hósdagur 19. juli 2007síða 15

Nr. 137 - 19. juli 2007 15 Andlát og jarðarferðir nøvn Kistan við Napoleon Johansen, Miðvágur, vanliga nevndur Pole, kemur í Miðvágs kirkju í kvøld kl. 19, har bøn­ arhald verður. Jarðar­ ferðin verður fríggja­ dagin 20. juli kl. 14. Tey, sum vilja minnast Napoleon, kunnu lata eina gávu til Missións­ húsið í Miðvági Lítli Jan Karl Vidtfeldt, sonur Marin Elisabeth og Kristoffur Vidtfeldt, andaðist á Landssjúkra­ húsinum 18. juli. Jarðar­ ferðin verður lýst seinni. Johanna Olsen, Vest­ manna, andaðist á Sýn­ inini í Miðvági týsdagin 17. juli 88 ára gomul. Jarðarferðin verður úr Vestmanna kirkju leyg­ ardagin kl. 16. Tey, ið ynskja at senda blómur ella krans, kunnu í staðin lata eina peninga­ gávu til heimið á Sýnini, konto í peningastovni­ num. Helgi Mørkøre, vanliga nevndur Helgi hjá Ki, andaðist brádliga miku­ dagin 18. juli í Klaksvík, 64 ára gamal. Farið verður úr kapellinum fríggjakvøldið kl. 18 úr Klaksvíkar sjúkrahúsi heim í kirkjuna. Jarðar­ ferðin verður leygardag­ in kl. 12. Sungið verður úr sálmabókini. Kistan við Berint Berthelsen kemur í Sjóvar kirkju hóskvøldið klokkan 19. Jarðarferðin verður úr Sjóvar kirkju fríggjdagin kl. 14. Tey, ið vilja minnast Berint, kunnu lata eina peninga­ gávu til Føroya felag móti Krabbameini. Konto í peningastovu­ num. Andlát og jarðarferðir Dagurin 20. juli. Elias. Dagurin verður hildin til minnis um profetin Elias, sum Kongabøkurnar í Gamla testamenti siga frá. Í Føroyum hevur hann fingið navnið Líggjas. Bíbilskt navn, ið merkir Jahve er Guð mín. Prógv Tann 16. juli 2007 fekk Jóhan Syderbø, Hoyvík, MSc prógv í verkætlanarleiðslu frá The University of Greenwich, School of Architecture and Construction í London. Tøkk Hjartaliga takka vit tykkum øllum, sum á ymiskan hátt sýndu samkenslu, tá ið okkara kæri maður, pápi, verpápi, abbi og langabbi William Holm Jacobsen Tórshavn andaðist og varð jarðaður. Takk fyri vøkur og troystarík orð í kapellinum og í Ebenezer. Takk til Dupultkvartettina fyri vakran sang. Takk til urguleikarar og gravarar. Takk fyri heilsanir, uppringingar, vitjanir, bakstur, blómur og kransar. Takk til tykkum mongu, sum fylgdu honum til hansara seinasta hvíldarstað. Familjunnar vegna Margith Kristian, Lív, Poul og Julianna Góða vinkona mín Sanna Hentze fylti 17 juli 50 ár. Sanna er fødd á Skála og uppvaksin í Havn, dóttir Ingibjørg og Herluf Andrea­ sen. Hon giftist Levi Hentze, Heiman av Sandi, í 1977 og fingu tey børnini Bjørg og Pætur. Vit komu at kennast á Læraraskúlanum í 1992, har vit gingu í sama flokki, og gjørdust vit skjótt bestu vinkonur. Nógvar stuttligar og hugnaligar løtur hava vit havt saman, og ikki minst hava vit altíð havt nógv áhugavert at práta og kjak­ ast um. Serliga góðir hava teir nógvu longu gongutúrarnir verið. Sum balsam fyri sál og likam. Eitt sum eyðkennir Sannu er, at hon altíð ”er í sving”, sum tikið verður til. Altíð er okkurt nýtt á skránni, og henni dámar sera væl nýggj­ ar avbjóðingar. Ja, ikki er lætt at ímynda sær hana utt­ an eitt nýtt spennandi