fimm krónur Flotti skreytbáturin Pearl siglir millum Tórshavn og Gøtu á G! Festivalinum. Um tú ikki longu hevur keypt atgongumerki til G! og samstundis býr í høvuðsstaðarøkinum, so kanst tú fyri 1200 kr. fáa bæði atgongumerki og ferðing til festivalin. Eitt vanligt atgongumerki kostar 1195 kr., so fyri fimm krónur eyka sleppur tú aftur og fram allar tríggjar dagarnar. Um tú longu hevur atgongumerki, kanst tú verða fluttur aftur og fram fyri 250 kr. Hetta er gott hjá teimum, ið ræðast tunnlar, eru troytt av bussum ella bara vilja njóta ein siglitúr. Danir drekka minni Danir drekka minni brennivín, vín og øl enn fyrr, men teir roykja líka illa enn. Í 2005 drukku danir 10,4 litrar av reinum alkoholi í part, men nú vísa hagtølini, at teir drukku 10 litrar í part í fjør, sigur hagstovan í Keypmannahavn. Hagtølini vísa, at tað er ikki bara brennivínnýtslan, sum er minkað, men at danir eisini drukku eina millión litrar minni av víni og øli í fjør enn árið fyri. Tað er verri við roykingini. Í fjør roykti hvør dani yvir 14 ár 1.924 sigarettir í part, og tað var tað sama sum í 2005. Nýggja kirkja á Glyvrum verður bygd norðanfyri hesa kirkjuna, sum verður standandi til tann nýggja er liðug Savnsmynd Gott veður á G! Veðurgudarnir hjá Petur Skeel Jacobsen, veðurmanni á Sosialinum, lova gestunum á G! gott veður komandi dagarnar Savnsmynd Aftur í ár verður gott veður á Gøtusandi undir G!