pro­ sjekt fyri framman. Ta tíð, eg havi kent hana, hevur hon tikið útbúgving sum lærari, zonuterapeutur og roykiavvenjari. Haraftur­ at fór hon fyri fáum árum síðani bachelorútbúgving innan kost, rørslu og heilsu. Fólkaheilsa, ítróttur og sunnur lívsstílur hevur altíð havt hennara stóra áhuga, og longu á ungum árum opnaði hon handil ”Spíran”, sum seldi økologiskar mat­ vørur. Á Læraraskúlanum hevði hon ítrótt sum linjufak, og tók hon eisini svimjilærara­ prógv, tó at sigast skal, at tað, at skula kava frá 3 met­ ur vippuni var beiskur biti at svølgja. Sera kreativ og dugnalig er hon til handaligt arbeiði, og ikki óvæntað fekk hon eitt flott 11 tal í handarbeiði á Læraraskúlanum. Eftir lokna læraraútbúgv­ ing fekk hon starv í Hoy­ víkar skúla, har hon hevur arbeitt síðani. At arbeiða við børnum og at undirvísa hevur hon serstakliga gott hegni til og at læra børnini góðar og sunnar kostvanar er eitt av hennara fremstu aðalmál­ um. Sigast kann, at Sanna er áhugaverd kvinna við stór­ ari drívmegi. Eisini kann sigast, at hon er fitt, hjálp­ som og hjartagóð. Hon hev­ ur stóra umsorgan fyri sín­ um kæru, sum hon altíð rættir eina hjálpandi hond, tá ið á stendur. Góða Sanna, tú ert og hevur altíð verið ein sera góð og trúføst vinkona. Takk fyri alt tú ert fyri meg og hjartaliga tillukku á 50 ára degnum. Vónandi fáa vit eitt gott veitslukvøld leygardagin 21. juli í Starvsmannafelags­ húsinum. Tær kærastu heilsanir Jónvá Sanna Hentze 50 ár Í sambandi við at Marjun Smith fer úr starvi sum leiðari á Lágargarði tann 1. august 2007 og Meta av Fløtum tekur við, verður móttøka á Lágargarði fríggjadagin 20. juli Leiðaraskifti verður á Lágar­ garði í Havn tann 1. august, tá Meta av Fløtum tekur við sum leiðari eftir Marjun Smith, sum hevur verið leið­ ari á stovninum, síðan hann læt upp í 1987. Í hesum sambandi verður móttøka á stovninum fríggjadagin 20. juli frá kl. 15­18. Meta av Fløtum er 53 ára gomul og ættað úr Porkeri, men er búsitandi í Havn. Hon tók prógv sum sjúkra­ røktarfrøðingur í 1977 og hevur drúgvar royndir innan yrkið. Seinastu tíðina hevur hon røkt starvið sum leiðari fyri Heimatænastuni í Suðurstreymoyarøkinum. Meta byrjaði á Lágargarði 1. juli, og hevur hon arbeitt saman við Marjun Smith fyrsta mánaðin í nýggja starvinum. Uppgávan hjá leiðaranum á Lágargarði fevnir um leiðslu og starvs­ fólkaviðurskifti, eins og hon hevur umsitingarligu og fíggjarligu ábyrgdina av stovninum. Á Lágargarði eru umleið 100 starvsfólk og 46 búpláss til eldri fólk og tvey umlættingarpláss, umframt at 36 eldri fólk gera brúk av tilboðnum á dagstovninum. Talan er um eitt tilboð til teirra, sum búgva heima, men sum koma á stovn um dagin. Eisini hava tey tilboð til heimabúgvandi pensionistar um fysiurgiska venjing. Á Lágargarði gera tey eisini mat til eldri fólk, sum ikki sjálvi orka at keypa inn og gera sær mat sjálvi. Matur verður koyrdur heim til yvir 100 fólk hvønn ein­ asta dag. mg Leiðaraskifti á Lágargarði Meta av Fløtum (v.m.) avloysir Marjun Smith í leiðarastarvinum á Lágargarði